بالنسبة للعزومات
اول حاجة لازم تعمليها هي قائمة بالاكل اللي ناوية تعمليه وترقميه بارقام
2:تحضري قائمة بلاوزمك اللي حتحتاجيها عشان تعملي الاكل دا
3:تروحي السوق وتشتري الطلبات وكل ما تشتري حاجة تعلمي عليها في الورقة
4:ابداي بالتحضير بدري يعني يومين مثلا اول حاجة اعملي الحاجات اللي ممكن تفضل لتاني يوم في التلاجة يعني عصجي اللحمة واعملي البشاميل
5:قبل العزومة بيوم اعملي الصواني ولفيها بالفويل وحطيها في التلاجة وسبكي الطبيخ وتبلي اللحمة او الفراخ بحيث لما تطلعيها يوم العزومة يبقي جاهزة علي التحمير بس وانتي بستني الاكل يتسبك طلعي الحاجات اللي حتقدمي فيها من النيش واغسليها ونشفيها وحطيها علي صينينة كبيرة علي السفرة عشان متعملش زحمة في المطبخ
6 يوم العزومة بقي لما تفتحي التلاجة وتلاقي الاكل يادوب علي السوا نفسيتك حتستريح جدا وضبي البيت وقبل ما يجيو الضيوف بفترة صغيرة ابداي في قلي اللحوم او الفراخ عشان تفضل سخنة ويادوب جهزي السلطات
7:بالنسبة للحلو خليه جاهز من بدري عشان يبقي جاهز علي التقديم
8:الفوضي اللي بتبقي بعد العزومة لو تعبانة وحتسيبيها لتاني يوم علي الاقل اغسلي الفناجين والكاسات عشان ميفضلش غير الاطباق بس
وسام النشاط والتميز
وسام الاشراف المتميز