شنظة الولادة تعالي اقولك تاخدي فيها ايه

[size=21][b][size=21][b][size=21]اكيد كل واحدة حامل بتفكر فى يوم الولادة هتحتاج اية ؟
طبعا بيبقى لاول مرة صعب تحضيرها
فمن تجربتى قلت اجمع الحاجات اللى ممكن نحتاجها فى المستشفى واللى عندها معلومة ممكن تضيفها ونبدا مع بعض
طبعا الشنطة هتتقسم اتنين جزء ليكى [ندعوك للتسجيل في المنتدى أو التعريف بنفسك لمعاينة هذه الصورة]
وجزء للبيبى ويجى بالف سلامة ومعافى [ندعوك للتسجيل في المنتدى أو التعريف بنفسك لمعاينة هذه الصورة]
اولا الجزء الخاص بيكى
1- جلابية بكم وبستة او زراير وتكون واسعة وطرحة او اسدال الصلاة
2- 4 اندرات مريح وسهل التنظيف
3- لو بتلبسى داخلى بديهات او قميص وكمان بنطلون علشان مش تبردى وروب
4- لو هتولدى طبيعى يبقى خدى حفاضة للكبار علشان اول يوم ممكن تجتاجى اتنين
ولو قيصرى هاتى فوط صحية كبيرة
5- شبشب مريح
6- توكة ومشط وممكن كريم شعر وزبدة كاكاو ومزيل عرق ومناديل
7- فوطة وصابونة وخدى معاكى كيس فية حبوب حلبة او باكيتات ينسون علشان ساعات المستشفى مش بيبقى فيها
ولو انتى هتقعدى اكترمن يوم فى المستشفى خدى غيار تانى
كدة خلصنا حاجة الماما
حاجة البيبى
1- سالوبيت بكم
2- بنطلون وطاقية ولكلوك
3-بطانية و
فانلات قطن واحدةحمالة واحدةنصف واتنين بكم لو شتاء لو صيف هيبقى تشيلى واحدة كم
3- 2 حفاضة ولو بنت خدى معاكى الحلق الطبى علشان الممرضة تحطوهولها
4- بافتة
5- فوطة ممكن اة او لا
ودى فكرة نقلاها عجبتنى

[size=16]ر[size=21]كزي معايا اوي في النقطه ده اخر حاجه هتحطيها في الشنطه ولازم تكون علي وش الشنطه

( اقعدي علي السرير و اعملي اللي هقولك عليه هتجيبي البشكير اللي هيتنشف فيه البيبي اول مل يتولد[ندعوك للتسجيل في المنتدى أو التعريف بنفسك لمعاينة هذه الصورة] و تفرديه علي السرير و تجيبي البطانيه لو شتاء تفرديها

عليه و بعد كده
تجيبي الكفرته وبردو تفرديها عليه و بعدين السالوبيت او الجلابيه براحتك
و بعدين البنطلون و بعدين الفانله بكم وبعدين الفانله النصف كم و بعدين
الفانله الحماله و بعدين الحفاضه بنفس الترتيب اللي انا قلت عليه بس يا
سيتي و تمسكي كل ده مع بعض تلفيه لفه كده اكنه بيبي اهو تصبيره عبال
ماتشوفي الامر بتاعك
تحطية فى كيس حاجة البيبى علشان تتاخد من الشنطة بسهولة ومحدش يبهدلك الشنطة
كدة انا خلصت ويا رب كل حامل تقوم بالف سلامة والبيبى بتاعها ينور بيتها وهو سليم معافى
[ندعوك للتسجيل في المنتدى أو التعريف بنفسك لمعاينة هذه الصورة]

[/size][/size][/size][/b][/size][/size][/b]

موضوع هايل يا قمر

ميرسى انا حامل وهاخد بنصايحك

شكرا لكى يا قمر تسلمى
يارب ارزقنى بالذريه الصالحه