عايزة تركبى برفان هنا الطريقة كاملة من الالف للياء

ازيك يا زائر ان شاء الله بخير
لو عايزين تركبوا برفان هنا موجود من الالف للياء و ده هشرحلكم على اجزاء و ان شاء الله تستفيدوا
اولا
في 5 انواع للازايز

النوع الاول :
دي الازايز العاديه الي هي مش ليها شكل غير شويه زجاج بس
ودي طبعا ارخص الانواع بيستخدمها غالبا الرجاله وبردو البنات الي هما بيبقو عاوزين البرفان الي جواها بس يعني مش لعروسه ولا هدايا لانها مش منظر ودي معروفه الي هي ازايز التركيب
اسعارها بتبقى
ال30 مل ب 75 قرش
ال 50 مل ب 1 جنيه
ال100 مل ب 1.5 جنيه

ودي طريقه ملاها سهله جدا لانها بتتقفل من فوق وبتتفك عادي زي اي ازازه

النوع التاني :
دي بقى ازايز شكلها حلو وتنفع لعروسه وتنفع لهدايا بس بتبقى مخصصه للتركيب بردو ليه بقى ؟؟
لانها بتتفتح من فوق بتتلف عادي وطبعا دي بتتملا سهل بردو
ودي اسعارها بتختلف حسب الشكل بتاعها والمكان
بتبدأ من 5 جنيه ل 25 جنيه
النوع التالت :

دي ازايز بيبقى شكلها حلو بردو بس بتلاقيها مش بتتفتح من فوق دي اسمها ازايز كبس وهعرفك ازاي تمليها بردو

النوع الرابع :
ازايز برفانات معينه الشركه بتنزلها فاضيه وبتكون كبس بردو

اخر نوع :
ازايز قديمه عندك كبس بس مش اصليه والنوع ده مينفعش يتملي

نيجى بقى للنقطة التانية ااى تملى ازازة

ازاي تملي ازازه

انتي بتجهزي الي هتحطيه وتجيبي الازازه

لو هي بتتفتح من فوق عادي بتفتحي وتصبي تمليها وتمام كده

نيجي بقى للازايز الكبس

الي هي مش بتتفتح من فوق

بتتملي ازاي ؟؟؟

ركزي معايا بس شويه هي دي تعتبر ارخم حاجه في الموضوع

طريقه الكبس :

بتحتاجي انك يكون عندك سرنجه كبيره ممكن تجيبيها من اي صيدليه عاديه او صيدليه بيطريه

وهتجيبي من محلات البرفانات الجمله حاجه بيسموها "جلده"

ولو مش لقيتيها مش مهم بس هي هتسهل عليكي يعني

هتعملي ايه بقى

هتجيبي السرنجه هترمي الابره مش هنحتاجها

هتجيبي السرنجه المكبس نفسها

ويبقى عندك طبقين

واحد تحطي فيه البرفان الي جهزتيه

والتاني يبقى طبق كبير واسع تحطي فيه الازازه نفسها علشان لو وقع منها حاجه وانتي بتملي تسحبيها تاني وترجعي تمليها

تجيبي بقى الازازه وتشيلي "البمب" بتاعها
الي هو بتدوسي عليه يقوم يرش
لما تشيليه هتلاقي تحته انبوبه رفيعه

تمام لحد كده
بتعملي ايه بقى
بتسحبي بالسرنجه شويه برفان
وتحطي طرف السرنجه على طرف الانبوبه الي قولتلك عليه من شويه
وتضغطيه حبه لتحت
وتدوسي على المكبس هتلاقي بيدخل جوه الازازه

وطبعا بتمسكي بايديكي جامد تلفيها على طرف السرنجه وطرف الانبوبه علشان البرفان مش يترش بره
يتبــــع عايزة مشاركات

موضوع: تكملة الخميس أغسطس 02, 2012 8:27 am

خلصنا كده الازايز وازاي تتملا

طيب نشوف بقى هنملاها ايه ؟؟

اي برفان هتعمليه
بيتكون من 4 حاجات

1- الزيت :
دي الي هو الاسانس الي هو اصل البرفان او خامه البرفان

2- الكحول او السبرتو الابيض

3- المثبت

4- ماء مقطر
يتبــــع

موضوع: تكملة الخميس أغسطس 02, 2012 8:29 am

كده عرفنا ايه الي بيتحط في الازازه

طيب تعالى نعرف بقى هنجيبهم ازاي ومنين

اول حاجه الزيت :

الزيت ده بيتباع بالجرام او المل
كل الزيوت غالبا بيبقى المل فيها ب نص جنيه
وطبعا انتي علشان تروحي تجيبي بتفهمي الي انتي رايحه ليه ده انك جايه تشتري جمله

فبتروحي تجيبي الزيت الي انتي عاوزاه تمام كده

نيجي للكحول بقى :

ده بتجيبيه باللتر يعني لتر او نص لتر او ربع لتر هيقضيكي كتير
اللتر بيتباع ب 6 جنيه

بعد كده بقى المثبت :

المثبت ده بيبقى جلسرين عند محلات البرفانات
بتروحي تجيبيه بيتباع زي الزيت بردو بالجرام
في جرام ب 30 قرش وجرام ب 15 قرش
طبعا ال 30 بيكون اتقل وانظف

في حاجه تاني بقى للمثبت وده سر المهنه
انتي ممكن تروحي عند العطار وتجيبي زيت صندل
بيستخدم بردو على انه مثبت انظف من كل حاجه
وده بيزيد عن 100 جنيه

والماء المقطر بقى تجيبي اي ازازه ميه معدنيه
يتبــــع

دلوقتي نتكلم عن الخطوات العملي :

اول حاجه هتعمليها انك هتروحي للي بيبيع جمله تقوليله عاوزة لتر او نص لتر هيكفيكي كتير (كحول) او سبرتو ابيض
هيبقى ب 3 جنيه

وتقوليله عاوزة ب 5 جنيه مثبت او جلسرين

تمام كده ؟؟

دول هيبقو عندك مش هيخلصو الا بعد مده كبيره
يتبــع

موضوع: تكملة الخميس أغسطس 02, 2012 8:31 am

اختارنا الازازه وعرفنا هي كام مللي
نروح بقى نجيب الزيت الخام
بنجيب اد ايه
بنجيب 30% من حجم الازازه
يعني ايه
يعني الازازه ال30 ملل
نجيبلها 10 مل زيت
(علشان كده تلاقيها ب 10 جنيه دايما)
الازازة ال 50 مل
نجيبلها من 15 ل 20 ملل حسب التركيز الي تحبيه
الازازه ال 100 مل
نجيبلها من 30 ل 40 مل حسب التركيز بردو

موضوع: التكملة الخميس أغسطس 02, 2012 8:32 am

كده جبتي الحاجات الي هتبقى موجوده دايما

نيجي بقى لنقطه الاختيار

انتي هتنزلي بقى علشان هتعملي برفان معين

هتعملي ايه ؟؟

اول حاجه

هتروحي تنقي الازازة
من الانواع الي شرحناها قبل كده
وتسالي هي كام مللي
ومره في مره بالنظر هتعرفي كل واحده كام

كده جبنا الازازه نروح للزيت بقى
يتبــع

موضوع: تكملة الخميس أغسطس 02, 2012 8:32 am

كده جبنا الزيت
وعندنا الباقي

نقوم نعمل ايه بقى
نفتح الازازة
ونحط فيها كميه الزيت الي جبناه
ونكمل الازازه كحول
ونحط نقطتين مثبت ونقطه ماء مقطر

ونرج الازازة وكده يبقى تمام
يتبــع

موضوع: اخيرا ملاحظات الخميس أغسطس 02, 2012 8:33 am

ملاحظات
- الازايز الي عندك
عادي جدا تستعمليها 20 مره بعد كده مفيش مشاكل
بتغسليها بس كويس بكحول وتمليها عادي والريحه تروح

2- ملاحظات علشان تركزي برفانك اكتر
لو هتعملي برفان رجالي ممكن تخليه تركيز الزيت 40% بس لو ريحته اصلا هاديه
عموما انا بفضل ان التركيز يبقى 35%

تاني حاجه بعد ما تعملي البرفان لو حطيتيه في الفريزر يومين هيبقى احسن واحسن

3- دي اسماء برفانات تروحي للعطار تشميها قبل ما تجيبي منها لانها اذواق
رجالي :
كشمير - روشاس - سكلابشر - دنهيل ديزايز - وان مليون
حريمي :
الهادي المشهور جادور - ياسمين - فل - فواكه
بتاع العرايس بقى الشديد
كاسيليا - سكادا كولكشن

واو ثانكيو يا عسل

تسلمى يا قمر
انا دايما بعبى برفانات مركبه بس باخد زجاج البرفان من معى بيكون شكلها حلو كانت علبه برفان جاهز

[ندعوك للتسجيل في المنتدى أو التعريف بنفسك لمعاينة هذه الصورة]

» فن الاتيكيت من الالف للياء
» كل مايخص البشره من الالف للياء
» لو فرحك قرب و عايزة تعمليه فى دار المركبات اليكى كل التفاصيل و الأسعار كاملة
» الطريقة السرية لاحلي لحمة مشوية
» الطريقة السليمة لغسل الشعر وتصفيفه