هنخس من غير حرمان وبالأكل كمان

[b][i]

يلا نبدأ الأول كدا بشوية نصايح عامة وهتفيدنا اوى ان شاء الله فى الرجيم :
1- الارادة ثم الارادة ثم الاردة
2- نشرب ماية كتير اوى على اد مانقدر
ممكن نحط جمبنا ازازة اللى هى لتر وجمبينا كوباية وكل شوية نشرب حتى لو مش عطشانين
3- نعمل مواعيد محددة وثابتة لأكلنا
4- الرياضة مهمة اوى يا جماعة واللى معندهاش وقت تروح جم او تمشى وكدا تتحرك كتير فى البيت او شغلها
والرقص مفيد جداااااااااا ونط الحبل لو 10 دقائق الصبح وقبل النوم بس هتفرق معانا كتير اوى
5- لو جينا يوم ولخبطنا ولا حاجة عااااااااادى جدا منبوظش اليوم ونقول بكرة لالالا
نشوف احنا لو لخبطنا فى الغدا مثلا يبئى خلاص كدا مفيش عشا ونكتر من المشروبات الحارقة شوية
( مش بقولكوا الموضوع بسيط جدا )
6- منوزنش الا مرة واحدة اسبوعيا فقط يعنى مش كل يومين والكلام دا وياريت يكون ميزان ثابت يعنى يكون بتاعك انتى بس
لأن كل ميزان له قراية غير التانى .

ندخل بئى على التعديلات البسيطة اللى هنعملها فى اكلنا :
1- نستبدل الدهون ( السمنة والزبدة والزيت ) ب ( زيت زيتون ) .
2- نستبدل ( السكر ) ب ( سكر دايت )
3- نستبدل ( العيش الفينو والابيض والتوست ) ب ( عيش سن او بلدى غامق او توست سن )
4- نستبدل ( الاكل المسبك ) ب ( الاكل النى فى نى )
5- نستبدل ( الدقيق الابيض ) ب ( دقيق جنين القمح )
6- نستبدل ( الجبن والالبان كاملة الدسم ) ب ( جبن والبان خالية الدسم )
7- نستبدل ( الارز العادى ) ب ( أرز بسمتى )

هقولكو كمان يا بنات على وصفة هايلة اوى : ( شوربة الكرنب )
بنجيب كام ورقة كرنب وبصل اخضر او عادى وجزرة وطمطماية ( ممكن تقطعوهم وممكن صحيح ) انا كنت بخليهم صحاح ..
وملح وفلفل اسود وكمون صحيح وبذرة كتان وقرفة وزنجبيل
وسيبيهم يغلوا غلوتين كدا وبعدين وطى عليها 10 دقايق بجد مش هقولكوا على النتيجة سحر بجد قبل كل وجبة بربع ساعة كدا
نيجي بئى يا بنات للأكلات الدايت ( اللى هى أصلا مش دايت )ههههههههههه
عايزين ناكل بطاطس محمرة وطبعا مش هينفع احنا عاملين دايت لا ياجميلة ان شاء الله هينفع
احنا اتفقنا ان كل حاجة معانا بتنفع وبسيطة و سهلة ومفيش حرمان
بصي يا جميلة انتى تجيبي البططساية الحلوة ونقطعها صوابع وبعدين نسلقها عادى خالص
ونجيب صينية تيفال ونصفى البطاطس خالص ونحط البطاطس فى الصينية ورشة زيت زيتون بسيطة اوى
ونكون مولعين الفرن على الشواية وبعد ربع ساعة دوقى احلى بطاطس محمرة ومقرمشة وتحفة والله احلى من المقلية فى الزيت
************************************************
الفراخ - اللحمة المحمرة او البانيه
نسلق الفراخ او اللحمة وبنفس طريقة البطاطس وممكن نستغنى عن زيت الزيتون واقولكو على سر جامد ؟؟
احنا ممكن نسلقها بشوربة الكرنب مممممممم بجد بتبئى رووووووعة

يلا يا بنات مين هتبتدى فى الرجيم ؟؟؟
عايزين نتابع سوا ...............

عايزة أقولكو يا بنات انى مشيت على النظام دا وخسيت 7.5 ك فى أسبوعين بالرغم انى ساعات كنت بلخبط بس طبعا حاجات بسيطة جداااااا وكنت بظبط اليوم تانى وبعمل اعتدال زى ماكتبت فى الموضضوع
وبجد الموضوع بسيييييط وبحس انى مبسوطة مش محرومة من حاجة خالص وكمان بخس

شكرا ياقلبي تسلمي

ريم بنوتة كتب:

شكرا ياقلبي تسلمي

ربنا يخليكي يا قمر يارب الموضوع يكون عجبك

ماشاء الله موضوع رائع