اريد تفسير لنوع علاقتي مع ابن خالتي ...

ا


لسلام عليكم ورحمة الله وبركاته
انا النهارده حصل حاجه مش فاهمه معناها لحد دلوقت بليز سيبوني دلوقتي
وكنت متردده اكتب
بس اعمل ايه انتم صحباتي جدا وبحب اشاركم اي حاجه في يومي محرجة
ابن خالتي قالي قبل كده انوا بيحبني وانا قلتلوا
انا مش هقولك اه ولا هقولك لاء خليها لظروف وربنا يعمل الخير
وطبعا اكيد حكيتلكم عن موقفوا انو اعتبر اني جرحتوا ومش عارفه ايه
وفعلا مبقاش بيكلمني وبقي بيقولي انا عيني هتيجي ف عينك ازاي بعد كده
وكلام من ده
المهم انا سيبتوا براحتوا بس لما بنتجمع في مناسبه بتعامل عادي كان مفيش حاجه
وهوا كان يعني بيعاملني بالقطاره صعبان عليه
فانا كنت مدايقه جدا بصراحه فكبرت دماغي منوا الموضوع ده من رمضان اللي فات ولحد الان هوا مكلمنيش خالص او لحد امبارح فجاه لقيت النهارده موبيلي بيرن
ببص مين لقيتوا هوا انا مكنتش مسداه عيني بصراحه
لو اقولكم فرحت
مكنتش متخيله اني ممكن افرح بالمنظر ده خالص
ورديت من اول مره معرفش ليه والله
مع اني اغلب الوقت بحس نحيتوا انوا زي الاخ وكده
المهم بقي الحوار كان كلاتي
(بعد السلام
ازيك عامله ايه
انا : الحمد لله انا بخير
هوا :انا قلت انتي مبتساليش قلت اسال انا
انا :انا بسال بس انت اللي مكبر دماغك وانا ادايقت بجد
هوا :دحك وسكت
..المهم انتي ايه اخبارك
انا :الحمد لله انا بخير وانت
هوا :بخير الحمد لله طالما انتوا بخير
انا :الحمد لله
وايه اخبار العين السخنه
هوا :ينهار انتي وصلك الموضوع
انا :ما خالتوا سيحتلك عندي من الاخر
هوا : ما انا عارف ماما دي مسيحالي ع طول
..والله هما كانوا يومين حلوين رحت ااغير جو انا وزمايلي شويه هناك
انا :طب كويس المهم تكون مبسوط
هوا :الحمد لله
...وايه اخبار تقديرك الترم اللي فات
انا :الحمد لله جبت جيد جدا
هوا :انتي طول عمرك دحيحه
انا :لا والله حرام انا تعبت اوي الترم ده
...وانت عملت ايه
هوا :الحمد لله عديت الترم ده بجيد
انا :الحمد لله
...انا هسافر اسكندريه قريب
هوا :بجد
انا:اها بجد
هوا :المهم تبقي مبسوطه
انا احباااااااااااااطومعرفش قلت كده ليه )انا مبسوطه طالما سمعت صوتك وميرسي ع المكالمه دي بجد
هوا :وانا كمان
........انا لقيت الجو قلب قلت اقفل احسن فقلتلوا طيب اي خدمه فلقيتوا بيقول ف نفس الوقت نفس الكلمه ودحك
رحت قلتلو خلاص انا هقفل علشان عاوزني قالي خلاص ماشي يلا باي قلتلوا لا اله الا الله وقالي سيدنا محمد رسول الله
................................................
ها انتوا شايفين ايه
حاسه ان في حاجه بين السطور ف تصرفه ده انا مش قرياها ليه الاتصال بعد الفتره دي
وانا بكلم خالتوا كتير وبيكون هناك مبيكلمنيش
وبكون فاتحه الفيس وهوا فاتح مبيكلمنيش
في ايه بقي ؟؟؟؟؟؟؟؟؟؟؟؟؟؟؟؟؟؟حاسه بحاجه مش فاهماها او يمكن تكون قدامي بس مش شايفاها
ياريت يابنات
تشاركوني رايكم بالله عليكم
وجزاكم الله خيرا يارب :(

بصي يا جميل انتي في الاول لازم تحددي شعورك ناحيته هل انتي فعلا بتحبيه ولا ده مجرد تعود لما قلتي انه مجرد اخ
ثانيا مينفعش تكلموا بعض في التليفون ولا حتى الفيس مادام هو غريب عنك
ثالثا لو كلمك تاني ياريت تسأليه بصراحة موقفه تجاهك هل بيحبك ولا واخدك كأخت
لو بيحبك يبقى لازم تقوليلو يعمل خطوة رسمي
ولو كان بيتصل بيكي كاخت قوليلو ان الكلام في التليفون او الشات مينفعش ونبقى نتكلم في اي مناسبة عامة مع العيلة
يعني من الاخر كده لازم تحطي النقط على الحروف وتعرفي وضعك كويس
وربنا يكرمك يا قلبي ويقدملك اللي فيه الخير

بصى ياقمر اولا دة يجوز ليكى انك تتجوزيه معنى كدة انه اجنبى عنك ومينفعش تكلميه كدة العلاقة مابينكوا المفروض ازيك الله يسلمك وخلاص تانى حاجة انتى االلى تحددى العلاقة بينكوا بأحساسك وتالت حاجة ممكن تكونى انك حاسة كدة لانك مثلا معجبة بيه لانك لو بتحبى شخص بتنظرى لكل تصرفاته من جهة الحب وبس وربنا يوفقك ياقمر

يتقدملك عشان يخطبك الاول
وساعتها بس تتاكدى من صدق نيته وتعيشوا سوا احلى حياة ان شاء الله

حبيبت قلبى طبعا انتى من كلامك انك بتحبية جدا واظن ويارب يكون احساسي صادق انة فعلا بيحبك بس متردد او عندة خوف من انك تصدية او تزعلية او انك تكونى رافضاة مكالمة دى ياحبيبتى بتكون بالبلدى كدة جس نبض وعموم هوة ابن خالتك يعنى هايخاف عليكى ولو انتى بتحبية فى المكالمة الجاية حاولى تطمنية من موقفك تجاهة وربنا يوفقك يابتى للخير

شوفى ياقمر
هى فين ماما من كل ده
انا رايى انك تحكيلها وهى بطريقتها الستاتى وبصنعه لطافه كده
تسال اختها اللى هى خالتك وتعرف منها هما ناويين على ايه
واذا وجدت منها استجابه وترحيب بالارتباط بينكم اهلا وسهلا
واذا كان العكس فالافضل ان تبعدى هذه الافكار عنك حتى لا تصدمى فيما بعد
واحب ان انبهك الى انه ربما تكون خالتك ليس لديها فكره عما يدور
فاعرفى بطريقه مشروعه ما يحدث اولا ثم خذى قراراك
حتى يكون على اساس مضمون
ولا تحاولى انشاء علاقه معه حتى لا يقلل ذلك من شأنك فى نظره
وكى يعرف كم انتى محترمه ومصانه فى بيتك
وايضا اتركى اى شىء حرام تجاهه فمن ترك الحرام عوضه الله
عنه بما هو افضل منه
وفقك الله وراعاك ورزقك ما تتمنى

بصى يا قمر ادعى لو انتوا الايثنين ليكم نصيب مع بعض ربنا يتمم فى اسرع وقت فى الحلال وبالشكل الرسمى
ثالنيا من راى تحكى لماما لان ممكن تكون خالتك لمحمت لماما عن الموضوع بس ماما مستنيه فرصه تقولك او ماما تنصحك تعملى ايه لان مينغعش تكلميه خالص الا امام العائله عشان دائما تكونى معززه ومكرمه فى نظره طول العمر
وربنا يوفقك للخير كله

مي اشرف كتب:

بصي انا دايما بحب احط نفسي مكان الشخص الي ادامي واحكم على الموضوع من المنظور ده .....بصي واحد واحد =اتنين
يعني اعدي مع نفسك الاول وحدد مشاعرك انتي فعلا بتحبيه ولا حابه حالة الاهتمام بيكي واحساسك انتك مرغوبة

ولازم تصارحي نفسك ومتضحكيش عليها
اذا كنت فعلا بتحبيه يبقى نخلى الموضوع واضح وفي النور ويكلم اهلك وربنا يسعدكم مع بعض امين

اذا كنت لقيه نفسك متترددة ساعتها اقطعي اي صلة للموضوع وحاولي تتجنبي اي لقاء او حوار بينكم حتى لو بصفتة ابن خالتك لان ده هيديلو امل وتبقى حرام عليكي تعلقيه
وربنا يقدملك الي فيه الخير وابقي طمنينا عليكي يا جميل

انا مع الراى دة لازم تعرفى حقيقة مشعرك من نحيتة

مي اشرف كتب:

بصي انا دايما بحب احط نفسي مكان الشخص الي ادامي واحكم على الموضوع من المنظور ده .....بصي واحد واحد =اتنين
يعني اعدي مع نفسك الاول وحدد مشاعرك انتي فعلا بتحبيه ولا حابه حالة الاهتمام بيكي واحساسك انتك مرغوبة

ولازم تصارحي نفسك ومتضحكيش عليها
اذا كنت فعلا بتحبيه يبقى نخلى الموضوع واضح وفي النور ويكلم اهلك وربنا يسعدكم مع بعض امين

اذا كنت لقيه نفسك متترددة ساعتها اقطعي اي صلة للموضوع وحاولي تتجنبي اي لقاء او حوار بينكم حتى لو بصفتة ابن خالتك لان ده هيديلو امل وتبقى حرام عليكي تعلقيه
وربنا يقدملك الي فيه الخير وابقي طمنينا عليكي يا جميل

انا مع الراى دة لازم تعرفى حقيقة مشعرك من نحيتة

مش عارفه الصراحه انتى اللى مفروض تحددى مشاعرك ايه وتتاكدى منها وانا شيفا انك تستنى لما تخلصي دراسه احسن