لو حد شرق والاكل وقف فى زوره هتتصرفى ازاى؟ تعالى اقولك

لو لقيت قدامك واحد كان بياكل و فجأة الأكل وقف في زوره و مش قادر يتنفس
ايه اللي المفروض نعمله عشان ننقذه من الموت ؟؟
ايه الاسعافات الأولية ؟؟
=========================
أول حاجة لو قادر يكح: شجعه انه يكح .. عشان يطلع الأكل بره
...
لو مش قادر يكح هتعمل حركتين :
1-تقف وراه و تضربه بكعب ايدك علي ظهره .. 5 مرات
و مكان الضرب هيكون بين "عظمتي لوح الكتف " ... اللي هما العضمتين اللي موجودين ورا في الظهر

2- لو الأكل ما طلعش بردو
تقف ورا الشخص المصاب .. و تلف ايدك حوالين بطنه
بين القفص الصدري و منطقة السرة
و تميل بالمصاب لقدام
و بعدين تضغط علي بطنه جامد لفوق
5 مرات بردو

و لو الأكل ما طلعش ..
كرر اخر خطوتين لحد ما يطلع
اضربه علي الظهر 5 مرات و اضغط علي بطنه 5 مرات
-------------------------------
طيب لو طفل ؟؟
شيله علي ايدك زي الصورة كده و اضربه علي ظهره .. بس براحة عشان ما تكسرش ضلوعة

طيب لو لا قدر الله حصلك حاجة زي دي و انت لوحدك ؟؟
حط قبضة ايدك فوق منطقة السرة و اقف ورا اي كرسي
و اضغط جامد لفوق و لبره .. لحد ما الأكل يطلع

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

ربنا يستر وشكرا علي موضوعك يا قمر

ربنة يستر

تسلمي يا قلبي