تعبت منه بجد

ازيكم يا قمرات انا حبيت اكون اول موضوع هنا واحكيلكم على اللى تاعبنى انا مخطوبه بقالى 3 شهور وانا بحب خطيبى جدا وهو كمان بيحبنى قووى بس بجد بيعمل حجات فيا بتخلينى افكر مليون مره قبل ما اتجوزه يعنى بيحب يعمل فيا مقالب موووت يوم قرايه الفاتحه مثلا ماجاش مع اهله وطبعا انا قلقت قووى قلت ايه قله الزوق دى المهم جه ولما قعدنا بعديها قاللى انا قولت اما اوقع قلبك بس وعديتها قولت يمكن عاوزيخلينى اخد عليه بسرعه وفى مره كان جاى عندنا لقيته بييتصل بيقوللى انا مش جاى عشان حصلت ظروف سالته خير بس ما رضيتش الح عليه قولت هيحكيللى لوحده قولتله اوك ماشى قولت هو مش جاى انا هاخرج وانا على الباب لقيته بيقوللى هو انتى بتصدقى اى حاجه اقولها كده وحجات كتير من دى وانا بعديها الاسبوع اللى فات بقى اتصل بيا بالليل وقالى انا مش عارف المفروض نكمل مع بعض ولا ايه المهم انا الكلام صدمنى قولتله لما تيجى انا هاقولك نكمل ولا لا وقفلت السكه فى وشه فضل يتصل بيا المهم رديت عليه قعد يقوللى انا مش عاوز اظلمك معايا المهم كان ردى عليه بالقطاره جه بالليل بيتصل لما زهقت منه رديت نعم قعد يقوللى ايه ياحبيبى انت زعلانه ليه والله بهزر هو انا اقدر استغنى عنك قولتله انا اقدر ولما تيجى نبقى نشوف الموضوع ده ومبقتش ارد عليه لحد اما جه وجابلى هدايا عشان يصالحنى ويحلفللى انه مش هيهزر فى الموضوع ده تانى المهم انا مضايقه قوى من الموضوع ده وخايفه بعد كده مش اصدقه فى اى حاجه وعلى فكره هو غير كده انسان مسؤؤل جدا وعارف ربنا وبيقدرنى وبيحبنى بس انا خايفه الموضوع ده يتطور للكدب بعد كده ادعوللى بالهدايه وان ربنا يهديه ويجمع بينا على خير لو ده فى خير لينا

طيب وايه يعنى انتى مكبرة الموضوع ليه بيحب الضحك والهزار هو حد طايل بكرة تتجوزوا ان شاء الله وتقولي فين ايام الهزار دى

[u]المهم انه انسان محترم ويعرف ربنا بس هو واضح انه بيحبك هو كمان بيحك الفرفشه والهزار متنكديش على نفسك وربنا يهديكو لبعض ويتمملكو على خير

مفيش مشكلة انوا بييحب الهزار والضحك مدام هو انسان محترم ويعرف ربنا وبيحبك

انتي مكبره الموضوع عل فاضي هوه كده بيحبك علي فكره
وبصراحه بصراحه هوه شكله كده والله اعلم متاكد مليون 100% انك بتحبيه
لانه لو مش متاكد انك بتحبيه مكنش هيهزر معاكي كده
ربنا يوفقكم ويسعدكم

ربنا ييسر لكم الحال

انابجد متشكره بجد لكل ارائكم ومبسوطه قوى كمان لان خطيبى بجد مبقاش يحاول يهزر فى الموضوع ده تانى لكن المقالب التانيه شغاله لسه وانا عملت بنصيحتكم وكمان اتعلمت اعمل زيه

يا حببتى انتى مكبر الموضوع هو بس بيحب يهزر معاكى
ربنا يسعدك :lol:

يمكن بيحب يختبرك بس باسلوب هزار
وهو طبعه ضحوك ربنا يسعدكم

ياحبيبتى هو بيهزر وعاوز ياخد عليكى
انتى بس نبهى عليه ان الهزار يكون فى اى حاجة الا علاقتكم ببعض
يعنى مش ينفع يهزر ويقول هظلمك والكلام ده
وبعدين انتى كمان ابئى اعملى فيه مقلب هتلاقى الموضوع قلب بضحك وهزار
ربنا يتملك على الف خير

ربنا يهديكان شاء اللهو ويجمعكو على خير

مش عارفه بصراحه بس حل الموضوع ده في ايدك باذن الله انتي خدي موقف كده في حركاتوا خدي موقف منوا مع الوقت هيتعود يحاذر في كلاموا
ولو هذر في شئ مره كده اقلبيه حقيه
بس لفتره صغيوره وسدايني هتلاقيه اتظبت لوحدوا :lol:

عادى ياقمر خدى الموضوع براحة واتكلمى معاه وقوليله متقوليش على حاجة وترجع تعمل عكسها علشان انا مش بحب اظبط نفسى على شئ معين وارجع فيه وهو بأذن الله هيفهم وهيغير طريقة هزاره وربنا يخليكوا لبعض ويجمعكوا على خير

انتي مكبره الموضوع اوي كده ليه يا قمر متكبريش المشكله وتديها حجم اكبر من حجمها وفقك الله وعجل زواجك ان شاء الله

يا حبيبتى سبيه يهزر مش احسن ما يكون نكدى ودمه تقيل

ربنا يصلح لكم الحال ويجمعكم على خير

ماما يويو ودودو كتب:

يا حبيبتى سبيه يهزر مش احسن ما يكون نكدى ودمه تقيل

ربنا يصلح لكم الحال ويجمعكم على خير

اه والله هو يكون كده احسن من انه يكون نكدي وعموما ربنا يصلح حالكم

كويس اووى انك خدتى موقف لما اتصل بيكى عشان يبطل المواقف الجامدة
انما الهزار العادى دا حلو جدا بكره تاخدى عليه و لو مهزرش تزعلى

سيبيه يهزر مش احسن ما يكون نكدي

عادى يا قمر هزرى انتى كمان واشتغليله فى المقالب لحد ما يقول حقى برقبتى ويبطل هزار فى حاجات جد والى بيقولوا عادى لا مش عادى انه يهزر فى انفصال وحاجات لازم يكون جدى فيها مينفعش يخلط الهزار باى حاجه لو استحملت مره مش هتستحمل التانيه الهزار يبقى فى حاجات بسيطه مش يقولها نسيب بعض بس انتى متقفشيش عليها جيبهاله بنفس طريقته

على فكره انا مش عاجبنى رد كل الاصيلات يعنى ايه سيبيه يهزر
اهو احسن ميكون نكدى وبكره تقولى فين الايام دى
لا طبعا لازم تاخدى موقف حازم وتفهميه انه مش عمال على بطال كده يهزر وخلاص
وكده فعلا حتفقدى ثقتك فيه وانك لو عملتى زيه اكيد حيتضايق
لسه برضو قريه موضوع لواحده قالت انها عملت مقلب فى خطيبها
اتصلت بيه الساعه 2 بليل وقلتله الحقنى انا تعبانه وهو جه على ملى وشه سايق عربيتو ومش شايف قدامه
انا بقى رايى ان الهزار ده بايخ وغلس وملوش لازمه

ربنا يصلح لكم الحال يا قمر

بصراحة لو مكانش بيحبك مكنش حيهزر معااكي هزري معاه انت ايضا او راح تشوفي الحاياة بينكم راح تكون جمييلة وتكون سعداء اكييد بس قليلي انوا يعرف امة يهزر معااك او امة يتكلم بجد

ربنا يوفقكم وتممكم بالخير

الله يكون في عونك

ربنا يوفقك يا عسل انتى وهوه ويجمع بينكم على خير ودائما يهزر معاكى واكيد هوه عايز يعرف مقدار حبه فى قلبك وانتى هزرى معاه كده
بالتوووووووووووووووووووفيق

ههههههههههههه
ربنا يسعدك يا حبيبتى انتى وخطيبك ويبعد عنكوا كل شر

ياحبيبتى الراجل الدمة خفيف احسن من الراجل النكدى و ربنا يهدية

ربنا يهديه واعملي فيه انتى كمان مقالب وخليه يجرب

ههههههههههه دة لذيذ قوى انا بحب المقالب موووووووووووت

هههههههههههههههههه رخمي عليه انتي كمان

ربنا يخليكوا لبعض ياقمر