السلام عليكم ورحمة الله وبركاته نبدأ الاستفتاء لمسابقة العيد اقرئي الطرائف ثم اختاري من الاستفتاء ما رقم الطريفة التي اعجبتك الاستفتاء فوق وبالتوفيق للجميع
وتذكروا يمنع منعا باتا انك تبعتي للعضوات انهم يصوتولك فى المسابقة ومن تفعل هذا سوف يتم استبعادها من المسابقة ممكن تبعتي للعضوات انهم يشاركوا فى الاستفتاء ولكن لا تقولي لهم انهم يصوتولك
المشتركات :-
1-
[ندعوك للتسجيل في المنتدى أو التعريف بنفسك لمعاينة هذا الرابط]2-
[ندعوك للتسجيل في المنتدى أو التعريف بنفسك لمعاينة هذا الرابط]3-
[ندعوك للتسجيل في المنتدى أو التعريف بنفسك لمعاينة هذا الرابط]4-
[ندعوك للتسجيل في المنتدى أو التعريف بنفسك لمعاينة هذا الرابط]5-
[ندعوك للتسجيل في المنتدى أو التعريف بنفسك لمعاينة هذا الرابط]6-
[ندعوك للتسجيل في المنتدى أو التعريف بنفسك لمعاينة هذا الرابط]7-
[ندعوك للتسجيل في المنتدى أو التعريف بنفسك لمعاينة هذا الرابط]8-
[ندعوك للتسجيل في المنتدى أو التعريف بنفسك لمعاينة هذا الرابط]9-
[ندعوك للتسجيل في المنتدى أو التعريف بنفسك لمعاينة هذا الرابط]10-
[ندعوك للتسجيل في المنتدى أو التعريف بنفسك لمعاينة هذا الرابط]الطرائف الاتية
الطريفة الاولي :-
السلام عليكم ورحمة الله وبركاته عيد سعيد انا سعيدة جدا جدا بالمسابقة دي وبجد هي روعة مش بس عشان بنكسب كروت لأ وكمان عشان بترسم البسمة على قلوب الاصيلات
طريفتي هي الاتي :-
في مرة كنت بشتري حاجات للبيت من كارفور فأشتريت حاجات كتير يجي ب 600 جنيه روحت وكدا وانا بهبلي طلعت من باب الدخول وطبعا مافيش كاشير دي كانت اول مرة اروح كارفور فألأمن شافوني افتكروني حرامية ورجعوني وكدا فهمتهم الموقف فروحت رجعت ادفع الفلوس ف أيه الحصل بقا يا اصيلات نسيت العربية اللى بحط فيها الحاجات ههههههههههههه كان منظري زبالة قدام الكل بيقولوا ايه المسطولة دي
*_*_*_*_*_*_*_*_*_*_*_*_*
الطريفة الثانية :-
السلام عليكم ورحمه الله وبركاته
كل عام وانتم بخير يارب داااااااااااااايما
انا حبدأ بموقف طريف حصل معايه من فترة كده
انا دايما قبل ما اسافر بجهز غرفه نومي وبعمل فيها حركات عشان لما زوجي يرجع عالبيت وانا مش فيه يفتكرني وينبسط من الحركات الحلوة الي بعملها عشان مش بكون موجودة ..
فمرة عملت حركه انه اكتب كلام على المرايه بقلم الروج وعملت ورق مرسوم عليه شفايف وعليهم حمرة يعني عملت من اول البيت لغرفه النوم
ورق واخر وحده بتكون مكتوب عليها ابوس الارض الي بتمشي عليها
فالطريف انه لما خرجنا من البيت لما وصلنا نصف الطريق نسينا ورقه خاصه للسفر فقال زوجي لامه انها تروح تفتح الشقه وتجيب الورقه اصلها بقيت في غرفه النوم ..
وانا وجهي احمر والوان وزقيته قلتله بلاش نرجع وتجيبها فهو مش عارف ليه انا قلت كده قاللي ليه وطبعا انا عملاها مفاجاه
بس خلص دخلت حماتي البيت وداست على الورق ههههه وانا لما كلمت زوجي على الحركه دي بقينا مش قادرين نمسك نفنسا ضحك
اصلي خلاص قبلت رجليها وشافت الحركات والكلام الي كنت كاتباه والله كسوف على ضحك مش عارفه كل ما نفتكر الموقف ده بنضحك كتير ... هههههههه
وبس ويارب يكون الموقف عجبكم
وربنا يسعدنا يسعدكم دايما ..
*_*_*_*_*_*_*_*_*_*_*_*
الطريفة الثالثة :-
السلام عليكم ورحمه الله وبركاته
كل عام وانتى وانتم جميعا بخير وسلام وهنا
بشكركم على مجهوداتكم وبالتووووووووووووفيق ان شاء الله دائما
انا اسمى ايناس
من مصر
انا الموقف اللى حصلى انا كنت نايمه وماما صحتنى قالتلى تعالى سلمى على واحد صاحب بابا المهم انا نزلت عشان اسلم عليه اتارى ايمن اخويه لابس جلبيه جديده ووش شكله وحش وكانه حقيقى بالظبط المهم انا نزلت وقعد وسلمت عليه وانا خايفه جدا
بس ما بينتش عشان مش اكسفه وقلت فى سرى يا عينى الحمد لله الذى عافانى مما ابتلى بيه كثيرا من الناس وماما فى النهايه قالتلى ده ايمن اخوكى فضلت اضحك وبابا قالى انتى شاطره لانك مش بينتى خوفك ولا ضحكتى عليه عشان مش تحريجيه
انا كنت عايشه فى السعوديه حوالى 15 سنه ولما نزلت مصر وانا عندى 15 سنه ففى ولد صغير شتمنى وانا فى الشارع هوه جنب بيتنا ساكنين كنت مستنيه ماما فى الشارع عشان نروح عند خالتى وبعدين ماما طلعت معايا وقلتهاا ياماما الولد مش مؤدب وشتمتنى قالتلى قولى لباباه اهو واقف على الباب المهم قلتله لو سمحت يا عمو محمد ابنك شتمنى وقالى كذا وكذا هوه الراجل اتكسف وماما كمان شدتنى وقالتى تعالى عيب الكلمه دى عيب فى مصر والله بقيت مكسوفه انى اشوف باباه تانى
فى موقف تانى وانا صغيره فى الحضانه انا واخويا احمد جه وقع منه البيبسى على الارض خاف لحسن المس تضربه قلى ايناس قومى اقعدى على البيبسى عشان المس هتضربنى قلتله وانا كمان هدومى هتكون مبلوله ميه هيفتكروا انى عملت --------- قلى انتى اصغر منى وبنت اما ولد عيب وفعلا قعدت ولما بابا جه ياخدنا اخوا مشى ورايا عشان يدارى الميه
ولما روحنا البيت وحكيت لماما فضلت تضحك علينا
بس كده انا حصلى مواقف كتيييييييييييييييييييير بس كلها راحت من على بالى
*_*_*_*_*_*_*_*_*_*_*_*
الطريفة الرابعة :-
السلام عليكم و رحمة الله و بركاته
ازيكم يا اصيلات
انا عايزة احكيلكم كذا موقف حصل معايا عمرى ما حنساه
مره وان خارجه ولابسه تمام التمام وماشيه فى الشارع كانت وقتها الدنيا ممطره جامد والرمله بقت طينه اقوم بسلامتى اتزحلق حته زحلقه مش عارفه اتزحلقتها ازاى ...
المهم ولما اوقعت وقعت طبعا علي وشى مش زى ما نتوا فاكريين ووشى كله اتملى طييين وياريتنى كمان كنت قافله بقى الا كنت فاتحاه واخد نصيبه من اكل الطين المهم شكلى بقى طيين على الاخر واول مارجعت البيت لاقيت كله بيضحك عليا غير طبعا الناس اللى فى الشارع بصراحه كان شكلى كان مسخره مره تانيه برده وقعت و المره ديه كنت لابسه جيبه وانتوا فاهميين المهم لحقت نفسى قبل ما ينكشف المستور وما اخبييش حاجه على الجمهور مره كمان كنت ماشيه ولقيت شحات بيشحت وعايز منى فلوس الصراحه كنت خايفه منه منظره كان مخيف المهم لاقيته بيجرى ورايا وعايز يضربنى مره كمان لقيت واحد وانا ماشيه مع مامتى كان ماشى فى عكس اتجاهى لقيته مره واحده واخد كتفي وماشى بيه قمت طبعا هزاته طبعا بعد ما فلت كتفى
و كمان مرة و انا صغيرة كنا بليل لقيت خمسة جنيه على الارض
و جاية باخدها تجرى منى و احدى تجرى منى و هكذا
و بعد كدة لقيت كل الشارع بيضحك عليا
و بابا و ماما بيضخكو قلت فى اييييية اتاريهم رابطين الخمسة جنية بخيط رفيييع اوى
و مش باين بليل
كنت محرجة اوى و فضلو يضحكو كلهم عليا
اتمنى مواقفى تعجلكم و تكونو استمتعتم :)
فى امان الله
*_*_*_*_*_*_*_*_*_*
الطريفة الخامسة :-
ميما يا قلبى دى مشاركتى فى المسابقة انا هبعت كذا موقف بقى
عشان تفطسى من الضحك هههههههههههههههههههههههههههههه
--------------------------------------
من كام يوم اخويا الصغير (4سنين) بيقولى مفيش حد يقدر يغلبنى
قلتله طب لو غلبتك هتدينى ايه قالى : بالجزمة ههههههههههههههه
--------------------------------------
مرة كنت بكلم واحدة صاحبتى ع الفيس وهيا اسمها
اوله "س"ش شبه واحدة صاحبتى تانية المهم اللى كنت بكلمها
دى كانت كبيرة والتانية هيا اخت صاحبتى الصغيرة وقاعدة اقول
للبنت الكبير يا توتى وادلعها كده واكلمها زى الاطفال والبنت كل اللى عليها
تكتبلى ؟؟؟؟؟؟؟؟ فى الاخر عنيا جت الاسم فطست على نفسى من الضحك
--------------------------------------
النهارده كنا عند عمى وان عمى قالى تعالى نلعب كرة تنس
قلتله لا مش بعرف قالى تعالى بس وانا اعلمك فقعد يفهمنى نص ساعة
وفى الاخر اول ما مسكت الكورة درريب حدفتها فوق الدولاب هههههه
*_*_*_*_*_*_*_*_*_*_*_*
المتسابقة السادسة :-
أزيكم يا قمراتي.........قبل ما أحكيلكم ع الموقف اللي حصلي عاوزة أقولكم أني مدرسة تربية رياضية
يعني شغلي كله في الملعب وكده
المهم في فترة معينة المديرة طلبت مني اني ادخل للكي جي مع المدرسة بتاعتهم لحد ما يكون في مدرسة
تانية المهم طبعا انا بحب الأطفال أووووووووووووووووووووووووووي
دخلت الفصل الولاد كانوا متنحين كده ولسه مش يعرفوني المهم قعدت افكر تعملي ايه تعملي ايه عشان ياخدوا
عليا بقي جبتلهم قصة كبييييييييييييييرة وقعدت احكيلهم المهم وبعدها قعدنا نلعب المهم الحمد لله الأولاد
حبوني جدااااااااااااااااااا وطبعا قول كده من البووووووووووووس اللي كنت عمالة اخده
وقولتلهم نقعد نرتاح شوية ويادوب قعدت كده والاقي واحد منهم جاااااااااااااااااااي عليا يقولي يا ميث يا ميث
قولتله نعم يا حبيبي قالي ..........قالي ............. تفتكروا قالي اييييييييييييييييييييييييييييييييييييييه
قالي تتجوزيني يا ميث انا تنحت
وقعدت اضحك واقوله يا حبيبي لما تكبر ان شاء الله المهم دلوقتي انا عاوزك قوي وتاكل اكلك وتنسيت الموضوع
وعديته خاااااااااااااااااااااااااااااااالث يوووووووووووووووه قصدي خالص ههههههههههههههههههه
تاني يوم الاقي مامته جاية تقولنا فين عروسة ابني ههههههههههههههههههه طبعا صحابي كنت حكيالهم فضلوا
يضحكوا عليا وال ايييييييييييييييييييييه عروسة ابني و انا بلمت
اتاري الواد راح قال لمامته انا اتجوزت الميييييييييييييييييييييييييييييس وعاوز اجيبلها شبكة فوجئت بعدها
بيومين انه جابلي الشبكة فعلا ششششششششششش اسكتوا ايوه ما انا لازم اوافق عارفين الشبكة
بتاعتي كانت ايييييييه
[ندعوك للتسجيل في المنتدى أو التعريف بنفسك لمعاينة هذه الصورة]اييييييييييييييييييييييه انتوا هتتريقوا ولا اييييييييييييييييييييييييه ثيبثي وعثير هههههههههههههههههههههههه
يالا يا اخونا فرفشوا فرفشوا بس انفصلنا اثل العصير معجبنيش ههههههههههههههههههه
إلي اللقاء في مغامرة جديدة مع أطفالي حبايبي
*_*_*_*_*_*_*_*_*_*_*
المتسابقة السابعة :-
اسميت الموقف ده البطه المجنونه
كل سنة وانتى طيبه يا قمر اطرف موقف اتعرضتله فى حياتى كان يوم حنة اختى اختى متزوجه برة القاهرة فى البلد المهم عمتى قالت العادات والتقاليد بتاعة البلد لازم انا وماما نودي اكل لبيت العريس علشان يتعمل المهم جبنا الخضار والرز وفوجئت انه لازم يكون فى بطتين عايشين لازم اخدهم معانا المهم قلتلهم طيب ادبحوهم قالوا لا ما ينفعش المهم قلتلهم انا بخاف منها حمسكها ازاى قالولى حنحطهم فى كرتونه ونقفل عليهم قلت خير وقلبي مش مطمن المهم جابلونا تكتك وركبنا يا دوب عدينا اول شارع وابوص الاقي بطه نطت برة الكرتونه ونزلت من التكتك وهو ماشي طبعا وقفت التكتك ونزلت اجري ورا البطه وانا ميته من الخوف منها ههههههههههههههههههه المهم الشارع كله ستات ما اعرفهمش طبعا وانا بشاور بقلهم البطه بتاعتي وهما بيبصولي تقريبا فاكرني بدلع او بستهبل وانا بجري ورا البطه وخايفه امسكها وفى ستات كانت بتضحك عليه المهم اتقطع نفسي جري ورا البطه واشاور عليها زى الهبله والله هههههههههههههه المهم ربنا رزقني براجل صعبت عليه قالى البطه دى بتاعتك قولتله اه بتاعتي المهم مسكهالى طبعا مش معقوله اقوله تعالى معايه لتكتك المهم مسكتها من طرف جنحنها زى ما ادهانى الراجل ورجعت لتكتك وانا ميته من الخوف من البطه وحموت من الاحراج وفضلت خايفه طول الطريق من البطه المجنونه دى لتعضنى وتنط من التكتك وتنتحر الحمد لله ربنا عداها على خير ووصلت البطه بالسلامه وخدوها منى وخلصت منها الحمد لله ده اطرف موقف افتكره حاليا
*_*_*_*_*_*_*_*_*_*_*
المتسابقة الثامنة :-
انا الموقف اللى حصلى يضحك كان لسه من يومين
مبدئيا انا واحده بتخاف من اى حاجه بتمشى على الارض ماعدا البنى ادمين
المهم الباب خبط بقول مين
قالى افتحى لقيته صوت خالى فتحت
لقيته ماسك كرتونه فيها حاجات بتخبط قلبى بقى فى رجالى بقوله ايه اللى فى الكرتونه
دى ارنب ؟ لقيته قعد وطلع دماغ بطتين من الكرتونه اها والله كان فيها بطتين صاحيين
و راح مطلعهم طبعا كنت انا و الحيطه كائن واحد
و مصمم انى اصوره و الموبيل كان فى الاوضه التانيه قعدت امشى برضو لازقه فى الحيطه
وماما قالتله بس معنديش حد يدبحهم قالها ممكن ادبحهم انا قبل ما امشى :(
راح مدخلهم الحمام و دبحهم فى البانيو و انا واقفه فوق الكرسى فى المطبخ قالى يا بت انزلى قولتله لا يا عم لا واحده فيهم تقل بعقلها و تنط اورح انا فيييين
وراح دبحهم و شال الدماغين بتعاهم و بيدهمولى صرخت و طلعت اجرى و هو قعد يضحك عليا
بس بجد ما افتكر اضحك و خصوصا ان الصوره لسه معايا على الموبيل
*_*_*_*_*_*_*_*_*
الطريفة التاسعة :-
انا بقى فى العيد الى فات ده كنت راكبه العربيه و الحته زحمه
و الطريق واقف ببص جمبى لقيت عربيه طالع منها طفل كده عسوله خالص
و كان قاعد ورا فى عربيته و العربيه متفيمه
قعد انا بقى اعمله باى زى الهبله و مديت ايدى من العربيه العبله فى شعره
اتاريه قاعد على رجل واحد و لقيت الولا الكبير بيطلع ايده و بيسلم عليا
هههههههههههههههههههههه
بقيت فى نص هدومى و بقول انشقى يا ارض و ابلعينى
*_*_*_*_*_*_*_*_*_*
الطريفة العاشرة :-
السلام عليكم ورحمة الله وبركاته
انا هحكيلك طريفة لي وانا عندي 6 سنين
كنت ماشية فى الشارع مع والدتي وفجاه لقيت نفسي ماسكة ايد واحدة تانية غير مامتي
اعدت اصوت واعيط وفى الاخر عرفت ان دي عمتي ههههههههههههههههههههه
*_*_*_*_*_*_*_*_*_*
يلا مستنيين مشاركتكوا فى الاستفتاء اختاروا الطريفة فى الاستفتاء مش فى رد اى اختيار فى رد مش هيتحسب
بالتوفيق
المزاج
الفائزة بالمركز الثاني فى مسابقة احلى موقف طريف