أزاى نستفيد من الاجازه

نريد أن نضع 300 كرة لاستغلال الأجازة بشكل جيد ..فكر معانا ..أضف فكرتك ..ادعوا أصدقائك لاضافة أفكارهم
1.نروح نصيف
2.نزور أماكن سياحية جوة بلدنا مش بنزورها كتير زي المتحف المصري أو متحف الفن الإسلامي
3.ننظم دورة كورة في المنطقة
4.ننظم رحلات يوم واحد مع اصحابنا
5.ننزل نبيع درة مشوي في الشارع
6.نشتغل في محل شبال أو اي حرفة عشان نتعلمها
7.نلعب رياضة في النادي
8.نروح حمام السباحة
9.نشترك في فريق كشافة
10.نحفظ 3 اجزاء قرآن
11.نزور أطفال ايتام
12.نزور قرايبنا اللي مزرناهمش من زمان
13.نروح نشوف الجمعيات الخيرية بتعمل إيه
14.نروح ساقية الصاوي نشوف فيها أنشطة ايه النهاردة
15.ناخد دورة كمبيوتر او لغات
16.نعمل مشروع عربية فشار
17.فكرة محمد منصور - جري مسافات طويلة -دورة تصميم نماذج طائات في نادي الطيران المصري
18.فكرة مصطفي جمال - اخذ تدريب صيفي في احد الشركات الهندسيه
19.فكرة مصطفى محمود - الاشتراك فى مشاريع تحويل الأُسر المكفوله لأسر مُنتجه
20.فكرة أحمد سلامة - أن أحضر دورات تدربيبة قوية وخصوصا فى التفكير الإيجابى والتخطيط الشخصى لوضع خطة لعمرى كله
21.فكرة عمرو إبراهيم - محاولة زرع ولو شجرة واحدة أمام المنزل
22.فكرة عمرو إبراهيم - محو أمية أحد الأميين الموجودين في دائرة معارفك (البواب - عامل النظافة ...)
23.فكرة عمرو إبراهيم - حفظ بعض آيات من القرآن الكريم، والعمل بها
24.فكرة عمرو إبراهيم - الاشتراك مع أصدقائي وجيراني في تنظيف الشارع أو المنطقة التي نسكن بها
25.فكرة مصطفى - نشوف حاجة جديدة نتعلمها لدرجه الاتقان سواء كانت حرفه صغيرة او برنامج كمبيوتر أو طريقه عمل اى شىء
26.فكرة حنان - ننمى مهارات أولادنا فى الاجازةفكل طفل له ملكه ويجب علينا أن ننتبه لافكاره وذكائه وننمى فيه ما يحبه
27.فكرة وائل كمال - الاشتراك فى المعسكرات الجامعية
28.فكرة أ / ع - السلام عليكمطبعا فيه كثير من الانشطة ممكن القيام بها واستغلال الوقت بافضل طريقة ممكنة في البداية من الناحية الدينية اضافة في المحافظة على العبادة في اوقاتها قدر الامكان الاهتمام في قرائة وحفظ القران الكريم قدر المستطاع ولو في اليوم صفحة واحدة وايضا المحافظة قدر الامكان على الذكر يوميا اما من ناحية الدنيوية ممكن مساعدة الدول الفقيرة والمحتلة بارسال الغذاءوالدواءوالملابس عن طريق جمعيات خيرية تتكفل بها اضافة ممكن عمل مشروع القضاءعلى الامية بانسبة للقرائة والكتابة وبالنسبة للحاسوب اضافة ممكن قيام بدورات تقوية للمناهج الدراسيةللذي قادر على اعطاء الدروس بطريقة سليمة وواضحة لكي يستفادالطلاب المحتاجين لهذه الدروس اضافة ممكن عمل مشروع تنظيف مدن البلاد كذلك ممكن المحافظة على القيام برياضة يومية ولو ساعة في اليوم وهنالك عدة مشاريع مثل القضاء على التدخين وعلى المخدرات وكل الممنوعات بالاستعانة بخبراءومختصين بهذه الامور وايضا مشروع تفقد الاحياء الفقيرة ومساعدتها قدر المستطاع ونسال الله العلي القدير الموفقية والنجاح وجزاكم الله كل خير في الدنيا والاخرةوالسلام عليكم ورحمة الله وبركاته.
29.فكرة شيماء عادل - أن نذهب لتفقد أحوال الناس فى المناطق العشوائية ونحاول مساعدتهم بأى شيء ولننظر كيف تعيشوا حياة الكفافةونحمد الله على نعمته- وممنك برضو نزور أى مركز للمعاقيين لتقديم يد العون له.
30.فكرة إبراهيم أبو بكر - أتفقت أنا وصحابي المقربين على مشروع إقتصادي أو تنموي أساعد بيه نفسي و الأخرينمثلا للمشروعات الإقتصاديه مشروع صغير لعمل شموع الديكور و أدوات الزينه ممكن نعمل كراسات و كشاكيل و نبيعها قبل الدراسه أما المشروعات التنمويه فممكن نجمع الطلبه إلي داخلين سنويه عامه و نعرفهم الكليات و المهارات المطلوبه لكل كليه و مستقبل خريج الكليه المتميز كمان ممكمن نجمع الورق و الكتب من جرانا ونديها للمحتاجين.
31.فكرة تامر الشامي - عمل مسابقات عَجَل في الاجازه ورصد جوائز لها من الشباب او الجمعيات الاهليه.
32.فكرة رامى حجاج - زيارة ملجأ أيتام للإحساس بنعمة الأب والأم وادراك قيمتهم.
33.فكرة amr shehp - اقوم بالاهتمام بتنمية قدراتي الجسديه اولا من خلال لعب الجيم ثم بعد ذلك ابدأ في تحديد اهدافي المستقبليه بعد التخرج حتي اوفر علي نفسي وقت كبير من الحيرة والتفكير والتشتت والبحث عن فرصة عمل بعد تخرجي ان شاء اللهوابدا في تنميه قدراتي حسب اهدافي التي حددتها فاحصل مثلا علي دورات كمبيوتر ولغه او خلافهوبذلك اكون قد كونت نفسي وحددت اهدافي قبل تخرجي ووفرت علي نفسي طريق طويل من ضياع الوقت واكون شخص بناء وفعال في المجتمع ان شاء الله.
34.فكرة رمضان - نجمع أحنا وأصحبنا من المحلات اللى فى منطقتنا و الناس اللى نعرفها ونجيب -- كولدير مياه -- عشان يسقع المياه , فى كتير ناس مش بتلاقى كوب من المياه ( مش هقول ساقع ) لا دا كمان من لاقينه بسخونت ةوأكيد نختار مكان فعلاً يستاهل ونحطه فيه مش نحطة فى البيت...
35.فكرة مصطفي جمال - المشاركه في معسكر اعداد القاده مع الجامعه.
36.فكرة مصطفي جمال -المشاركه في مشاريع التبادل الشبابيه بين الاورو متوسطيه.
37.فكرة مصطفي عبد الرحمن - المشاركه في مسابقه اجازه بجد و ان اكسب فيها و اذهب الي معسكر اجازه بجد في شرم الشيخ.
38.فكرة وليد هنداوى جاد - انا كان عندى افتراح ... اننا ممكن يبقى فى حمله تبرعات بالدم خلال الاجازه ...لانها بجد فى ناس كتيره فى احتياج لحاجه زى كده ...كل اسبوع نحدد يوم ...او كل شهر نحدد يوم ...
39.فكرة سجدة ابراهيم - السلام عليكم اولا انا بحيى جدا اصحاب فكرة المهرجان وبشكرهم عليها بجد ثانيا انا قررت ان اتعلم شئ جديد فى الاجازة دى ان شاء الله وهو قيادة السيارات ان شاء الله ودة بعد ما اخذت رخصه القيادة الدوليه للحاسوب ... شكرا
40.فكرة حاتم - انا مغرم بموضوع التنيه البشريه والبرمجه اللغويه العصبيه وعندى مهارات لاباس بها في نواحى مختلف في هذا المجال وعايز ادرب الناس يفكر بايجابيه وازاى تكتب سي في وتعمل انترفيو وتعمل برزنتيشن وتحسن تفكيرك وكلام كتير اوى.
41.فكرة مها العربي - كل واحد منا عنده جيران في الشارع اكيد فيه منهم مسنات يمكن زيارتهم وتقديم له حاجة حلوة واكيد حينبسظا قوي لو الحاجة دي معمولة بايدك.
42.فكرة فيليب سمير سامى - بعد التحيه :يجب مراعاه احتياجات الشباب الثقافيه والفنيه وايضا الماديه وكل ذلك يحتاج الى مجهود كبير من وزاره الشباب هناك بعض الشباب من يقوم بالعمل فى فتره الصيف لقضاء حاجته الماديه خلال فتره الاجازه وانا من بعض الشباب الذين يقومون بذلك ولكن هناك صعوبه فى الحصول على كل ما نريد فى مكان واحد لذلك كنت ارجح قيام الوزاره بالاتفاق مع برامج لتبادل الخبرات والعاملين لحصول الشباب على خبرات من الدول المتقدمه مثل الدول الاوربيه واميركا وذلك تحت اشراف ورعايه الوزاره وبذلك يستفيد الشباب من سفره اللى الدول المتقدمه باكتسابه الخبره يمكنه فيما بعد تنفيذ ما قد اطلع عليه من ثقافه ومشروعات داخل مصر واستفاد ماديا حيث انه استطاع على الحصول على مصروف يده خلال فتره الاجازه ويجب ان توفر الوزاره تلك المنح للجنسين حتى يستفيد منها اكبر عدد ممكن وعلى حد علمى هناك جهات وشركات تساعد بعض الطلبه على الاستفده من تلك البرامج ولكن للاسف تتكلف مبالغ كبيره فلايستطيع كل الطلبه المشاركه فيها.
43.فكرة وسام الليثى - الحصول على منحة كورس برنامج الرخصة الدولية لقيادة الكمبيوتر( ECDL / ICDL )المفدمة من وزارة الاتصالات و تكنولوجيا المعلومات وبكدة الاجازة مش تعدى عل الفاضى و يكون مع كل واحد من الشباب شهادة معتمدة دوليا فى الكمبيوتر.
44.فكرة سلمى ابراهيم
احسن حاجة الواحد ممكن يعملها فى حياته انه يكون كل يوم احسن..,والاجازة دى فعلا فرصة ان احنا ننمى مهاراتنا ز نطور نفسنا بس المهم ان احنا نحددايه هيه المهارات دى و اكيد هنلاقى حاجات كتير اوى محتاجين نتعلمها زى ايه؟؟
1)دورات مهارية فى مجالات مختلفة(مهارات استخدام الكمبيوتر,تعم اللغات المختلفة,كروشيه و تفصيل,اسعافات اولية ,حرفة من الحرف,تنمية بشرية...).
2)حفظ قران ,علم التجويد, علم الحديث.
3) انشطة رياضية(الاشتراك فى اى نشاط رياضى,دورات كرة قدم ,سلة,..).
4)رحلات ترفيهية:متنزهات ,حدائق,شواطىءومن المفيد ان تشمل الرحلات دى مكان جديد,او معالم سياحية منعرفهاش.
5)الاشتراك فى المعسكرات الصيفية او المخيمات (رياضة ,حفلات سمر,تكوين اصحاب جداد,خبرة جديدة ,مكان جديد,مهارات جديدة.
45.فكرة منال موسى جميل
1- تم وضع برنامج كامل لصيف 2007 عبارة عن يوم ماراثون على شاطئ البحر من المنتزة الى بحري ثم اقامة حفل شواء بالقلعة والماراثون تحت شعار "لا للادمان والمخدرات".
2- يوم مباراة كرة طائرة في مارينا على شاطئ البحر ويعقب المباراة حفل غنائيي لاحد الفرق الشبابية ويخلل الحفل عرض فيلم توعي عن المخدرات.
3- أسبوع للرسم للأولاد والبنات الموهوبين وأسبوع للتمثيل وأسبوع لفن الشعر والزجل والقصة القصيرة وفي نهاية الأسابيع الثلاثة يقام كرنفال بأحد الحدائق العامة لعرض جميع الأعمال والتصويت على أفضل عمل في المجالات الثلاثة وأيضا تتخلل هذه الأسابيع عروض لأفلام توعوية وندوات شبابية للتوعية ضد أضرار المخدرات وذلك أثناء فترات الراحة.
4- اقامة دورة تدريبية مقدمة من فريق المدربين بحماة المستقبل بالأسكندرية لمدة 6 أيام في كل من مهارات العرض والتقديم والمخدرات وكذلك فرق العمل.
5- تنظيم رحلة الى مرسى مطروح وأخرى الى قرية بساطة بالقرب من نويبع وذلك لاتاحة الفرصة للتعرف على أماكن سياحية جديدة ونقل صورة مشرفة للسواح الاجانب من خلال حفلات سمر وعروض أفلام توعوية واقامة مسابقات تهدف الى التوعية ضد الادمان والمخدرات ان شاء الله.
46.فكرة حازم محمد عبد الصادق حسين - السلام عليكم و رحمة الله و بركاته - جزاكم الله خيرا علي هذا الجهد - و يا ريت كنت عرفت الويب سيت ده من أسبوع بس - انا باشتغل مدرس كمبيوتر في المرحلة الاعدادية و كنت باكلم الاولاد عندي في الموضوع ده - و للأسف الاولاد بيقضوا الصيف في السينمات و سيتي ستارز و قدام الكمبيوتر و الالعاب و البلاي ستيشن - المهم انا اقتراحي ان كل واحد كبير في السن بيشتغل يشوف جيرانه و يحاول يجمعهم و يسمع منهم مشاكلهم و يحاول بقدر الامكان يحلها - كتير من الشباب مشكلتها الوقت الضايع في اللا شئ - و بيتخنقوا من الفراغ - ليه مافيش واحد كبير يجمع الشباب الصغيرة في منطقته و يتفق معاهم و مع اهلهم ان كل اسبوع او اسبوعين يعملوا حاجة جديدة من الحاجات الكتير اللي قولتو عليها - ياريت كل واحد يشوف جيرانه مثلا و يعمل قاعدة بيانات فيها تليفوناتهم و عنوانيهم و يتصل بيهم و يجمعهم علي متش كورة علي درس في الجامع علي رحلة اهم حاجة التغيير عشان الشباب بتزهق بسرعة - و اسف علي الاطالة و جزاكم الله خيرا و جعله في ميزان حسناتكم.
47.فكرة رشا - ممكن نتعلم حاجة زي عمل وتزيين الشموع أو عمل أشكال من عجينة السيراميك أو أي شيء من الأشغال اليدوية البسيطة اللي شرحها متوفر على النت ونستغلها في بيوتنا أو حتى نبيعها.
48.فكرة flibber - السلام عليكم والله الايام دي شوارعنا في حاله من الفوضي وقله النظام انا رايي ان كل واحد مع شباب الحي اللي ساكن فيه ينظفوا الحي وهذا من باب اماطه الاذي عن الطريق صدقه.
49.فكرة يمنه - الاهتمام بالمسنين فى العائله وكذلك فى دور المسنين واعطائهم بعض من الوقت والحديث والاهتمام والرعايه.
50.فكرة قطه - السلام عليكمانا عرفت فكرة جميله قوى ممكن نعملها لاولادنا فى الاجازة هى محتاجه شويه مجهود لكن رائعهنتفق مع اصحاب الورش المختلفه مثلا تصليح اجهزة كهربائيه و نعمل له زيارة مع اولادنا و نخليه يريهم ازاى بيصلح هذه الاجهزة و طبعا بيكون عنده بايظ منها كتير بايظ فتصبح فرصه للاولاد علشان يفكوا موتور و يركبوه تانى منها متعه لهم و منها وقت مفيد و استفاده قد تعود بالخير على الجميع ايه رايكم فيها.
51.فكرة قطب مجدي - ممكن نعمل مسابقة قرآن لتشجيع عدد كبير من فرسان الخير في حفظ القرآن الكريم.
52.فكرة أمير نزيه مصطفى - السلام عليكم أقترح تبنى حمله دعائيه للتوعيه بمخاطر التدخين ومايسببه من أمراض وكذلك وكذلك توعية الشباب بما قد يمارسونه من عادات وتقاليد غريبه على مجتمعنا كشرقيين والتى قد تضرهم و النزول إلى الشارع والتفاعل مع المجتمع والمواطنين للوقوف على أهم مايواجههم من مشكلات ومحاولة إيجاد حلول غير تقليديه لهذه المشكلات.

53.فكرة Eslam - يوجد حل لاستبدال مصادر الطاقة النافذه واستخدام المصادر الطبيعيه لان المصادر الحاليه سوف تنتهى وقت تلو الاخر ولابد من استخدام الطبيعه وتجنيدها للانسان فى انشاء مصدر طاقة جديد ولكم حسن الاختيار والله الموفق.
54.فكرة مصطفي الملاح - تمنيت كثيرا ان اختم القران كاملا و لو قراءة لانني لا استطيع ختمه في رمضان بسبب الدراسة و المذاكرة و في الاجازة السابقة و بمجرد الانتهاء من امتحان اخر العام بالنسبة لي قرأت اول جزء من المصحف و قررت انني في خلال كل يوم سأقراء جزء كامل و ختمت القرأن في اقل من شهر لانني احيانا كنت اقراء اكثر من جزء في اليوم الواحد و اخيرا اللهم اجعل القران العظيم ربيع قلوبنا و نور صدورنا و جلاء همنا و حزننا آمين.
55.فكرة Rana - لازم الأجازة تكون مقسمة صح، يعني ممكن نحاول ننمي مهارات عندنا أو نحاول نكتسب مهارات جديدة تساعدنا علي اكتشاف قدرتنا و التعامل مع من حولنا و تنمية المجتمع و تطوير ذاتك، في جمعيات كتير بتدي دورات في ادارة الوقت و التنمية البشرية، بجد لازم محدش يضيع الفرصة دي هتفرق معاك قوي و هتحس بالفرق، كمان ممكن تتدرب في مجالك لو انت بتدرس عشان يبقي عندك خبرة و يكون أفضل في الحصول علي فرصة عمل. دايما" حاول تعمل حاجة جديدة ،مفيدة تضيف لك.
56.فكرة وليد فؤاد - بسم الله الرحمن الرحيم فكرتي ان كل شاب يقدر يشتغل في مصيف يشتغل لان المصيف الانسان بيشوف ناس من بلاد مختلفه وفيها اكتر من ميزة للي هيشتغل اولا هياخد خبرة في المجال اللي هيشتغل فيه ثانيا هيتعامل مع ناس كتير ثالثا هيغير جورابعا يعتبر مجال جديد ليه هيدخله واخيرا المكسب المادي اللي هياخده وشكرا.
57.فكرةwords
1. يبقي في مشروع لتنميه الحرف ولاعمال اليدويه عشان الشباب يقدر يشارك فيها وهيقدر يتغلب علي اوقات الفراغ الممله ويطلع طاقاته المكبوته في حاجه مفيده.
2. تنظيم دورات رياضيه بعنوان نعم لمستقبل افضل.. نساعد فيها لشباب علي التخلص من العادات السيئه.
3. تنظيم دورات محو الاميه لكبار وللاطفال اللي في الارياف اللي مكنش متاح ليهم انهم يتعلموا.
4. تنظيم مارثون خيري لصالح مستشفي السرطان او لصالح بناء دار ايتام او جامع.
58.فكرة مصطفي محمد - التدريب العسكري تبع الكليه.
59.فكرة مدحت عزيز - اولاً : الاجازة متروحش على الفاضي لازم يبقا فيها اكبر كم من المتعة (خروج و ممارسة رياضة (جيم ,كورة,سباحة)
ثانياً: جزء منها تعمل حاجة تفيدك قدام (كورس لغة , كمبيوتر , دورات صيانة أي حاجة مفيدة ) بسمع العلم انا مش بتاع مذاكرة بس لازم الواحد يبص لقدام.
60.فكرة مؤمن - يجب ان يكون هناك تخطيط سليم للاجازة وذلك للاستفادة منها باكمل وجة ممكن وذلك عن طريق تقسيم الاجازة الى اخذ دورات كمبيوتر وعمل معسكرات جادة فى اى مكان ورحلات لمعرفة تاريخ البلد والاهتمام بالجانب الفكرى لدى الشباب.
61.فكرة داليا السيد - انا بالنسبه ليا فالوضع مختلف شويا لان اجازتى هتيدا بعد 15/8 ودا لانى عندى امتحانات الماجستير هتبقى يوم 21/ 7 لكن برضه انا مش ناويه اضيع اجازتى فانا ناويه انى هسترك فى معسكرات تبع وزاره الشباب كمان انا عندى فرقه مرشدات وبقوم بتدريبها كمان ناويه اخد دورات تبع التنميه البشريه وكمان دورات تانيه تبع الجامعه لانى اصلا بشتغل معيده وعندى شغل تبع الكليه فى الاجازه يعنى ان شاء الله ناويه استغل اجازتى كالعاده كويس.
62.فكرة مصطفي الملاح - تعلم احكام التجويد و قراءة القران حتي نقرأه قراءة صحيحة في الصلاة.
63.فكرة محمود حامد مصطفى - اقترح ان اقضى الاجازة فى تعلم حرفة معينة او تعلم كيف اكون مستثمر صغير.
64.فكرة محمود حامد مصطفى - ان اكثر مانعانى منة نحن الشباب هو البطالة لذا اتمنى ان تكون هذة الاجازة بداية للقضاء على البطالة وان نقضيها فى
1-تعلم حرفة صغيرة.
2- الحصول على دورات تدريبية فى الكمبيوتر واللغات.
3-الحصول على دورات فى المشروعات الصغيرة.
65.فكرة محمد ممتاز - حملة يشارك بها عدد كبير جدا من المتطوعيين لعمل باحث شامل للفنادق الكبرى و المطاعم الكبرى فى القاهرة و الجيزة من اجل دراسة الطعام الفائض لديها او الغير مستخدم حيث يوجد فائض كبير من الاطعمة تقوم الفنادق بالتخلص منه فلماذا لا نفيد المجتمع المحتاج من هذه الاطعمة و نفوم باعادة تهيئتها و من ثم توزيعها على الفقراء او بيعها باسعار رخصية للمحتاجين.
66.فكرة نانسي محمد - هذه الفكرة تعني ان احنا الشباب نجتمع في كل مكان ساكنين فيه او بنعدي عليه وتنعمل خريطة او لوحة عن المكان توضح الشوارع وارقامها اوخريطة عن منطقة كامله في اولها واكيد كلنا بنعاني من عدم وضو ح الاماكن وبهذا نستغل بعض الوقت من الاجازة في حاجه مفيده.
67.فكرة هنادى - بما اننا بنكون طول الشتا بنذاكر فمن المفروض نعمل حاجه مفيده و مسليه في ىنفس الوقت فانا بقترح ان كل واحد يهتم بهوايته المفضله و يحاول يطلع منها حاجه جديده انا مثلا ابتديت احترف هويتي و امارسها بشكل جدي نوعا ما وهي اني اكون (makeup artist) احتراف هويتنا افضل بكثير من اننا نمارس حاجه ممكن تكون مفروضه علينا زي نوع الدراسه.
68.فكرة منة الله مروان
1_ أن شاء الله أخد دورة أعداد القادة
2_ دورة ICDL
3_دورة مهارات العرض والتقديم
4_حكمل شغلي في الدعاية
5_سجلت في دورة تحفيظ القرءان ..
6_ زيارة مدينة بورسعيد
7_ أنا وأصدقائي قررنا نخصص يومين في الأسبوع لزيارة دار المسنين ودار الأيتام.
69.فكرة kaza_maza - تعليم كيفيه حل المشكلات فى الكمبيوتر ومعالجتها فى اسرع وقت وحل مشكلات الانترنت بجميع احواله.
70.فكرة kaza_maza - انا اريد العمل فى مجال الحاس الالى مستقبليا من اجل الحصول على وظيفه تساعدنى فى حياتى اعمليه بعد انتهاء مدة الدراسه والعمل على جعل خبراتى اكثر فى اجهزة الكمبيوتر والانترنت والعمل بها مستقبليا.
71.فكرة محمد الحملى - احنا ممكن فى الصيف نبدا نتعلم لغه جديدة وعلى فكرة ده مطلوب فى سوق العمل للخريجين بشكل كبير ودة هيكون استغلال جيد لوقت الفراغ فى الصيف ودى وصله لعناوين ومواقع المراكز الثقافية فى مصر اللى هنقدر نتعلم من خلالها الغات النادرة
[ندعوك للتسجيل في المنتدى أو التعريف بنفسك لمعاينة هذا الرابط]

72.فكرة أحمد يرهام - وقفة مع النفس لتحديد خطوات المستفبل والإستعداد له جيداخلال هذه الفترة.
73.فكرة mora - السلام عليكم انا عارفه ان الفكرة ممكن تكون مكررة بس عجبتنى والفكرة هى تعلم تجويد القرآن ومحاولة حفظ أكبر قدر من الأجزاء ، بجانب كورسات انجليزى وكمبيوتر لأنها هى دى اللى تنفعنا فى مستقبل شغلنا .وزيارة دور أيتام ومحاولة القيام بأعمال خيرية ، وماننساش الترويح على نفسنا مع اصدقائنا . شكرا لكم.
74.فكرة سلمى ابراهيم - ممكن اعلم اى حد من الاطفال المحيطين بيه او الى انا اعرفهم حاجة جديدةمفيدة (مثلا يصلوا ازاى ,او احكى لهم حدوتة او حتى اعلمهم لعبة مفيدة)حاجة تنفعهم فى بناء شخصيتهم و تكون لى انا صدقة جارية.
75.فكرة Mohamed ElSheray - انا فكرتى هى نعمل مسابقات ثقافيه وعلميه ........ وباقى الانشطه .و نجمع كل اعضاء مهرجان اجازة بجد لبدايه المسابقه ويارب الفكرة تتنفذ.......
76.فكرة عبدالله عادل - ان شاء االله فكرتى تعجبكم
1- نحدد ساعه فى اليوم لحفظ القرآن ولو تكون بعد العصر مباشرة
2- نشترك فى مهرجان القراءه للجميع علشان نغذى عقلنا بالقراءه وبرده منقتصرش على المهرجان بس يعنى نروح المكتبات العامه ونشترى كتب
3- ندخل فى المسابقات الرياضيه والثقافيه والعلميه
4- نحدد وقت معين من كل يوم نلعب فيه رياضه يعنى مثلا نص ساعه صباحا ونص مساءا
5- نروح المصيف ونستفيد منه يعنى مش نكون رايحين للعب بس يعنى نلعب ونشم هوا ونستفيد من الرمال وكده
6- نشترك فى دوريات الكوره ده لو بنعرف لو مش بنعرف افضل اننا نتابع اخبارها على الأقل يبقى عندنا خلفيه عن الأخبار الرياضيه
7- نتعلم كمبيوتر ونمى مهاراتنا اللغويه وناخد كورسات منوعه يعنى لغات وكمبيوتر ولو بنعرف كمبيوتر نحاول نزود من معرفتنا عنه
8- نتابع التقدم التكنولوجى اول بأول
9- نسمع اخباتر العالم علشان نبقى عارفين ايه الى بيحصل حولنا
10 - نخرج مع اصحخابنا علشان نبقى مرتاحين نفسيا من الفسحه ومنبقاش مخنوقين
11- نصيحه (( ننام بدرى ونقوم بدرى علشان نحافظ على لياقتنا وصحتنا ))
12 - ناكل وجبات متزنه ومتكامله
والسلام عليكم ويارب تعجبكم خطتى.
77.فكرة أيمن فؤاد
1- تعلم مواهب أكثر في مجال الدراسة أو العمل
مثال: بإمكان طلاب كلية الطب الذهاب الى المستشفيات لإكتساب خبرات أكثر وكذا طلاب الصيدلة والتاريخ واللغات وغيرها كل في مجاله
2- تعلم شئ جديد في مجال آخر
مثال1:دورات في اللغة الإنجليزية
مثال2:تنمية مهارات استخدام الإنترنت
مثال3:تعلم بعض المهارات اليدوية مثل الرسم والخط والأشكال الفنية
3-عمل جروب اسلامي يرسل مواعظ وأحاديث للأصدقاء مما يكون سببا في كسب الحسنات
4-ممارسة الرياضة بشكل منظم لمن لم يكن يمارسها
78.فكرة منير الغارتي - إقامة معرض ثقافي سياحي يعرف بالاماكن السياحية والاثرية في بلادي و وتقديم للانتاج الثقافي الادبي والفن.
79.فكرة ماء السعيد - بصراحةهناك عدة مواضيع او مشروعات يمكن الاستفادة منها
اولها : تعلم شئ مما جاء به نبينا محمد صلى الله عليه وسلم لاننا عارفين ان وقت الدراسة بيبقى واخدنا كتييييير جدا عن ذلك
ثانيا : تعلم شيئا من مستجدات الحياة من الكمبيوتر واخذ دورات وافادة المسلمين بها مع اخلاص النية ان شاء الله
ثالثا : ممكن اعمل اى مشروع صغير فى بيتى من عمل صناديق هدايا مثلا او صناديق تقديم شيكولاته او غيرها
رابعا : ممكن اعمل مشروع زراعة الاسطح واطلع ثمرة جميلة لينا نقدر ناكلها
خامسا : لهواة الخياطة من الجنسين ممكن ابدا بعمل عينه صغيرة جدا من الشئ اللى حبه وابدا اسوقه بين اهلى ثم اصحابى والشغل مش عيب
واهم حاجة اخوتى نعرف احنا بنحب ايه ونقدر نعطى فى ايه وساعتها ان شاء الله نقدر نشتغل مع وجود بعض المال اللى تقدر تعمل به عينه اوليه لك وممكن اكثر من واحد يشتركوا فى مشروع
اسال الله ان ينفعنا بما قلنا وان يعلمنا ويستخدمنا ولا يستبدلنا.
80.فكرة Andrew - بالفعل انها مشاركة الجمعيات فى مصر كعمل تطوعى لبناء المجتمع وتحقيق مبادئ الجمعيات التى قامت عليها.اتمنى ان يفيدنى احدا فى ذلك لانى اجد صعوبة فى العمل كمتطوع فى احد برامج الامم المتحدة بمصر او حقوق الانسان.وما اجمل التطوع الذى يرسخ مبادئ الانتماء للوطن....
81.فكرة jolia - ممكن نعمل جمعية فى كل منطقة تبقى جمعية الاسرة ويتجمع فيها كل اسر المنطقة وخاصة شبابها ويتجمعوا ويفتحوا مواضيع ويتناقشوا يعنى هيحصل جدال وبالزات الشباب عشان يعنى اكيد هيبقوا اعمار مختلفة وهتبقى حلوة لتكوين شخصية وللمنفعة وكمان الاهالى يتعرفوا على بعض ويسبقى فى امان وغير كدة بعدها هتطلع رحلات مع بعض وهيظبطوا الاجازة كويس بعدة افكار منهم.
82.فكرة Osman - ممكن نروح مكتبة عامة , انا عن نفسى باذن الله هاشترك فى مكتبة مبارك العامة , عشان هى اقرب مكتبة ليا, غير بقى طبعا الحاجات التانية اللى ممكن تتعمل زى الرحلات والمعسكرات وزيارات دور الايتام وكده يعنى.
83.فكرة محمد السعيد حسن - فكرتى انا عملت مركز كمبيوتر متكامل لتدريب على برامج الجرافيك والملتميديا والاعلان والرسوم المتحركة لانى مغرم جدا بالمجال دة وجمعت احسن اشخاص للتدريب على هذا المجال ودة رقم تليفونى للعايز يشترك معانا فى اى حاجة 0106014492 .
84.فكرة Rossi46_a1 - هاى شباب اجازه بجد يعنى شغل بجد منغير دلع وده معناه اننا نعمل رحله لسفاري ومنها تكون رحله ومنها تكون فرصه للتعرف على البيئه الصصحراويه ونقوم بحمله تشجير وزراعه الشجر والنخل وده هيكون شغل بس لزيز اوك شباب يلا نزرع الصحرا يعنى الصبح نزرع وبالليل نهرج ونرقص ونغنى ونعمل كل حاجه.
85.فكرة ENG_HAMADA - فكرتى يمكن تعجب كتير منكواااااااااوهي عبارة ان احنا نتعلم تصميم المواقع على الانترنت وعلى فكرة الموضوع سهل بس عايز تركيز شوية وانت ممكن تتعلم الموضوع دة من خلال النت وانت قاعد فى البيت واللى بيفكر انا عندى لينكات حلوة ومفيدة للموضوع دة E-MAIL:- [ندعوك للتسجيل في المنتدى أو التعريف بنفسك لمعاينة هذا الرابط]هذا البريد محمى من المتطفلين , تحتاج إلى تشغيل الجافا سكريبت لمشاهدته
86.فكرة Atalla Abouelkair
الاقتراحات فى كلمات مفتاحية :نحتاج الى :
1- التطوع فى احد الجمعيات الاهلية فى برامج لخدمة المجتمع
2- حضور دورات تدريبية لتنمية المهارات الشخصية امثلة ( ادارة الوقت - مهارات الاتصال - مهارات العرض و التقديم- مهارات التفكير و الذاكرة) 3- الاشتراك رحلات لمدة يوم بين مجموعات الشباب و تبادل الخبرات فى احد المنتجعات السياحية
4- الاشتراك بعض الرحلات التثقيفية لاماكن تاريخية / صناعية / .....
5- قراءة كتاب كل 15 يوم على الاكثر.
87.فكرة منة النادري - زيارة معهد الاورام الاشتراك في مشروع قادة المستقبل وهو تعليم الاطفال بعض الاخلاق والسلوكيات.
88.فكرة بنت اجمل دين - المساعده المنزليه فى الاعمال المنزليه سواء لشباب او للفتيات - التدريب على التفكير الابداعى- تعليم حرف جديده- رياضه- حفظ ومراجعه القراءن- تكوين صدقات جديده- قراءة الصحف- التطوع فى احدى الجميعات الهادفه- أخد كورسات تنميه ذاتيه - كورسات لغات- زياره ايتام - مساعده المكفوفين فى تعليمهم - دروس دينيه - زيارة الاهل - الاطلاع على كل ماهو جديد فى مجالك من خلال الانترنت - التعبير عن افكارك من خلال منتديات حيث يفيد جدا فى زيادة المعلومات والخبرات وأوجه النظر المختلفه- محمو اميه- القراءة كل ماهو مفيد فى كل المجالات.
89.فكرة احمد صقر - ان شاء الله ححاول اتعلم لغة جديدة واشوف ايه يقدر يطورني في مستوايا بالنسبة لدراستي الجامعية طبعايعني مثلا انا بدرس طب بشري احاول اتدرب في صيدلية او مستشفى في الطوارئ كده يعني.
90.فكرة hisham mohammed al -hady
أفكار قضاء الأجازة الصيفية:
1. عمل نظام يومى ووضع خطه لقضاء الأجازة حتى لا تتسرب من أيدينا الأوقات دون الوصول لأهدافنا المرجوه
2. عمل ندوات بشكل دورى للتدريب على المشاركة الجدية الهادفة فى بناء المجتمع والندوات الدينيه والثقافيه
3.
أن نقوم بعمل زيارات ميدانيه لمستشفيات وأقسام مرضى الفشل الكلوى وتقديم شئ ملموس لهم من مساعدات مالية ومساندة معنويه تبقى فى ميزان أعمالنا ونحتسب ذلك عند الله تعالى وأيضا مستشفيات الأطفال ومرضى السرطانوأقترح أيضا عمل ندوة علمية عن معالجة مياه الشرب فى مصر والخروج بتوصيات يتم تنفيذها على أرض الواقع فعلا فى برنامج زمنى محدد وإستضافة مسؤل كبير فى هذا الشأن وذلك للوصول لكوب ماء نظيف يقى الناس البسطاء من الأمراض
الموضوعات ذات الأهمية القصوى التى يجب مراعتها فى فترة الأجازات
1. صلة الرحم بين الأقارب
2. العلاقات الإنسانيه بين الجيران
3. الأعمال الخيرية للمجتمع
وسائل الترفيه التى لا تؤذى المجتمع الذى نعيش فيه ولا تسبب أى حرج للناس
91.فكرة loaloa - انا نفسي نعمل فريق كله شباب من الجامعه وننزل الشارع ونلم من كل مواطن 1 جنيه فقط لا غير وانا متاكده إن احنا حيكون معانا ثروه كبيره أوي حنساعد بيها ناس كتيييييييير أوي مجتاجين وقتها بس أنا ححس إن أحنا فعلا مجتمع إسلامي.
92.فكرة sandra - انشاء موقع للتعريف بالرسول-صلى الله عليه و سلم- و ذلك بالاستعانة بعلماء الدين و اللغة لعرض المعلومات بمختلف اللغات.
93.فكرة sandra - تجميع كل ما لدينا من ورق و لدى اصدقائنا و بيعه لاحد المصانع اللتى تعيد استخدامه و الاستفادة بالنقود فى خدمة المحتاجين.
94.فكرة سالى - السلام عليكم احلى حاجه فى اجازه انك تستغل اجازه بجد ممكن نسافر و نروح البحر لان احلى حاجه فى صيف البحر و نحفظ قران و ناخد كورسات و نزور الايتام و نروح كل اسبوع النادى للتغير الجو.
95.فكرة يسرا مصطفى - اطبق اللى اتعلمته فى حياتى وافكر ازاى اقدر استغل اى حاجه اتعلمتها فى اشياء اخرى علشان ما كنش اتعلمت حاجات وما استفدتش بيها.
96.فكرة أحمد سميرافتح مع اصحابي شركة لمدة تلات شهور . الشركة دي يبقى ليها مشروع احد بس و نتفق على تنفيذه . المشروع هو موقع تسويق منتجات صناعات صغيرة على لإنترنت ... ونبدأ ننزل أنا واصحابي و ناخد عناوين الناس و الحاجات اللي عندهم و أسعارها و نبقى الوسيط بنهم و بين المشتريين على نطاق القاهرة .
97.فكرة أحمد سميرالحصول على 12 شهادة في تكنولوجيا المعلومات و تطوير الذات و التخطيط
التسويقي و الإسعاف القلبي الرئوي و التعليم الإلكتروني ... و مراجعة 12 جزءا من القران
98.نشوى يحي عبد المحسن أبو النصر
أنا نفسي نشوف مثلا تجمعات سكنيه من العشوائيات (فى مدن الحضر)يكون الناس فيها بالكاد
بيلاقوا قوت يومهم أو أقرب للفقر المدقع نحاول كل يوم نجمع لهم مبلغ معين ونجيب لهم
أكل ونشترك فى تجهيزوا ونقدمهلهم كوجبات كل يوم مثلا : ونحاول نشاركهم معانا فى تنظيف
منطقتهم ترتبها, تزينها نحاول نعلم الناس الى فيهم صغار وكبار كل الى نقدر عليه سواء فى العلوم أو الدين ونوعيهم لأمور كتتتير فى دنهم يمكن مايعرفوهاش ده هيساعدهم فى تغرير كتير من سلوكياتهم المنحرفه
99.فكرةSomaia كل الشباب في عماره معينه يحاولوا ينظفوا السطح بتاع البيت ويزينوه و يعملوا جدول لكل الساكنين في العماره عشات يستفيدوا من السطح في اقامه حفلات مثلا او مسابقات و ممكن يتعمل يوم في الشهر كل البنات اللي في العماره يتجمعوا فيه و يقابلوا بعض و الولاد برضه ليهم يوم و الامهات و هكذا.
100.فكرة أماني مصطفي انا ان شاء الله فى ناويه اخلى الاجازه دى غير اى اجازه اولا هاخد قرصات تنميه بشريه فى جمعيه زدنى زى
_التفكير الابداعى
_ومهارات التواصل مع الناس
_والمهارات الاساسيه فى حياه الانسان
خصوصا انى عندى 15 سنه وانا شيفه ان انا لازم
اطلع من الفتره دى بشخصيه قويه فاهمه الدنيا
ومنماه بشريا عشان اختصر الطريق بعد كده
وفى حاجه تانى
_قراءه كتب عن الشخصيات العظيمه التاريخيه عشان الواحد وهو بينمى نفسه يحاول يفكر ازاى اوصل لمستوى الناس العظماء دى عن طريق الى هو بياخده دى فكرتى الاجازه دى يس انا حاطه خطه لكل اجازه من السنه دى لحد 5 جامعه بأذن الله او على الاقل صوره عامه والله المستعان
101.فكرة ربيع تعلم من حولك أو من بالحى الذى تقطن فيه أساسيات الكمبيوتر وكذلك يمكنك زيارة
الايتام وصلة الارحام ويمكنك ايضا الاشتراك فى أى مكتبة والقراءة فيما تحب ويمكن ايضا ممارسة بعض الرياضات التى تحبها وان بحثت عن حرفة تتقنها فذلك مفيد جدا ولكن لاتنس الاستمتاع ببعض الوقت فهى أجازة وتذكر أن خير الأعمال أدومها وان قل
102.فكرة Boba هى فكرة لذيذة ومفيدة وهى تنمية عقول اقاربناالصغاراو لو لينا اخوات اصغر نهتم بيهم وبافكارهم وعلاقتهم بوالديهم محوله مساعدتهم فى شق طريقهم السليم من الصغر حتى يسطتيعوا الاعتماد على انفسهم فعلا لان الجيل الجديد دا معظموا ضايع
103.فكرة ماريانا بدايه ان نكون فريقا من الشباب الطموح الذى
يريد بحق ان يفيد و يستفيد و يستمتع بالاجازة
النصف الاول من شهر يوليو ندرس كورسات مكثفة
عن التنمية البشرية و ادارة الوقت و فن
القيادة و ادارة الفريق و دراسه الجدوى
الاسبوع الثالث من نفس الشهر نختار احد
المناطق العشوائيه او الفقيرة القريبة فى العاصمة
او القريبة من العاصمة و نعمل دراسه جدوى
عليها بهدف التنمية بعد معرفة احتياجات المنطقة
و التعرف على الجمعيات الاهلية او الخيرية
التى تخدم تلك المنطقة و معرفة عدد السكان و
النشاط الاساسى القائم علية المنطقة
الاسبوع الاخير من شهر يوليو نختار احد
احتياجاتهم و التى نستطيع ان نخدمهم فيها سوى خدمه
ذاتية او بالتعاون مع احد المؤسسات الاهلية
التى تدعم المنطقة ولا يشترط ان تكون الخدمه
ماديه فيمكن ان نكتفى على سبيل المثال بازالة
القمامه و الاهم من ذلك هو جلسات التوعية
للسكان بكيفية الحفاظ على الشارع و الاضرار
الناتجة عن القذارة و اهمية النظافه على الناحية
الصحية و الجماليه " هذا على سبيل المثال"
بعد اختيار الهدف " الاحتياج المرجو " نقوم
بتوزيع المهام فيما بين الفريق الى لجان كل
لجنه مسئوله عن هدف بعينه تسعى لتحقيقه من اجل
الوصول الى النتيجة المرجوة و هى اشباع
الاحتياج المتفق علية
شهر اغسطس تنفيذ الخطة على ان ياخذ كل فرد
من الفريق يوم راحه اسبوعيا حتى يستطيع ان
يستعيد نشاطه و يتواصل مع اسرته
الاسبوع الاخير من اغسطس يتم تجهيز
الاحتفالبختام النشاط ولا اقصد بذل هو دعوة مسئول و
لكن ان يدرك سكان المنطقة اننا بدانا معهم خطوة
و سلمناهم دفه الامر و ان دورنا فى ذلك المجال
انتهى من الجهة التنفيذية و لكنه يمكن ان
يمتد من الجهه الاشرافية عملا بالمقولة"لا
تعطنى سمكة بل علمنى كيف اصطادها"
الاسبوع الاول من شهر سيتمبر يمكن ان نذهب
للمصيف يكون زحام المصيفين اوشك على الانتهاء
الاسبوع التانى يمكن ان نذهب زيارة ميدانية
الى المنطقه المخدومه لنرى مدى تطبيقهم
للتوعية التى حصلوا عليها حتى نستطيع ان نعطى
لانفسنا تقييما للوضع و للعلم لا يشترط ان يكون
التقييم 100 فى ال100 يمكن ان يكون 40 او 50 او 60% و
هذا فى حد ذاته نجاح و تلك الزيارة التى تمت
بعد اسبوعين سيتظهر لنا اسباب الفشل و النجاح
لنقوم اسباب الفشل و نتعلم من الاخطاء فى الصيف
القادم فى ذات المنطقة او منطقة اخرى او مع
مشروع من نوع اخر
و بذلك تكون انتهت الاجازة و قد
حصلنا في بدايتها على كورسات تعليمية " ا الى
15 يوليو "
و نفذناو طبقنا ما تعلمناه "خلال النصف
التانى من يوليو و اغسطس باكمله "
و كذلك رفهنا على انفسنا باسبوع فى المصيف
لعبنا خلاله و نزلنا الماء و شاهدنا السينما و
تسوقنا فى اول سيتمبر و هذا يعتبر ميعاد مناسب
للاستعادة النشاط بعد المجهود الذى بذل كذلك
استعداد لدخول الدراسه ايضا
انتهت فكرتى لقد كتبتها باحساسى و اتمنى ان
اراها واقعا
104.فكرة محمد سلام عليكم
معظم الناس بتقول" احنا زهقنا ومش عارفين
نعمل ايه"
بس لو فكروا دقايق الدنيا هتبقى حاجة تانية
خالص " عايزين نعمل مليون حاجة ومش عارفين نجيب
وقت منين "
أتمنى ان كلامي يفيد اللى هيقراه ومعلش
استحملوني شويتين.
في 4 احتياجات لازم الانسان يحصل عليهم وده
ببقى من خلال قيامه ببعض الانشطة والحاجات دي
هي :
حاجات مادية(جسدية) physical: وهنا ممكن مثلا تروح
تلعب رياضة معينة او تمارس جيم او تتمشى او
تجري او تتعلم تعمل اكلة بتحبهااو تدور على
تدريب او تشتغل part timeاو تحط لنفسك برنامج غذائي
معين وتمشى عليه.

حاجات عقلية mental : زي مثلا لما تروح تاخد كورس
في مجال تخصصك او في حاجة انت بتحبها زي
الموسيقى او التصوير او الشعر او السيناريو او
تحضر محاضرات في مجالات مفيدة زي التنمية
البشريةاو تقرأ في اي مجال انت بتفضله او تاخد كورس
في لغة او في برامج كمبيوتر او حتى تفكر في
مستقبلك المهني وتعمل خطة طويلة المدى وتفكر في
احلامك وطموحاتك.

حاجات اجتماعية social : زي مثلا لما تقابل
اصحابك وتخرجوا و تروحوا مكان مرحتوهوش قبل كده او
لما تزور قرايبك و جيرانك او لما تتعرف على
ناس جداد او تعيد اتصالك باصحاب المدرسة
القدام.

حاجات روحية spiritual : وهنا ممكن تحفظ قرآن او
تقرا كتب دينية او تشارك في نشاط خيرى او تطوعي
؛ تروح تزور ايتام او مسنين تساعد الفقراء
والمساكين أو تساعد اصحابك او قرايبك مثلا تعلم
حد فيهم حاجة انت بتعرف تعملها كويس.

لو فكرنا بالطريقة دي صدقوني ممكن نلاقي
مليون حاجة نعملها ونزعل ان مفيش وقت عشان نعمل كل
اللى احنا عايزينه. معلش آسف اني طولت عليكم.
105.فكرة آياتأن بفكر أننا نشوف أرض أو أكتر حسب المتاح
نحاول نزرعها بالمحصول المناسب ولو متاح نحصل
على أرض ولو صغيره زراعيه مش مستغله بخبرتنا
ونتعلم من الى عندهم خبره فى الزراعه ونستفاد من
معلومات كمان الطلاب فى كليات الزراعه00 بحيث
نتعلم ونكتسب حرفه وننتج بأذن الله محصول من
أرض غير مستغله00والمحصول الناتج بفضل الله
يباع بأسعار مناسبه جدا جدا للأشخاص المحتاجين
وربما توزع فى بعض الحالات بالمجان00

كده 00 هنكسب خبره لينا وتفدنا أكيد فى حياتنا
ونستغل الأجزاء الغير مستغله فى البلد
ونساعد بيها محتاجين 00 وربما يستمر هذا العمل حسب
المقدره طوال العام للأفاده الأكبر منجانب
المحتاجين00
وممكن تكون الزراعه عن طريق الزراعه
المستخدمه بمياه أحواض السمك الى هتكون موجوده على
الأرض الزراعيه حيث الكفائه والسرعه فى
الأنتاج للمحصول بأذن الله00
106.فكرة وليدالسلام عليكم ورحمة اللة وبركاتة
من رايى انة يمكن تقسيم الاجازة الى ثلاث
فترات وهى
الفترة الاولى ان تنمى قدراتك التفكيرية
والذهنية والابداعية بمعنى مثا فى مجال الهندسة
توجد مراجع كثيرة بتعمل على فكرة التفكير
البناء ثم تحسين مراحل هذاا الفكر الى ان يصل الى
مرحلة الابداع بجانب تعلم مهارات اخرى مثل
الصبر والاصرار وعدم اليأس ة وغيرها وهذة هى
اهم فترة اتكوين الذات

الفترة الثانية وهى زيادة القدرة المعرفية
والثقافة العامة للطالب من خلال قراءة الكتب
والمدوامة على قراة الجرائد لمعرفة الاحداث
الجارية والكورسات ايضا التى تدعمك فى تخصصك او
فى تخصصات اخرى لزيادة المعرفة والتدريب فى
الشركات واثناء القيام بهذاا القيام بعمل
انسانى حتى تفيد نفسك اولا وثانيا المجتمع
والوطن الذى تعيش فية ..........

الفترة الثالثة وتفضل بان تكون قبل العام
الدراسى مباشراا وهى فترة استرخاء واستجمام
وتغيير الجو(المصيف) والافصاح عن النفس
للاستعداد لدخول عام دراسى جديد وانت سعيد ومهيأ نفسيا
لما استفادتة وافادت المجتمع ووطنك بة

وليد شحاتة
eng. of communication
107.فكرة وليد 2اهم شء فى كل هذاا ان تعرف ما الذى تفعلة وان
تجد صياغة كاملة وخطة للاجازة السعيدة ان شاء
اللة

فالصبر والمجهود والاصرار والامل تتحقق
المستحيلات
108.فكرة ياسر الجوهري نروح نلعب سباق أوتوكروس :)
109.فكرة ميدو نجمع بعض شباب الشارع ونشتري مقشات جديده
وعدد من والجواريف الجديده وعدد من القفازات و
عدد من الالكمامات و نكنس الشارع كل يوم بعد
صلات الفجر ونضع صناديق صغيرة بجانب الطريق
ليضع بها المارة القمامه لنجعل شارعنا انظف شارع
110.فكرة يمني الفكرة هى :اولا حفظ 3 اجزاء من القران ز ثانيا
باستخدام الاخشاب و الموارد المتحة يمكن
صناعة اشياء جميلة و اكيد الرياضة و المصيف
111.فكرة يمني احضر دروس فى التنمية البشرية و ايضا فى
التخاطب و فى الاقتصاد العلمى و كيفية ادارة
الاموال
112.فكرة ayoy كلنا عندنا كومبيوتر ومتوصل
بانترنت...وأغلبنا يعرف موقع ebay.comالموقع الشهير..
فكرتى ان اى حد هينفذ الفكرة دى يقدر وهو
مرتاح فى بيته يعمل فلوس كويسة ...
الشرط الوحيد عشان تبدا المشروع دا انه يكون
عندك visa card او تعرف اى حد عنده واحدة يقدر
يضمنك...
انت هتدخل عالسيت الى هو عبارة عن سوق كبير
اى حد بيبيع ويشترى فيه اى حاجة وباى
سعر..الموقع بينشر اعلان ليك انك عايز تبيع حاجة او
تشترى حاجة فى مقابل مبلغ معين...انتا هتختار سلعة
اى حاجة تقدر او تحب تتاجر فيها يعنى تشتريها
بسعر وتبيعها بسعر اعلى شوية وأنتا وشطارتك!!
بس لازم تكتب مواصفات حاجتك ولازم تكتب
مصاريف شحن الى متوقع يدفعوها ودا معناه انك هتكون
بتتعامل مع شركة شحن زى fedx وغيرها...
اوعى تنسى تحط فى اعلانك طريقة الدفع لان فى
كذا طريقة اما بالتحويل على حسابك,فيزاكارد,او
بحساب paybal
اعتقد ان دى فكرة جامدة اوى وهتكسبوا كتير
انشاءالله وهتستفيدوا اوى من السيت دا لانه
مشهور فى جمبع أنحاء العالم واى سلعة اكيد فى حد
عايزها...ويريت تبقوا تدعولى!!!!!!!!!1
113.فكرة أحمد أحسن أجازة لما تكون أعد ادام الكومبيوتر و
بتعمل شات مع صحابك (و لو حد حب يكلمنى على
المسنجر أهلا و سهلا ال e-mail بتاعى مكتوب في اخر
الرسالة)و تحفظ قران و تروح ال نادى وتلعب بلاى
ستاشيون و هو ده اللى انا بعمله
114.فكرة مؤمن1-يجب على كل شاب ان يلعب كمل اجسام
2-يتم تخصيص يوم في السبوع يلتقي الشباب مع
بعض ويقوموا بعمل الاتي:
1-كل واحد يبرز شخص اخر بايد حتى يقول اي منهما
انه تعب من القتال
2-وبذالك كل شخص جسمه سوف يكون قوي
3-سوف يكون لديه اصدقاء جدد
4-سيتخلص نهاءيا من العنف
115.فكرة محمد سعيد:نبدا المشروع مثلا بتر بية الطيور الدجاج
والبط وغير ها
ولا ستفادة من البيض ولحومها
تربية الحيوانات البقر والجاموس.
116.فكرة محمد عبد المبدي ندوات عن نبذ ثقافة الشك والكراهية يقوم
بالمحاضرة فيهامتخصصون عن طريق جممعيات اهلية
117.فكرة من موقع شباب و بس

نعترف ان اى اقتراح لشغل الفراغ او تحقيق ربح مش بالضرورة يكون مناسب لك لكن ما لا يصلح لك قد يصلح لغيرك...الناس ألوان.... خد فكرة جريئة حبتين..لكن سهلة... لا عايزة خبرة ولا رآس مال.

كل البيوت عندها ملابس وأدوات مركونة تحت السرير وفوق الدولاب وفى ركن البلكونة

بنطلون بحالة جيدة المقاس ضاق مع الوقت

فستان صاحبته مش مرتاحة لتفصيلته وألوانه

حذاء صغر بعد رجل العيل ما كبرت

لعبة أطفال.. محتاجة لصق بالأمير

شنطة مدارس فيها سوستة بايظة

اشياء مكررة مخزونة زى ملاعق أكوب شاكوش مفتاح انبوبة

دى مجرد أمثلة...الواقع مليان حاجات مهولة منسية

إيه رآيك انت وصاحبك والثالث والرابع تبدأو بخميرة من هذه الاشياء التى يطلق عليها ((second hand اى استعمال تانى
نظف واغسل وأكوى ولمع وحط فى أكياس جميلة
بمصروف الجيب انت والمجموعة وبمساعدة الاسرة استأجروا مكان بدون موقع متميز مجرد مخزن جراج ارض فضاء شقة بسيطة
أعلن عن المشروع وبيع بأسعار رمزية ( ما هى أصلا مرمية)
اشترى هذه الاشياء من الناس وأعرضها للبيع ( بعد الترويق )
الغسل والكوى والتغليف والتجهيز يتم فى البيوت وبمساعدة البنات
....... ونظرا لصعوبة الحياة فى الاوساط الشعبية وعند محدودى الدخل حتلاقى زباين كتير... ناس تبيع لك وناس تشترى منك والعجلة تدور

118.فكرة من موقع شباب و بس

الصيف ع الابواب.....يعنى فراغ....يعنى أجازة
خد فكرة مشروع بسيط اعتبره ملو فراغ...تغطية مصروف
تخفيف عبء عن الاسرة وفى الوقت نفسه يعتبر نواة لمشروع كبير
نسبة من الشباب لا تقل عن 60% قطعوا شوط كبير فى التعامل
مع الكمبيوتر ونسبه لا تقل عن 10% عارفين كل حاجه عنه

1- كون فريق عمل من شخصين انت وواحد متخصص
2- رتب مع جمعية خيرية او مسجد او او نادى او مركز شباب او قصر ثقافة لتوفير مكان يناسب دورة كمبيوتر
3- حط عدد 2 جهاز من البيت بصفة مؤقته
4- إعمل وصلة نت
5- إعلن عن دورات سريعه وبسعر معقول فى الويندوز والنت والاوفيس
وكثيرا من الكبار والصغار حترحب بالفكرة خصوصا دورة الافيس
التى تشمل الورد والاكسيل والاكسيس والبوربوينت لانها مطلوبة من كل من يبحث عن عمل
حاول اقناع الوالدين وجرب وكمل المشوار بعد الصيف اثناء الدراسة ولو بالاستعانه بواحد متفرغ ياخد مرتب طالما المشروع سلك معاك

119.فكرة من موقع شباب و بس

كثير من زوار الموقع سألو اين توجد مصانع لعب الاطفال؟؟
وكثير منهم طلبوا كثير من الافكار
بالنسبة للمصانع سوف تجد على معظم الالعاب اسم وعنوان وتليفون المنتج او التوكيل
الذى يتولى التوزيع . وعموما لو فكرتك خاصة بألعاب البلاستيك إسأل أى مصنع بلاستيك يصادفك
ولو فكرتك خاصة بألعاب ورقية قدم تصورك لمطبعة كبيرة تتبنى الفكرة.
المهم عند التقدم للجهة المنتجة خللى فكرتك مكتوبة بوضوح وإختصار مع إرفاق رسومات دقيقة وملونةبالنسبة لمزيد من الافكار نقترح ما يلى وفكر انت كمان معانا

:
مربعات رقعة الشطرنج.. ارسم على المربعات السوداء هلال ابيض رشيق
وعلى المربعا السوداء نجمة ثمانية عبارة عن مربع فوق مربع بخط اسود رفيع.
وعلى فكرة اذا كانت النجمة السداسية فى علم اسرائيل ترمز الى قاعدة هيكل سليمان حسب نظرية الصهاينة...فإن النجمة الثمانية وكذلك الاضلاع ال8 لبعض المآذن
لها معنى فى الفن الاسلامى " ويحمل عرش ربك فوقهم يومئذ ثمانية " الحاقة الكوتشينة
وبالمناسبة الكوتشينة فى حد ذاتها مثل كثير من الالعاب مباحة وعادى المشكلة ان تتسبب اى لعبة من إضاعة صلاة او اهدار وقت نحن مسؤلين عنه يوم القيامة او عقد المباراة على هيئة مراهنات وقمار
نعود للكوتشينة:
الولد : ممكن يكون صبى فلسطينى يحمل حجارة
البنت : فتاة صغيرة محجبة
الشايب : جد كبير السن يبتسم وهو يحتضن احفاده ( تعبيرا عن تواصل الاجيال وصلة الارحام)
أما ظهر الكوتشينة وهو طبعا شكل موحد ممكن تجعله زخارف اسلامية وهو نوعان
هندسية ونباتية وكتب الف

انا هقرأ الموضوع دلوقتي لأنه طويــــــــــــــــــل شكرا لكي

موضوع: يرافو ياقمر الإثنين أغسطس 06, 2012 7:50 pm

chef loma كتب:: [size=24][color=red]
نريد أن نضع 300 كرة لاستغلال الأجازة بشكل جيد ..فكر معانا ..أضف فكرتك ..ادعوا أصدقائك لاضافة أفكارهم
1.نروح نصيف
2.نزور أماكن سياحية جوة بلدنا مش بنزورها كتير زي المتحف المصري أو متحف الفن الإسلامي
3.ننظم دورة كورة في المنطقة
4.ننظم رحلات يوم واحد مع اصحابنا
5.ننزل نبيع درة مشوي في الشارع
6.نشتغل في محل شبال أو اي حرفة عشان نتعلمها
7.نلعب رياضة في النادي
8.نروح حمام السباحة
9.نشترك في فريق كشافة
10.نحفظ 3 اجزاء قرآن
11.نزور أطفال ايتام
12.نزور قرايبنا اللي مزرناهمش من زمان
13.نروح نشوف الجمعيات الخيرية بتعمل إيه
14.نروح ساقية الصاوي نشوف فيها أنشطة ايه النهاردة
15.ناخد دورة كمبيوتر او لغات
16.نعمل مشروع عربية فشار
17.فكرة محمد منصور - جري مسافات طويلة -دورة تصميم نماذج طائات في نادي الطيران المصري
18.فكرة مصطفي جمال - اخذ تدريب صيفي في احد الشركات الهندسيه
19.فكرة مصطفى محمود - الاشتراك فى مشاريع تحويل الأُسر المكفوله لأسر مُنتجه
20.فكرة أحمد سلامة - أن أحضر دورات تدربيبة قوية وخصوصا فى التفكير الإيجابى والتخطيط الشخصى لوضع خطة لعمرى كله
21.فكرة عمرو إبراهيم - محاولة زرع ولو شجرة واحدة أمام المنزل
22.فكرة عمرو إبراهيم - محو أمية أحد الأميين الموجودين في دائرة معارفك (البواب - عامل النظافة ...)
23.فكرة عمرو إبراهيم - حفظ بعض آيات من القرآن الكريم، والعمل بها
24.فكرة عمرو إبراهيم - الاشتراك مع أصدقائي وجيراني في تنظيف الشارع أو المنطقة التي نسكن بها
25.فكرة مصطفى - نشوف حاجة جديدة نتعلمها لدرجه الاتقان سواء كانت حرفه صغيرة او برنامج كمبيوتر أو طريقه عمل اى شىء
26.فكرة حنان - ننمى مهارات أولادنا فى الاجازةفكل طفل له ملكه ويجب علينا أن ننتبه لافكاره وذكائه وننمى فيه ما يحبه
27.فكرة وائل كمال - الاشتراك فى المعسكرات الجامعية
28.فكرة أ / ع - السلام عليكمطبعا فيه كثير من الانشطة ممكن القيام بها واستغلال الوقت بافضل طريقة ممكنة في البداية من الناحية الدينية اضافة في المحافظة على العبادة في اوقاتها قدر الامكان الاهتمام في قرائة وحفظ القران الكريم قدر المستطاع ولو في اليوم صفحة واحدة وايضا المحافظة قدر الامكان على الذكر يوميا اما من ناحية الدنيوية ممكن مساعدة الدول الفقيرة والمحتلة بارسال الغذاءوالدواءوالملابس عن طريق جمعيات خيرية تتكفل بها اضافة ممكن عمل مشروع القضاءعلى الامية بانسبة للقرائة والكتابة وبالنسبة للحاسوب اضافة ممكن قيام بدورات تقوية للمناهج الدراسيةللذي قادر على اعطاء الدروس بطريقة سليمة وواضحة لكي يستفادالطلاب المحتاجين لهذه الدروس اضافة ممكن عمل مشروع تنظيف مدن البلاد كذلك ممكن المحافظة على القيام برياضة يومية ولو ساعة في اليوم وهنالك عدة مشاريع مثل القضاء على التدخين وعلى المخدرات وكل الممنوعات بالاستعانة بخبراءومختصين بهذه الامور وايضا مشروع تفقد الاحياء الفقيرة ومساعدتها قدر المستطاع ونسال الله العلي القدير الموفقية والنجاح وجزاكم الله كل خير في الدنيا والاخرةوالسلام عليكم ورحمة الله وبركاته.
29.فكرة شيماء عادل - أن نذهب لتفقد أحوال الناس فى المناطق العشوائية ونحاول مساعدتهم بأى شيء ولننظر كيف تعيشوا حياة الكفافةونحمد الله على نعمته- وممنك برضو نزور أى مركز للمعاقيين لتقديم يد العون له.
30.فكرة إبراهيم أبو بكر - أتفقت أنا وصحابي المقربين على مشروع إقتصادي أو تنموي أساعد بيه نفسي و الأخرينمثلا للمشروعات الإقتصاديه مشروع صغير لعمل شموع الديكور و أدوات الزينه ممكن نعمل كراسات و كشاكيل و نبيعها قبل الدراسه أما المشروعات التنمويه فممكن نجمع الطلبه إلي داخلين سنويه عامه و نعرفهم الكليات و المهارات المطلوبه لكل كليه و مستقبل خريج الكليه المتميز كمان ممكمن نجمع الورق و الكتب من جرانا ونديها للمحتاجين.
31.فكرة تامر الشامي - عمل مسابقات عَجَل في الاجازه ورصد جوائز لها من الشباب او الجمعيات الاهليه.
32.فكرة رامى حجاج - زيارة ملجأ أيتام للإحساس بنعمة الأب والأم وادراك قيمتهم.
33.فكرة amr shehp - اقوم بالاهتمام بتنمية قدراتي الجسديه اولا من خلال لعب الجيم ثم بعد ذلك ابدأ في تحديد اهدافي المستقبليه بعد التخرج حتي اوفر علي نفسي وقت كبير من الحيرة والتفكير والتشتت والبحث عن فرصة عمل بعد تخرجي ان شاء اللهوابدا في تنميه قدراتي حسب اهدافي التي حددتها فاحصل مثلا علي دورات كمبيوتر ولغه او خلافهوبذلك اكون قد كونت نفسي وحددت اهدافي قبل تخرجي ووفرت علي نفسي طريق طويل من ضياع الوقت واكون شخص بناء وفعال في المجتمع ان شاء الله.
34.فكرة رمضان - نجمع أحنا وأصحبنا من المحلات اللى فى منطقتنا و الناس اللى نعرفها ونجيب -- كولدير مياه -- عشان يسقع المياه , فى كتير ناس مش بتلاقى كوب من المياه ( مش هقول ساقع ) لا دا كمان من لاقينه بسخونت ةوأكيد نختار مكان فعلاً يستاهل ونحطه فيه مش نحطة فى البيت...
35.فكرة مصطفي جمال - المشاركه في معسكر اعداد القاده مع الجامعه.
36.فكرة مصطفي جمال -المشاركه في مشاريع التبادل الشبابيه بين الاورو متوسطيه.
37.فكرة مصطفي عبد الرحمن - المشاركه في مسابقه اجازه بجد و ان اكسب فيها و اذهب الي معسكر اجازه بجد في شرم الشيخ.
38.فكرة وليد هنداوى جاد - انا كان عندى افتراح ... اننا ممكن يبقى فى حمله تبرعات بالدم خلال الاجازه ...لانها بجد فى ناس كتيره فى احتياج لحاجه زى كده ...كل اسبوع نحدد يوم ...او كل شهر نحدد يوم ...
39.فكرة سجدة ابراهيم - السلام عليكم اولا انا بحيى جدا اصحاب فكرة المهرجان وبشكرهم عليها بجد ثانيا انا قررت ان اتعلم شئ جديد فى الاجازة دى ان شاء الله وهو قيادة السيارات ان شاء الله ودة بعد ما اخذت رخصه القيادة الدوليه للحاسوب ... شكرا
40.فكرة حاتم - انا مغرم بموضوع التنيه البشريه والبرمجه اللغويه العصبيه وعندى مهارات لاباس بها في نواحى مختلف في هذا المجال وعايز ادرب الناس يفكر بايجابيه وازاى تكتب سي في وتعمل انترفيو وتعمل برزنتيشن وتحسن تفكيرك وكلام كتير اوى.
41.فكرة مها العربي - كل واحد منا عنده جيران في الشارع اكيد فيه منهم مسنات يمكن زيارتهم وتقديم له حاجة حلوة واكيد حينبسظا قوي لو الحاجة دي معمولة بايدك.
42.فكرة فيليب سمير سامى - بعد التحيه :يجب مراعاه احتياجات الشباب الثقافيه والفنيه وايضا الماديه وكل ذلك يحتاج الى مجهود كبير من وزاره الشباب هناك بعض الشباب من يقوم بالعمل فى فتره الصيف لقضاء حاجته الماديه خلال فتره الاجازه وانا من بعض الشباب الذين يقومون بذلك ولكن هناك صعوبه فى الحصول على كل ما نريد فى مكان واحد لذلك كنت ارجح قيام الوزاره بالاتفاق مع برامج لتبادل الخبرات والعاملين لحصول الشباب على خبرات من الدول المتقدمه مثل الدول الاوربيه واميركا وذلك تحت اشراف ورعايه الوزاره وبذلك يستفيد الشباب من سفره اللى الدول المتقدمه باكتسابه الخبره يمكنه فيما بعد تنفيذ ما قد اطلع عليه من ثقافه ومشروعات داخل مصر واستفاد ماديا حيث انه استطاع على الحصول على مصروف يده خلال فتره الاجازه ويجب ان توفر الوزاره تلك المنح للجنسين حتى يستفيد منها اكبر عدد ممكن وعلى حد علمى هناك جهات وشركات تساعد بعض الطلبه على الاستفده من تلك البرامج ولكن للاسف تتكلف مبالغ كبيره فلايستطيع كل الطلبه المشاركه فيها.
43.فكرة وسام الليثى - الحصول على منحة كورس برنامج الرخصة الدولية لقيادة الكمبيوتر( ECDL / ICDL )المفدمة من وزارة الاتصالات و تكنولوجيا المعلومات وبكدة الاجازة مش تعدى عل الفاضى و يكون مع كل واحد من الشباب شهادة معتمدة دوليا فى الكمبيوتر.
44.فكرة سلمى ابراهيم
احسن حاجة الواحد ممكن يعملها فى حياته انه يكون كل يوم احسن..,والاجازة دى فعلا فرصة ان احنا ننمى مهاراتنا ز نطور نفسنا بس المهم ان احنا نحددايه هيه المهارات دى و اكيد هنلاقى حاجات كتير اوى محتاجين نتعلمها زى ايه؟؟
1)دورات مهارية فى مجالات مختلفة(مهارات استخدام الكمبيوتر,تعم اللغات المختلفة,كروشيه و تفصيل,اسعافات اولية ,حرفة من الحرف,تنمية بشرية...).
2)حفظ قران ,علم التجويد, علم الحديث.
3) انشطة رياضية(الاشتراك فى اى نشاط رياضى,دورات كرة قدم ,سلة,..).
4)رحلات ترفيهية:متنزهات ,حدائق,شواطىءومن المفيد ان تشمل الرحلات دى مكان جديد,او معالم سياحية منعرفهاش.
5)الاشتراك فى المعسكرات الصيفية او المخيمات (رياضة ,حفلات سمر,تكوين اصحاب جداد,خبرة جديدة ,مكان جديد,مهارات جديدة.
45.فكرة منال موسى جميل
1- تم وضع برنامج كامل لصيف 2007 عبارة عن يوم ماراثون على شاطئ البحر من المنتزة الى بحري ثم اقامة حفل شواء بالقلعة والماراثون تحت شعار "لا للادمان والمخدرات".
2- يوم مباراة كرة طائرة في مارينا على شاطئ البحر ويعقب المباراة حفل غنائيي لاحد الفرق الشبابية ويخلل الحفل عرض فيلم توعي عن المخدرات.
3- أسبوع للرسم للأولاد والبنات الموهوبين وأسبوع للتمثيل وأسبوع لفن الشعر والزجل والقصة القصيرة وفي نهاية الأسابيع الثلاثة يقام كرنفال بأحد الحدائق العامة لعرض جميع الأعمال والتصويت على أفضل عمل في المجالات الثلاثة وأيضا تتخلل هذه الأسابيع عروض لأفلام توعوية وندوات شبابية للتوعية ضد أضرار المخدرات وذلك أثناء فترات الراحة.
4- اقامة دورة تدريبية مقدمة من فريق المدربين بحماة المستقبل بالأسكندرية لمدة 6 أيام في كل من مهارات العرض والتقديم والمخدرات وكذلك فرق العمل.
5- تنظيم رحلة الى مرسى مطروح وأخرى الى قرية بساطة بالقرب من نويبع وذلك لاتاحة الفرصة للتعرف على أماكن سياحية جديدة ونقل صورة مشرفة للسواح الاجانب من خلال حفلات سمر وعروض أفلام توعوية واقامة مسابقات تهدف الى التوعية ضد الادمان والمخدرات ان شاء الله.
46.فكرة حازم محمد عبد الصادق حسين - السلام عليكم و رحمة الله و بركاته - جزاكم الله خيرا علي هذا الجهد - و يا ريت كنت عرفت الويب سيت ده من أسبوع بس - انا باشتغل مدرس كمبيوتر في المرحلة الاعدادية و كنت باكلم الاولاد عندي في الموضوع ده - و للأسف الاولاد بيقضوا الصيف في السينمات و سيتي ستارز و قدام الكمبيوتر و الالعاب و البلاي ستيشن - المهم انا اقتراحي ان كل واحد كبير في السن بيشتغل يشوف جيرانه و يحاول يجمعهم و يسمع منهم مشاكلهم و يحاول بقدر الامكان يحلها - كتير من الشباب مشكلتها الوقت الضايع في اللا شئ - و بيتخنقوا من الفراغ - ليه مافيش واحد كبير يجمع الشباب الصغيرة في منطقته و يتفق معاهم و مع اهلهم ان كل اسبوع او اسبوعين يعملوا حاجة جديدة من الحاجات الكتير اللي قولتو عليها - ياريت كل واحد يشوف جيرانه مثلا و يعمل قاعدة بيانات فيها تليفوناتهم و عنوانيهم و يتصل بيهم و يجمعهم علي متش كورة علي درس في الجامع علي رحلة اهم حاجة التغيير عشان الشباب بتزهق بسرعة - و اسف علي الاطالة و جزاكم الله خيرا و جعله في ميزان حسناتكم.
47.فكرة رشا - ممكن نتعلم حاجة زي عمل وتزيين الشموع أو عمل أشكال من عجينة السيراميك أو أي شيء من الأشغال اليدوية البسيطة اللي شرحها متوفر على النت ونستغلها في بيوتنا أو حتى نبيعها.
48.فكرة flibber - السلام عليكم والله الايام دي شوارعنا في حاله من الفوضي وقله النظام انا رايي ان كل واحد مع شباب الحي اللي ساكن فيه ينظفوا الحي وهذا من باب اماطه الاذي عن الطريق صدقه.
49.فكرة يمنه - الاهتمام بالمسنين فى العائله وكذلك فى دور المسنين واعطائهم بعض من الوقت والحديث والاهتمام والرعايه.
50.فكرة قطه - السلام عليكمانا عرفت فكرة جميله قوى ممكن نعملها لاولادنا فى الاجازة هى محتاجه شويه مجهود لكن رائعهنتفق مع اصحاب الورش المختلفه مثلا تصليح اجهزة كهربائيه و نعمل له زيارة مع اولادنا و نخليه يريهم ازاى بيصلح هذه الاجهزة و طبعا بيكون عنده بايظ منها كتير بايظ فتصبح فرصه للاولاد علشان يفكوا موتور و يركبوه تانى منها متعه لهم و منها وقت مفيد و استفاده قد تعود بالخير على الجميع ايه رايكم فيها.
51.فكرة قطب مجدي - ممكن نعمل مسابقة قرآن لتشجيع عدد كبير من فرسان الخير في حفظ القرآن الكريم.
52.فكرة أمير نزيه مصطفى - السلام عليكم أقترح تبنى حمله دعائيه للتوعيه بمخاطر التدخين ومايسببه من أمراض وكذلك وكذلك توعية الشباب بما قد يمارسونه من عادات وتقاليد غريبه على مجتمعنا كشرقيين والتى قد تضرهم و النزول إلى الشارع والتفاعل مع المجتمع والمواطنين للوقوف على أهم مايواجههم من مشكلات ومحاولة إيجاد حلول غير تقليديه لهذه المشكلات.

53.فكرة Eslam - يوجد حل لاستبدال مصادر الطاقة النافذه واستخدام المصادر الطبيعيه لان المصادر الحاليه سوف تنتهى وقت تلو الاخر ولابد من استخدام الطبيعه وتجنيدها للانسان فى انشاء مصدر طاقة جديد ولكم حسن الاختيار والله الموفق.
54.فكرة مصطفي الملاح - تمنيت كثيرا ان اختم القران كاملا و لو قراءة لانني لا استطيع ختمه في رمضان بسبب الدراسة و المذاكرة و في الاجازة السابقة و بمجرد الانتهاء من امتحان اخر العام بالنسبة لي قرأت اول جزء من المصحف و قررت انني في خلال كل يوم سأقراء جزء كامل و ختمت القرأن في اقل من شهر لانني احيانا كنت اقراء اكثر من جزء في اليوم الواحد و اخيرا اللهم اجعل القران العظيم ربيع قلوبنا و نور صدورنا و جلاء همنا و حزننا آمين.
55.فكرة Rana - لازم الأجازة تكون مقسمة صح، يعني ممكن نحاول ننمي مهارات عندنا أو نحاول نكتسب مهارات جديدة تساعدنا علي اكتشاف قدرتنا و التعامل مع من حولنا و تنمية المجتمع و تطوير ذاتك، في جمعيات كتير بتدي دورات في ادارة الوقت و التنمية البشرية، بجد لازم محدش يضيع الفرصة دي هتفرق معاك قوي و هتحس بالفرق، كمان ممكن تتدرب في مجالك لو انت بتدرس عشان يبقي عندك خبرة و يكون أفضل في الحصول علي فرصة عمل. دايما" حاول تعمل حاجة جديدة ،مفيدة تضيف لك.
56.فكرة وليد فؤاد - بسم الله الرحمن الرحيم فكرتي ان كل شاب يقدر يشتغل في مصيف يشتغل لان المصيف الانسان بيشوف ناس من بلاد مختلفه وفيها اكتر من ميزة للي هيشتغل اولا هياخد خبرة في المجال اللي هيشتغل فيه ثانيا هيتعامل مع ناس كتير ثالثا هيغير جورابعا يعتبر مجال جديد ليه هيدخله واخيرا المكسب المادي اللي هياخده وشكرا.
57.فكرةwords
1. يبقي في مشروع لتنميه الحرف ولاعمال اليدويه عشان الشباب يقدر يشارك فيها وهيقدر يتغلب علي اوقات الفراغ الممله ويطلع طاقاته المكبوته في حاجه مفيده.
2. تنظيم دورات رياضيه بعنوان نعم لمستقبل افضل.. نساعد فيها لشباب علي التخلص من العادات السيئه.
3. تنظيم دورات محو الاميه لكبار وللاطفال اللي في الارياف اللي مكنش متاح ليهم انهم يتعلموا.
4. تنظيم مارثون خيري لصالح مستشفي السرطان او لصالح بناء دار ايتام او جامع.
58.فكرة مصطفي محمد - التدريب العسكري تبع الكليه.
59.فكرة مدحت عزيز - اولاً : الاجازة متروحش على الفاضي لازم يبقا فيها اكبر كم من المتعة (خروج و ممارسة رياضة (جيم ,كورة,سباحة)
ثانياً: جزء منها تعمل حاجة تفيدك قدام (كورس لغة , كمبيوتر , دورات صيانة أي حاجة مفيدة ) بسمع العلم انا مش بتاع مذاكرة بس لازم الواحد يبص لقدام.
60.فكرة مؤمن - يجب ان يكون هناك تخطيط سليم للاجازة وذلك للاستفادة منها باكمل وجة ممكن وذلك عن طريق تقسيم الاجازة الى اخذ دورات كمبيوتر وعمل معسكرات جادة فى اى مكان ورحلات لمعرفة تاريخ البلد والاهتمام بالجانب الفكرى لدى الشباب.
61.فكرة داليا السيد - انا بالنسبه ليا فالوضع مختلف شويا لان اجازتى هتيدا بعد 15/8 ودا لانى عندى امتحانات الماجستير هتبقى يوم 21/ 7 لكن برضه انا مش ناويه اضيع اجازتى فانا ناويه انى هسترك فى معسكرات تبع وزاره الشباب كمان انا عندى فرقه مرشدات وبقوم بتدريبها كمان ناويه اخد دورات تبع التنميه البشريه وكمان دورات تانيه تبع الجامعه لانى اصلا بشتغل معيده وعندى شغل تبع الكليه فى الاجازه يعنى ان شاء الله ناويه استغل اجازتى كالعاده كويس.
62.فكرة مصطفي الملاح - تعلم احكام التجويد و قراءة القران حتي نقرأه قراءة صحيحة في الصلاة.
63.فكرة محمود حامد مصطفى - اقترح ان اقضى الاجازة فى تعلم حرفة معينة او تعلم كيف اكون مستثمر صغير.
64.فكرة محمود حامد مصطفى - ان اكثر مانعانى منة نحن الشباب هو البطالة لذا اتمنى ان تكون هذة الاجازة بداية للقضاء على البطالة وان نقضيها فى
1-تعلم حرفة صغيرة.
2- الحصول على دورات تدريبية فى الكمبيوتر واللغات.
3-الحصول على دورات فى المشروعات الصغيرة.
65.فكرة محمد ممتاز - حملة يشارك بها عدد كبير جدا من المتطوعيين لعمل باحث شامل للفنادق الكبرى و المطاعم الكبرى فى القاهرة و الجيزة من اجل دراسة الطعام الفائض لديها او الغير مستخدم حيث يوجد فائض كبير من الاطعمة تقوم الفنادق بالتخلص منه فلماذا لا نفيد المجتمع المحتاج من هذه الاطعمة و نفوم باعادة تهيئتها و من ثم توزيعها على الفقراء او بيعها باسعار رخصية للمحتاجين.
66.فكرة نانسي محمد - هذه الفكرة تعني ان احنا الشباب نجتمع في كل مكان ساكنين فيه او بنعدي عليه وتنعمل خريطة او لوحة عن المكان توضح الشوارع وارقامها اوخريطة عن منطقة كامله في اولها واكيد كلنا بنعاني من عدم وضو ح الاماكن وبهذا نستغل بعض الوقت من الاجازة في حاجه مفيده.
67.فكرة هنادى - بما اننا بنكون طول الشتا بنذاكر فمن المفروض نعمل حاجه مفيده و مسليه في ىنفس الوقت فانا بقترح ان كل واحد يهتم بهوايته المفضله و يحاول يطلع منها حاجه جديده انا مثلا ابتديت احترف هويتي و امارسها بشكل جدي نوعا ما وهي اني اكون (makeup artist) احتراف هويتنا افضل بكثير من اننا نمارس حاجه ممكن تكون مفروضه علينا زي نوع الدراسه.
68.فكرة منة الله مروان
1_ أن شاء الله أخد دورة أعداد القادة
2_ دورة ICDL
3_دورة مهارات العرض والتقديم
4_حكمل شغلي في الدعاية
5_سجلت في دورة تحفيظ القرءان ..
6_ زيارة مدينة بورسعيد
7_ أنا وأصدقائي قررنا نخصص يومين في الأسبوع لزيارة دار المسنين ودار الأيتام.
69.فكرة kaza_maza - تعليم كيفيه حل المشكلات فى الكمبيوتر ومعالجتها فى اسرع وقت وحل مشكلات الانترنت بجميع احواله.
70.فكرة kaza_maza - انا اريد العمل فى مجال الحاس الالى مستقبليا من اجل الحصول على وظيفه تساعدنى فى حياتى اعمليه بعد انتهاء مدة الدراسه والعمل على جعل خبراتى اكثر فى اجهزة الكمبيوتر والانترنت والعمل بها مستقبليا.
71.فكرة محمد الحملى - احنا ممكن فى الصيف نبدا نتعلم لغه جديدة وعلى فكرة ده مطلوب فى سوق العمل للخريجين بشكل كبير ودة هيكون استغلال جيد لوقت الفراغ فى الصيف ودى وصله لعناوين ومواقع المراكز الثقافية فى مصر اللى هنقدر نتعلم من خلالها الغات النادرة
[ندعوك للتسجيل في المنتدى أو التعريف بنفسك لمعاينة هذا الرابط]

72.فكرة أحمد يرهام - وقفة مع النفس لتحديد خطوات المستفبل والإستعداد له جيداخلال هذه الفترة.
73.فكرة mora - السلام عليكم انا عارفه ان الفكرة ممكن تكون مكررة بس عجبتنى والفكرة هى تعلم تجويد القرآن ومحاولة حفظ أكبر قدر من الأجزاء ، بجانب كورسات انجليزى وكمبيوتر لأنها هى دى اللى تنفعنا فى مستقبل شغلنا .وزيارة دور أيتام ومحاولة القيام بأعمال خيرية ، وماننساش الترويح على نفسنا مع اصدقائنا . شكرا لكم.
74.فكرة سلمى ابراهيم - ممكن اعلم اى حد من الاطفال المحيطين بيه او الى انا اعرفهم حاجة جديدةمفيدة (مثلا يصلوا ازاى ,او احكى لهم حدوتة او حتى اعلمهم لعبة مفيدة)حاجة تنفعهم فى بناء شخصيتهم و تكون لى انا صدقة جارية.
75.فكرة Mohamed ElSheray - انا فكرتى هى نعمل مسابقات ثقافيه وعلميه ........ وباقى الانشطه .و نجمع كل اعضاء مهرجان اجازة بجد لبدايه المسابقه ويارب الفكرة تتنفذ.......
76.فكرة عبدالله عادل - ان شاء االله فكرتى تعجبكم
1- نحدد ساعه فى اليوم لحفظ القرآن ولو تكون بعد العصر مباشرة
2- نشترك فى مهرجان القراءه للجميع علشان نغذى عقلنا بالقراءه وبرده منقتصرش على المهرجان بس يعنى نروح المكتبات العامه ونشترى كتب
3- ندخل فى المسابقات الرياضيه والثقافيه والعلميه
4- نحدد وقت معين من كل يوم نلعب فيه رياضه يعنى مثلا نص ساعه صباحا ونص مساءا
5- نروح المصيف ونستفيد منه يعنى مش نكون رايحين للعب بس يعنى نلعب ونشم هوا ونستفيد من الرمال وكده
6- نشترك فى دوريات الكوره ده لو بنعرف لو مش بنعرف افضل اننا نتابع اخبارها على الأقل يبقى عندنا خلفيه عن الأخبار الرياضيه
7- نتعلم كمبيوتر ونمى مهاراتنا اللغويه وناخد كورسات منوعه يعنى لغات وكمبيوتر ولو بنعرف كمبيوتر نحاول نزود من معرفتنا عنه
8- نتابع التقدم التكنولوجى اول بأول
9- نسمع اخباتر العالم علشان نبقى عارفين ايه الى بيحصل حولنا
10 - نخرج مع اصحخابنا علشان نبقى مرتاحين نفسيا من الفسحه ومنبقاش مخنوقين
11- نصيحه (( ننام بدرى ونقوم بدرى علشان نحافظ على لياقتنا وصحتنا ))
12 - ناكل وجبات متزنه ومتكامله
والسلام عليكم ويارب تعجبكم خطتى.
77.فكرة أيمن فؤاد
1- تعلم مواهب أكثر في مجال الدراسة أو العمل
مثال: بإمكان طلاب كلية الطب الذهاب الى المستشفيات لإكتساب خبرات أكثر وكذا طلاب الصيدلة والتاريخ واللغات وغيرها كل في مجاله
2- تعلم شئ جديد في مجال آخر
مثال1:دورات في اللغة الإنجليزية
مثال2:تنمية مهارات استخدام الإنترنت
مثال3:تعلم بعض المهارات اليدوية مثل الرسم والخط والأشكال الفنية
3-عمل جروب اسلامي يرسل مواعظ وأحاديث للأصدقاء مما يكون سببا في كسب الحسنات
4-ممارسة الرياضة بشكل منظم لمن لم يكن يمارسها
78.فكرة منير الغارتي - إقامة معرض ثقافي سياحي يعرف بالاماكن السياحية والاثرية في بلادي و وتقديم للانتاج الثقافي الادبي والفن.
79.فكرة ماء السعيد - بصراحةهناك عدة مواضيع او مشروعات يمكن الاستفادة منها
اولها : تعلم شئ مما جاء به نبينا محمد صلى الله عليه وسلم لاننا عارفين ان وقت الدراسة بيبقى واخدنا كتييييير جدا عن ذلك
ثانيا : تعلم شيئا من مستجدات الحياة من الكمبيوتر واخذ دورات وافادة المسلمين بها مع اخلاص النية ان شاء الله
ثالثا : ممكن اعمل اى مشروع صغير فى بيتى من عمل صناديق هدايا مثلا او صناديق تقديم شيكولاته او غيرها
رابعا : ممكن اعمل مشروع زراعة الاسطح واطلع ثمرة جميلة لينا نقدر ناكلها
خامسا : لهواة الخياطة من الجنسين ممكن ابدا بعمل عينه صغيرة جدا من الشئ اللى حبه وابدا اسوقه بين اهلى ثم اصحابى والشغل مش عيب
واهم حاجة اخوتى نعرف احنا بنحب ايه ونقدر نعطى فى ايه وساعتها ان شاء الله نقدر نشتغل مع وجود بعض المال اللى تقدر تعمل به عينه اوليه لك وممكن اكثر من واحد يشتركوا فى مشروع
اسال الله ان ينفعنا بما قلنا وان يعلمنا ويستخدمنا ولا يستبدلنا.
80.فكرة Andrew - بالفعل انها مشاركة الجمعيات فى مصر كعمل تطوعى لبناء المجتمع وتحقيق مبادئ الجمعيات التى قامت عليها.اتمنى ان يفيدنى احدا فى ذلك لانى اجد صعوبة فى العمل كمتطوع فى احد برامج الامم المتحدة بمصر او حقوق الانسان.وما اجمل التطوع الذى يرسخ مبادئ الانتماء للوطن....
81.فكرة jolia - ممكن نعمل جمعية فى كل منطقة تبقى جمعية الاسرة ويتجمع فيها كل اسر المنطقة وخاصة شبابها ويتجمعوا ويفتحوا مواضيع ويتناقشوا يعنى هيحصل جدال وبالزات الشباب عشان يعنى اكيد هيبقوا اعمار مختلفة وهتبقى حلوة لتكوين شخصية وللمنفعة وكمان الاهالى يتعرفوا على بعض ويسبقى فى امان وغير كدة بعدها هتطلع رحلات مع بعض وهيظبطوا الاجازة كويس بعدة افكار منهم.
82.فكرة Osman - ممكن نروح مكتبة عامة , انا عن نفسى باذن الله هاشترك فى مكتبة مبارك العامة , عشان هى اقرب مكتبة ليا, غير بقى طبعا الحاجات التانية اللى ممكن تتعمل زى الرحلات والمعسكرات وزيارات دور الايتام وكده يعنى.
83.فكرة محمد السعيد حسن - فكرتى انا عملت مركز كمبيوتر متكامل لتدريب على برامج الجرافيك والملتميديا والاعلان والرسوم المتحركة لانى مغرم جدا بالمجال دة وجمعت احسن اشخاص للتدريب على هذا المجال ودة رقم تليفونى للعايز يشترك معانا فى اى حاجة 0106014492 .
84.فكرة Rossi46_a1 - هاى شباب اجازه بجد يعنى شغل بجد منغير دلع وده معناه اننا نعمل رحله لسفاري ومنها تكون رحله ومنها تكون فرصه للتعرف على البيئه الصصحراويه ونقوم بحمله تشجير وزراعه الشجر والنخل وده هيكون شغل بس لزيز اوك شباب يلا نزرع الصحرا يعنى الصبح نزرع وبالليل نهرج ونرقص ونغنى ونعمل كل حاجه.
85.فكرة ENG_HAMADA - فكرتى يمكن تعجب كتير منكواااااااااوهي عبارة ان احنا نتعلم تصميم المواقع على الانترنت وعلى فكرة الموضوع سهل بس عايز تركيز شوية وانت ممكن تتعلم الموضوع دة من خلال النت وانت قاعد فى البيت واللى بيفكر انا عندى لينكات حلوة ومفيدة للموضوع دة E-MAIL:- [ندعوك للتسجيل في المنتدى أو التعريف بنفسك لمعاينة هذا الرابط]هذا البريد محمى من المتطفلين , تحتاج إلى تشغيل الجافا سكريبت لمشاهدته
86.فكرة Atalla Abouelkair
الاقتراحات فى كلمات مفتاحية :نحتاج الى :
1- التطوع فى احد الجمعيات الاهلية فى برامج لخدمة المجتمع
2- حضور دورات تدريبية لتنمية المهارات الشخصية امثلة ( ادارة الوقت - مهارات الاتصال - مهارات العرض و التقديم- مهارات التفكير و الذاكرة) 3- الاشتراك رحلات لمدة يوم بين مجموعات الشباب و تبادل الخبرات فى احد المنتجعات السياحية
4- الاشتراك بعض الرحلات التثقيفية لاماكن تاريخية / صناعية / .....
5- قراءة كتاب كل 15 يوم على الاكثر.
87.فكرة منة النادري - زيارة معهد الاورام الاشتراك في مشروع قادة المستقبل وهو تعليم الاطفال بعض الاخلاق والسلوكيات.
88.فكرة بنت اجمل دين - المساعده المنزليه فى الاعمال المنزليه سواء لشباب او للفتيات - التدريب على التفكير الابداعى- تعليم حرف جديده- رياضه- حفظ ومراجعه القراءن- تكوين صدقات جديده- قراءة الصحف- التطوع فى احدى الجميعات الهادفه- أخد كورسات تنميه ذاتيه - كورسات لغات- زياره ايتام - مساعده المكفوفين فى تعليمهم - دروس دينيه - زيارة الاهل - الاطلاع على كل ماهو جديد فى مجالك من خلال الانترنت - التعبير عن افكارك من خلال منتديات حيث يفيد جدا فى زيادة المعلومات والخبرات وأوجه النظر المختلفه- محمو اميه- القراءة كل ماهو مفيد فى كل المجالات.
89.فكرة احمد صقر - ان شاء الله ححاول اتعلم لغة جديدة واشوف ايه يقدر يطورني في مستوايا بالنسبة لدراستي الجامعية طبعايعني مثلا انا بدرس طب بشري احاول اتدرب في صيدلية او مستشفى في الطوارئ كده يعني.
90.فكرة hisham mohammed al -hady
أفكار قضاء الأجازة الصيفية:
1. عمل نظام يومى ووضع خطه لقضاء الأجازة حتى لا تتسرب من أيدينا الأوقات دون الوصول لأهدافنا المرجوه
2. عمل ندوات بشكل دورى للتدريب على المشاركة الجدية الهادفة فى بناء المجتمع والندوات الدينيه والثقافيه
3.
أن نقوم بعمل زيارات ميدانيه لمستشفيات وأقسام مرضى الفشل الكلوى وتقديم شئ ملموس لهم من مساعدات مالية ومساندة معنويه تبقى فى ميزان أعمالنا ونحتسب ذلك عند الله تعالى وأيضا مستشفيات الأطفال ومرضى السرطانوأقترح أيضا عمل ندوة علمية عن معالجة مياه الشرب فى مصر والخروج بتوصيات يتم تنفيذها على أرض الواقع فعلا فى برنامج زمنى محدد وإستضافة مسؤل كبير فى هذا الشأن وذلك للوصول لكوب ماء نظيف يقى الناس البسطاء من الأمراض
الموضوعات ذات الأهمية القصوى التى يجب مراعتها فى فترة الأجازات
1. صلة الرحم بين الأقارب
2. العلاقات الإنسانيه بين الجيران
3. الأعمال الخيرية للمجتمع
وسائل الترفيه التى لا تؤذى المجتمع الذى نعيش فيه ولا تسبب أى حرج للناس
91.فكرة loaloa - انا نفسي نعمل فريق كله شباب من الجامعه وننزل الشارع ونلم من كل مواطن 1 جنيه فقط لا غير وانا متاكده إن احنا حيكون معانا ثروه كبيره أوي حنساعد بيها ناس كتيييييييير أوي مجتاجين وقتها بس أنا ححس إن أحنا فعلا مجتمع إسلامي.
92.فكرة sandra - انشاء موقع للتعريف بالرسول-صلى الله عليه و سلم- و ذلك بالاستعانة بعلماء الدين و اللغة لعرض المعلومات بمختلف اللغات.
93.فكرة sandra - تجميع كل ما لدينا من ورق و لدى اصدقائنا و بيعه لاحد المصانع اللتى تعيد استخدامه و الاستفادة بالنقود فى خدمة المحتاجين.
94.فكرة سالى - السلام عليكم احلى حاجه فى اجازه انك تستغل اجازه بجد ممكن نسافر و نروح البحر لان احلى حاجه فى صيف البحر و نحفظ قران و ناخد كورسات و نزور الايتام و نروح كل اسبوع النادى للتغير الجو.
95.فكرة يسرا مصطفى - اطبق اللى اتعلمته فى حياتى وافكر ازاى اقدر استغل اى حاجه اتعلمتها فى اشياء اخرى علشان ما كنش اتعلمت حاجات وما استفدتش بيها.
96.فكرة أحمد سميرافتح مع اصحابي شركة لمدة تلات شهور . الشركة دي يبقى ليها مشروع احد بس و نتفق على تنفيذه . المشروع هو موقع تسويق منتجات صناعات صغيرة على لإنترنت ... ونبدأ ننزل أنا واصحابي و ناخد عناوين الناس و الحاجات اللي عندهم و أسعارها و نبقى الوسيط بنهم و بين المشتريين على نطاق القاهرة .
97.فكرة أحمد سميرالحصول على 12 شهادة في تكنولوجيا المعلومات و تطوير الذات و التخطيط
التسويقي و الإسعاف القلبي الرئوي و التعليم الإلكتروني ... و مراجعة 12 جزءا من القران
98.نشوى يحي عبد المحسن أبو النصر
أنا نفسي نشوف مثلا تجمعات سكنيه من العشوائيات (فى مدن الحضر)يكون الناس فيها بالكاد
بيلاقوا قوت يومهم أو أقرب للفقر المدقع نحاول كل يوم نجمع لهم مبلغ معين ونجيب لهم
أكل ونشترك فى تجهيزوا ونقدمهلهم كوجبات كل يوم مثلا : ونحاول نشاركهم معانا فى تنظيف
منطقتهم ترتبها, تزينها نحاول نعلم الناس الى فيهم صغار وكبار كل الى نقدر عليه سواء فى العلوم أو الدين ونوعيهم لأمور كتتتير فى دنهم يمكن مايعرفوهاش ده هيساعدهم فى تغرير كتير من سلوكياتهم المنحرفه
99.فكرةSomaia كل الشباب في عماره معينه يحاولوا ينظفوا السطح بتاع البيت ويزينوه و يعملوا جدول لكل الساكنين في العماره عشات يستفيدوا من السطح في اقامه حفلات مثلا او مسابقات و ممكن يتعمل يوم في الشهر كل البنات اللي في العماره يتجمعوا فيه و يقابلوا بعض و الولاد برضه ليهم يوم و الامهات و هكذا.
100.فكرة أماني مصطفي انا ان شاء الله فى ناويه اخلى الاجازه دى غير اى اجازه اولا هاخد قرصات تنميه بشريه فى جمعيه زدنى زى
_التفكير الابداعى
_ومهارات التواصل مع الناس
_والمهارات الاساسيه فى حياه الانسان
خصوصا انى عندى 15 سنه وانا شيفه ان انا لازم
اطلع من الفتره دى بشخصيه قويه فاهمه الدنيا
ومنماه بشريا عشان اختصر الطريق بعد كده
وفى حاجه تانى
_قراءه كتب عن الشخصيات العظيمه التاريخيه عشان الواحد وهو بينمى نفسه يحاول يفكر ازاى اوصل لمستوى الناس العظماء دى عن طريق الى هو بياخده دى فكرتى الاجازه دى يس انا حاطه خطه لكل اجازه من السنه دى لحد 5 جامعه بأذن الله او على الاقل صوره عامه والله المستعان
101.فكرة ربيع تعلم من حولك أو من بالحى الذى تقطن فيه أساسيات الكمبيوتر وكذلك يمكنك زيارة
الايتام وصلة الارحام ويمكنك ايضا الاشتراك فى أى مكتبة والقراءة فيما تحب ويمكن ايضا ممارسة بعض الرياضات التى تحبها وان بحثت عن حرفة تتقنها فذلك مفيد جدا ولكن لاتنس الاستمتاع ببعض الوقت فهى أجازة وتذكر أن خير الأعمال أدومها وان قل
102.فكرة Boba هى فكرة لذيذة ومفيدة وهى تنمية عقول اقاربناالصغاراو لو لينا اخوات اصغر نهتم بيهم وبافكارهم وعلاقتهم بوالديهم محوله مساعدتهم فى شق طريقهم السليم من الصغر حتى يسطتيعوا الاعتماد على انفسهم فعلا لان الجيل الجديد دا معظموا ضايع
103.فكرة ماريانا بدايه ان نكون فريقا من الشباب الطموح الذى
يريد بحق ان يفيد و يستفيد و يستمتع بالاجازة
النصف الاول من شهر يوليو ندرس كورسات مكثفة
عن التنمية البشرية و ادارة الوقت و فن
القيادة و ادارة الفريق و دراسه الجدوى
الاسبوع الثالث من نفس الشهر نختار احد
المناطق العشوائيه او الفقيرة القريبة فى العاصمة
او القريبة من العاصمة و نعمل دراسه جدوى
عليها بهدف التنمية بعد معرفة احتياجات المنطقة
و التعرف على الجمعيات الاهلية او الخيرية
التى تخدم تلك المنطقة و معرفة عدد السكان و
النشاط الاساسى القائم علية المنطقة
الاسبوع الاخير من شهر يوليو نختار احد
احتياجاتهم و التى نستطيع ان نخدمهم فيها سوى خدمه
ذاتية او بالتعاون مع احد المؤسسات الاهلية
التى تدعم المنطقة ولا يشترط ان تكون الخدمه
ماديه فيمكن ان نكتفى على سبيل المثال بازالة
القمامه و الاهم من ذلك هو جلسات التوعية
للسكان بكيفية الحفاظ على الشارع و الاضرار
الناتجة عن القذارة و اهمية النظافه على الناحية
الصحية و الجماليه " هذا على سبيل المثال"
بعد اختيار الهدف " الاحتياج المرجو " نقوم
بتوزيع المهام فيما بين الفريق الى لجان كل
لجنه مسئوله عن هدف بعينه تسعى لتحقيقه من اجل
الوصول الى النتيجة المرجوة و هى اشباع
الاحتياج المتفق علية
شهر اغسطس تنفيذ الخطة على ان ياخذ كل فرد
من الفريق يوم راحه اسبوعيا حتى يستطيع ان
يستعيد نشاطه و يتواصل مع اسرته
الاسبوع الاخير من اغسطس يتم تجهيز
الاحتفالبختام النشاط ولا اقصد بذل هو دعوة مسئول و
لكن ان يدرك سكان المنطقة اننا بدانا معهم خطوة
و سلمناهم دفه الامر و ان دورنا فى ذلك المجال
انتهى من الجهة التنفيذية و لكنه يمكن ان
يمتد من الجهه الاشرافية عملا بالمقولة"لا
تعطنى سمكة بل علمنى كيف اصطادها"
الاسبوع الاول من شهر سيتمبر يمكن ان نذهب
للمصيف يكون زحام المصيفين اوشك على الانتهاء
الاسبوع التانى يمكن ان نذهب زيارة ميدانية
الى المنطقه المخدومه لنرى مدى تطبيقهم
للتوعية التى حصلوا عليها حتى نستطيع ان نعطى
لانفسنا تقييما للوضع و للعلم لا يشترط ان يكون
التقييم 100 فى ال100 يمكن ان يكون 40 او 50 او 60% و
هذا فى حد ذاته نجاح و تلك الزيارة التى تمت
بعد اسبوعين سيتظهر لنا اسباب الفشل و النجاح
لنقوم اسباب الفشل و نتعلم من الاخطاء فى الصيف
القادم فى ذات المنطقة او منطقة اخرى او مع
مشروع من نوع اخر
و بذلك تكون انتهت الاجازة و قد
حصلنا في بدايتها على كورسات تعليمية " ا الى
15 يوليو "
و نفذناو طبقنا ما تعلمناه "خلال النصف
التانى من يوليو و اغسطس باكمله "
و كذلك رفهنا على انفسنا باسبوع فى المصيف
لعبنا خلاله و نزلنا الماء و شاهدنا السينما و
تسوقنا فى اول سيتمبر و هذا يعتبر ميعاد مناسب
للاستعادة النشاط بعد المجهود الذى بذل كذلك
استعداد لدخول الدراسه ايضا
انتهت فكرتى لقد كتبتها باحساسى و اتمنى ان
اراها واقعا
104.فكرة محمد سلام عليكم
معظم الناس بتقول" احنا زهقنا ومش عارفين
نعمل ايه"
بس لو فكروا دقايق الدنيا هتبقى حاجة تانية
خالص " عايزين نعمل مليون حاجة ومش عارفين نجيب
وقت منين "
أتمنى ان كلامي يفيد اللى هيقراه ومعلش
استحملوني شويتين.
في 4 احتياجات لازم الانسان يحصل عليهم وده
ببقى من خلال قيامه ببعض الانشطة والحاجات دي
هي :
حاجات مادية(جسدية) physical: وهنا ممكن مثلا تروح
تلعب رياضة معينة او تمارس جيم او تتمشى او
تجري او تتعلم تعمل اكلة بتحبهااو تدور على
تدريب او تشتغل part timeاو تحط لنفسك برنامج غذائي
معين وتمشى عليه.

حاجات عقلية mental : زي مثلا لما تروح تاخد كورس
في مجال تخصصك او في حاجة انت بتحبها زي
الموسيقى او التصوير او الشعر او السيناريو او
تحضر محاضرات في مجالات مفيدة زي التنمية
البشريةاو تقرأ في اي مجال انت بتفضله او تاخد كورس
في لغة او في برامج كمبيوتر او حتى تفكر في
مستقبلك المهني وتعمل خطة طويلة المدى وتفكر في
احلامك وطموحاتك.

حاجات اجتماعية social : زي مثلا لما تقابل
اصحابك وتخرجوا و تروحوا مكان مرحتوهوش قبل كده او
لما تزور قرايبك و جيرانك او لما تتعرف على
ناس جداد او تعيد اتصالك باصحاب المدرسة
القدام.

حاجات روحية spiritual : وهنا ممكن تحفظ قرآن او
تقرا كتب دينية او تشارك في نشاط خيرى او تطوعي
؛ تروح تزور ايتام او مسنين تساعد الفقراء
والمساكين أو تساعد اصحابك او قرايبك مثلا تعلم
حد فيهم حاجة انت بتعرف تعملها كويس.

لو فكرنا بالطريقة دي صدقوني ممكن نلاقي
مليون حاجة نعملها ونزعل ان مفيش وقت عشان نعمل كل
اللى احنا عايزينه. معلش آسف اني طولت عليكم.
105.فكرة آياتأن بفكر أننا نشوف أرض أو أكتر حسب المتاح
نحاول نزرعها بالمحصول المناسب ولو متاح نحصل
على أرض ولو صغيره زراعيه مش مستغله بخبرتنا
ونتعلم من الى عندهم خبره فى الزراعه ونستفاد من
معلومات كمان الطلاب فى كليات الزراعه00 بحيث
نتعلم ونكتسب حرفه وننتج بأذن الله محصول من
أرض غير مستغله00والمحصول الناتج بفضل الله
يباع بأسعار مناسبه جدا جدا للأشخاص المحتاجين
وربما توزع فى بعض الحالات بالمجان00

كده 00 هنكسب خبره لينا وتفدنا أكيد فى حياتنا
ونستغل الأجزاء الغير مستغله فى البلد
ونساعد بيها محتاجين 00 وربما يستمر هذا العمل حسب
المقدره طوال العام للأفاده الأكبر منجانب
المحتاجين00
وممكن تكون الزراعه عن طريق الزراعه
المستخدمه بمياه أحواض السمك الى هتكون موجوده على
الأرض الزراعيه حيث الكفائه والسرعه فى
الأنتاج للمحصول بأذن الله00
106.فكرة وليدالسلام عليكم ورحمة اللة وبركاتة
من رايى انة يمكن تقسيم الاجازة الى ثلاث
فترات وهى
الفترة الاولى ان تنمى قدراتك التفكيرية
والذهنية والابداعية بمعنى مثا فى مجال الهندسة
توجد مراجع كثيرة بتعمل على فكرة التفكير
البناء ثم تحسين مراحل هذاا الفكر الى ان يصل الى
مرحلة الابداع بجانب تعلم مهارات اخرى مثل
الصبر والاصرار وعدم اليأس ة وغيرها وهذة هى
اهم فترة اتكوين الذات

الفترة الثانية وهى زيادة القدرة المعرفية
والثقافة العامة للطالب من خلال قراءة الكتب
والمدوامة على قراة الجرائد لمعرفة الاحداث
الجارية والكورسات ايضا التى تدعمك فى تخصصك او
فى تخصصات اخرى لزيادة المعرفة والتدريب فى
الشركات واثناء القيام بهذاا القيام بعمل
انسانى حتى تفيد نفسك اولا وثانيا المجتمع
والوطن الذى تعيش فية ..........

الفترة الثالثة وتفضل بان تكون قبل العام
الدراسى مباشراا وهى فترة استرخاء واستجمام
وتغيير الجو(المصيف) والافصاح عن النفس
للاستعداد لدخول عام دراسى جديد وانت سعيد ومهيأ نفسيا
لما استفادتة وافادت المجتمع ووطنك بة

وليد شحاتة
eng. of communication
107.فكرة وليد 2اهم شء فى كل هذاا ان تعرف ما الذى تفعلة وان
تجد صياغة كاملة وخطة للاجازة السعيدة ان شاء
اللة

فالصبر والمجهود والاصرار والامل تتحقق
المستحيلات
108.فكرة ياسر الجوهري نروح نلعب سباق أوتوكروس :)
109.فكرة ميدو نجمع بعض شباب الشارع ونشتري مقشات جديده
وعدد من والجواريف الجديده وعدد من القفازات و
عدد من الالكمامات و نكنس الشارع كل يوم بعد
صلات الفجر ونضع صناديق صغيرة بجانب الطريق
ليضع بها المارة القمامه لنجعل شارعنا انظف شارع
110.فكرة يمني الفكرة هى :اولا حفظ 3 اجزاء من القران ز ثانيا
باستخدام الاخشاب و الموارد المتحة يمكن
صناعة اشياء جميلة و اكيد الرياضة و المصيف
111.فكرة يمني احضر دروس فى التنمية البشرية و ايضا فى
التخاطب و فى الاقتصاد العلمى و كيفية ادارة
الاموال
112.فكرة ayoy كلنا عندنا كومبيوتر ومتوصل
بانترنت...وأغلبنا يعرف موقع ebay.comالموقع الشهير..
فكرتى ان اى حد هينفذ الفكرة دى يقدر وهو
مرتاح فى بيته يعمل فلوس كويسة ...
الشرط الوحيد عشان تبدا المشروع دا انه يكون
عندك visa card او تعرف اى حد عنده واحدة يقدر
يضمنك...
انت هتدخل عالسيت الى هو عبارة عن سوق كبير
اى حد بيبيع ويشترى فيه اى حاجة وباى
سعر..الموقع بينشر اعلان ليك انك عايز تبيع حاجة او
تشترى حاجة فى مقابل مبلغ معين...انتا هتختار سلعة
اى حاجة تقدر او تحب تتاجر فيها يعنى تشتريها
بسعر وتبيعها بسعر اعلى شوية وأنتا وشطارتك!!
بس لازم تكتب مواصفات حاجتك ولازم تكتب
مصاريف شحن الى متوقع يدفعوها ودا معناه انك هتكون
بتتعامل مع شركة شحن زى fedx وغيرها...
اوعى تنسى تحط فى اعلانك طريقة الدفع لان فى
كذا طريقة اما بالتحويل على حسابك,فيزاكارد,او
بحساب paybal
اعتقد ان دى فكرة جامدة اوى وهتكسبوا كتير
انشاءالله وهتستفيدوا اوى من السيت دا لانه
مشهور فى جمبع أنحاء العالم واى سلعة اكيد فى حد
عايزها...ويريت تبقوا تدعولى!!!!!!!!!1
113.فكرة أحمد أحسن أجازة لما تكون أعد ادام الكومبيوتر و
بتعمل شات مع صحابك (و لو حد حب يكلمنى على
المسنجر أهلا و سهلا ال e-mail بتاعى مكتوب في اخر
الرسالة)و تحفظ قران و تروح ال نادى وتلعب بلاى
ستاشيون و هو ده اللى انا بعمله
114.فكرة مؤمن1-يجب على كل شاب ان يلعب كمل اجسام
2-يتم تخصيص يوم في السبوع يلتقي الشباب مع
بعض ويقوموا بعمل الاتي:
1-كل واحد يبرز شخص اخر بايد حتى يقول اي منهما
انه تعب من القتال
2-وبذالك كل شخص جسمه سوف يكون قوي
3-سوف يكون لديه اصدقاء جدد
4-سيتخلص نهاءيا من العنف
115.فكرة محمد سعيد:نبدا المشروع مثلا بتر بية الطيور الدجاج
والبط وغير ها
ولا ستفادة من البيض ولحومها
تربية الحيوانات البقر والجاموس.
116.فكرة محمد عبد المبدي ندوات عن نبذ ثقافة الشك والكراهية يقوم
بالمحاضرة فيهامتخصصون عن طريق جممعيات اهلية
117.فكرة من موقع شباب و بس

نعترف ان اى اقتراح لشغل الفراغ او تحقيق ربح مش بالضرورة يكون مناسب لك لكن ما لا يصلح لك قد يصلح لغيرك...الناس ألوان.... خد فكرة جريئة حبتين..لكن سهلة... لا عايزة خبرة ولا رآس مال.

كل البيوت عندها ملابس وأدوات مركونة تحت السرير وفوق الدولاب وفى ركن البلكونة

بنطلون بحالة جيدة المقاس ضاق مع الوقت

فستان صاحبته مش مرتاحة لتفصيلته وألوانه

حذاء صغر بعد رجل العيل ما كبرت

لعبة أطفال.. محتاجة لصق بالأمير

شنطة مدارس فيها سوستة بايظة

اشياء مكررة مخزونة زى ملاعق أكوب شاكوش مفتاح انبوبة

دى مجرد أمثلة...الواقع مليان حاجات مهولة منسية

إيه رآيك انت وصاحبك والثالث والرابع تبدأو بخميرة من هذه الاشياء التى يطلق عليها ((second hand اى استعمال تانى
نظف واغسل وأكوى ولمع وحط فى أكياس جميلة
بمصروف الجيب انت والمجموعة وبمساعدة الاسرة استأجروا مكان بدون موقع متميز مجرد مخزن جراج ارض فضاء شقة بسيطة
أعلن عن المشروع وبيع بأسعار رمزية ( ما هى أصلا مرمية)
اشترى هذه الاشياء من الناس وأعرضها للبيع ( بعد الترويق )
الغسل والكوى والتغليف والتجهيز يتم فى البيوت وبمساعدة البنات
....... ونظرا لصعوبة الحياة فى الاوساط الشعبية وعند محدودى الدخل حتلاقى زباين كتير... ناس تبيع لك وناس تشترى منك والعجلة تدور

118.فكرة من موقع شباب و بس

الصيف ع الابواب.....يعنى فراغ....يعنى أجازة
خد فكرة مشروع بسيط اعتبره ملو فراغ...تغطية مصروف
تخفيف عبء عن الاسرة وفى الوقت نفسه يعتبر نواة لمشروع كبير
نسبة من الشباب لا تقل عن 60% قطعوا شوط كبير فى التعامل
مع الكمبيوتر ونسبه لا تقل عن 10% عارفين كل حاجه عنه

1- كون فريق عمل من شخصين انت وواحد متخصص
2- رتب مع جمعية خيرية او مسجد او او نادى او مركز شباب او قصر ثقافة لتوفير مكان يناسب دورة كمبيوتر
3- حط عدد 2 جهاز من البيت بصفة مؤقته
4- إعمل وصلة نت
5- إعلن عن دورات سريعه وبسعر معقول فى الويندوز والنت والاوفيس
وكثيرا من الكبار والصغار حترحب بالفكرة خصوصا دورة الافيس
التى تشمل الورد والاكسيل والاكسيس والبوربوينت لانها مطلوبة من كل من يبحث عن عمل
حاول اقناع الوالدين وجرب وكمل المشوار بعد الصيف اثناء الدراسة ولو بالاستعانه بواحد متفرغ ياخد مرتب طالما المشروع سلك معاك

119.فكرة من موقع شباب و بس

كثير من زوار الموقع سألو اين توجد مصانع لعب الاطفال؟؟
وكثير منهم طلبوا كثير من الافكار
بالنسبة للمصانع سوف تجد على معظم الالعاب اسم وعنوان وتليفون المنتج او التوكيل
الذى يتولى التوزيع . وعموما لو فكرتك خاصة بألعاب البلاستيك إسأل أى مصنع بلاستيك يصادفك
ولو فكرتك خاصة بألعاب ورقية قدم تصورك لمطبعة كبيرة تتبنى الفكرة.
المهم عند التقدم للجهة المنتجة خللى فكرتك مكتوبة بوضوح وإختصار مع إرفاق رسومات دقيقة وملونةبالنسبة لمزيد من الافكار نقترح ما يلى وفكر انت كمان معانا

:
مربعات رقعة الشطرنج.. ارسم على المربعات السوداء هلال ابيض رشيق
وعلى المربعا السوداء نجمة ثمانية عبارة عن مربع فوق مربع بخط اسود رفيع.
وعلى فكرة اذا كانت النجمة السداسية فى علم اسرائيل ترمز الى قاعدة هيكل سليمان حسب نظرية الصهاينة...فإن النجمة الثمانية وكذلك الاضلاع ال8 لبعض المآذن
لها معنى فى الفن الاسلامى " ويحمل عرش ربك فوقهم يومئذ ثمانية " الحاقة الكوتشينة
وبالمناسبة الكوتشينة فى حد ذاتها مثل كثير من الالعاب مباحة وعادى المشكلة ان تتسبب اى لعبة من إضاعة صلاة او اهدار وقت نحن مسؤلين عنه يوم القيامة او عقد المباراة على هيئة مراهنات وقمار
نعود للكوتشينة:
الولد : ممكن يكون صبى فلسطينى يحمل حجارة
البنت : فتاة صغيرة محجبة
الشايب : جد كبير السن يبتسم وهو يحتضن احفاده ( تعبيرا عن تواصل الاجيال وصلة الارحام)
أما ظهر الكوتشينة وهو طبعا شكل موحد ممكن تجعله زخارف اسلامية وهو نوعان
هندسية ونباتية

[ندعوك للتسجيل في المنتدى أو التعريف بنفسك لمعاينة هذه الصورة]

ممتاز يا لوما بجد ممتازه وفي انتظار كل جديدك وتميزك يا قمر

ممتاز جداااااااااااااااااا

منكم نستفيد ياشياب

افكار هايله جدا

ممتاز بجد

ربنا يكرمك

افكار جميلة