السلام عليكم
صوباعي اتعور
ماما قاعده تعيط
جيرنا اتلموا وبيواسونى
واقاربي اتصالات اتصالات بيطمنوا عليا
الحاله خطيرة
الحاله خطيرة جداااااااااااااااااا
وصحابي قلولي ايه الي حصل مش تاخدي بالك
الي حصل
استنى اقرأى بقيت الكلام لو سمحتى
الموضوع وما فيه ان لما الواحد فينا بيحصلوا حاجه او ربنا بيبتليه بحاجه
المشكله ساعتها مش في الابتلاء المشكله في الي حواليكي
ياما يساعدوكي تصبري يا اما يزودوا عليكي الابتلاء اكتر واكتر
ويقللوا من عزيمتك وصبرك وساعتها تقعدى تشتكي انا الي فيه محدش فيه
محدش يقدر يستحمل الي انا شايلاه
غلط
ربنا سبحانه وتعالي بيقول في سورة البقره
لَا يُكَلِّفُ اللَّهُ نَفْسًا إِلَّا وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لَا تُؤَاخِذْنَا إِنْ نَسِينَا أَوْ أَخْطَأْنَا رَبَّنَا وَلَا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِنْ قَبْلِنَا رَبَّنَا وَلَا تُحَمِّلْنَا مَا لَا طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنْتَ مَوْلَانَا فَانْصُرْنَا عَلَى الْقَوْمِ الْكَافِرِينَ
بيعتبروني اتأخرت في الجواز
فماما بقي تبصلي وتتحسر عليا
والجيران يقولوا يا حرام هيا الرجاله اتعمت
والي تغلط بالكلام وتجرح فيكي وهيا مبسوطه وكأنها مسكت عليكي زله
اما الاقارب فحدث ولا حرج يبقي محور حياتهم هما انك اتأخرتي والقاعده كلها تبقي عليكي كأن موضوع امن وطن
والي تقولك اتلحلحي شويه مش شايفه البنات الناصحه بتعمل ايه
وعلي هذا المنوال
ويضايقوا جدا لو لقوكى صابرة والموضوع عادي يدوكي كلمتين نرفزة علشان يوصلوا الرساله النبيله
الي بيضايقهم انك صابره مش انك اتاخرتى ولا لا
لما يلاقوا واحده مش صابره وعماله تقول مفيش عريس ليا هيا الرجاله اتعمت (دى لا تأخذ اهتمام منهم)ويقولوا عليها البت دي مش قادرة تصبر هيا مستعجله علي ايه
والي تصبر يضربوا رصاص في ودانها
ربنا يصبرنا علي ما بلانا وربنا يكتبنا من الصابرين
اى مشكله تواجهك متكبريهاش وتدي فرصه للي قدامك يكسر مقاديفك اصبري وادعي ربنا ::
ربنا ابتلاكي بالشئ الفلانى علشان بعلمه عارف انك تستحمليه لكن غيرك معندوش الامكانيات او المميزات الي عندك علشان يستحمل
والعكس صحيح
انا بس حبيت اوضح النوع الهدام
اما الناس الافاضل الي بيساعدوكي لهم كل الاحترام
المزاج
وسام الاشراف المتميز