عملت اختراع النهاردة في البيتزا وطلع جناااان عشان استخدمت البيض بدل الموتزاريلا
اولا طريقه العجينه بتاعت البيتزا
2 كوب دقيق+ربع كوب لبن او ماء دافئ +قليل من الزيت اقل من ربع كوب مثلا
+ ملعقه خميرة بيرة ونضع عليها ملعقه سكر ونقلبها لحد ماتسيح + ملعقة ملح +2 بيضه
وبعدين نخلطهم علي بعض ونعمل عجينه متماسكه ونسيبها تخمر في مكان دافئ
اما الحشو بقي
فانا جبت كبد وقوانص وعملتها بالبصل والطماطم والبهرات وعليهم معلقه زبدة وسويتهم
وبعد كده جبت العجينه بعد ما خمرت وفردتها في صينيه كبيرة وحطيت الكبد والقوانص عليها وفردتها كويس
وبعد كدة جبت 2 بيضه مع ربع كوب لبن او كوب زبادي لو مفيش لبن وخلطهم كويس
ورشيتها علي الصينيه وده عشان البيض واللبن بيخلي المكونات متماسكه بعد السوا
وكمان بتبقي طريه وجميله
وتدخليها لفرن ونسويها علي نار هاديه بعد مانسخن الفرن الاول 10 دقايق
وممكن تستخدمي لانشون او لحم مفروم او كبد وقوانص زي ماتحبي