حلم ( يوم القيامة )

انا حلمت امبارح ان الدنيا كانت بتمطر جامد جدا وبرق ورعد وكمية مطر رهيبه اول مرة اشوفها
وفجأة السما ضلمت خالص خالص والنور اتقطع في الدنيا بحالها وكن انا وماما
واختي الصغيرة في اوضه في بيتنا بس الاوضه دي كانت في الحلم مكركبه خالص
ومش مترتبه وفجأة حسينا ان الارض بتتشق وبتبلع الاوضه بينا واحنا كنا فيها
وماما اخدتنا في حضنها انا واختي وفضلت تصرخ وتقول ده يوم القيامه وخلاص
احنا كده هنموت والقيامه قامت وحياتنا انتهت
وكان المنظر مرعب خالص وفجأة انا صحيت من النوم بس كنت مخضوضه جدا جدا
ولما صحيت كانت الساعه 1 بالليل
وانا قبل ما انام كنت مدايقه ومخنوقه شويه وعلشان كده نمت بدري
ارجوكم فسرولي الحلم ده لانه قالقني شويه
انا انسه والحاله الدينيه بتاعتي الحمد لله كويسه بس الايام دي مش بصلي لوجود عذر
واللي كانوا معايا في الحلم ماما واختي الصغيرة 13 سنه

انا مبعرفش افسر احلام
بس انا حلمت حلم زى حلمك تقريبا ولما سالت شيخ بيفسر الاحلام قلى اى حد يحلم بيوم القيامه ده معناه انك مقصره مع الله
والله اعلم
ربنا يسترها معاكى ويوفقك

حبيبى الوحيد كتب:: انا مبعرفش افسر احلام
بس انا حلمت حلم زى حلمك تقريبا ولما سالت شيخ بيفسر الاحلام قلى اى حد يحلم بيوم القيامه ده معناه انك مقصره مع الله
والله اعلم
ربنا يسترها معاكى ويوفقك

ميرسي يا حبيبتي ربنا يكرمك ويارب حد يفيدني اكتر

حصني نفسك ولازم تكوني متوضية قبل النوم يارب اهدي بنات المسلمين يارب ومن راي روحي لشيخ يرقيكي

» علامات يوم القيامة ظهرت