السلام عليكم ورحمه الله وبركاته
كل سنه وانتوا طيبين
انا بقى لاقيت الدنيا حر نار فقلت نستغل الحر ده باننا نعلم اولادنا سواء الولد او البنت
انهم يستحموا لوحدهم يعنى يتعلموا ازاى يستحموا بنفسهم ويحبوا يستحموا من غير منفضل نقول لهم كل شويه
قوم او قومى استحمى عشان العرق ده من كتر التنطيط
حتعلميهم ازاى بقى
تملى البانيو ميه او اكبر كروانه عندك وتحطى فيه شويه شاور وتقوليله انا حسيبك تستحمى لوحدك عشان انت كبرت ولازم تتعلم تستحمى لوحدك وتخرجى من الحمام بس ايه بقى كل شويه تروحى تبصى عليه وتنبهيه انه لازم يغسل كذا وكذا
لغايه متحسى انه فعلا استحمى كويس يتشطف بقى بالميه ويطلع
وكل يوم تقوليله على حاجه جديده يتعلمها يعنى مثلا انت مغسلتش ورا ودنك ليه
والمره اللى بعدها تقولى ايه ده مش منضف رقبتك كويس ليه
اغسل تحت باطك وهكذا لغايه ميخلص الصيف وحتلاقى اولادك ان شاء الله حبوا الاستحمام وبقوا يقولولك ماما عاوزين نستحمى وبكده تبقى علمتيهم حاجه جديده وربنا يخليلكم اولادكم
يلا بقى اللى عجبها الموضوع ترد وتدعيلى دعوه حلوه
فى انتظار تفاعلكم
دمتم بخير