الطريقه الاولى [b]
هتجيبى علبه الحلاوه الكبيره دى او هتجيبى اى علبه كبيره عندك وتشترى الحلبه عادى من العطار وتشترى قطن من الصيدليه او القطن بتاع المكياج ده تحطيه جنب بعض وتوزعيه فى العلبه وبعدين ترشي على القطن وهو فى العلبه مياه او تبليه بسيط قبل ما تحطيه فى العلبه وبعدين تحطى الكميه اللى انتى عايزاها من الحلبه وتحطى العلبه فى البلكونه وكل يوم ترشي عليها مياه وفى خلال خمس ايام تبقى زى اللى بتتباع عند الراجل بتاع الترمس بس انظف بكتير طبعا وطبعا لها فوائد كتير وذكرتها فى قسم الريجيم
الطريقه الثانيه بقى يا اصايل
هتجيبى مصفاه كبيره اللى هى فيها خروم صغننه كده اللى مامتنا بتنقى فيها الحاجه او بتسيب الحاجه فيها تتصفى المهم اى مصفاه كبيره كده تشطفيها حلو اوى وبعدين تحطى الكميه اللى عايزاها من بذور الحلبه بعد ما تغسليها وتحطى المصفاه فوق طبق غويط كده وبعدها تغطى المصفاه باى فنله قطن قديمه عشان الذبان وكده وتحطيها فى البلكونه وترشي عليها مياه كل ما تنشف
وسام النشاط الاداري
وسام النشاط والتميز فى اقسام زيادة ونقص الوزن
المزاج
الفائزة بالمركز الاول فى مسابقة العيد