اطلبي طريقة اي اكلة وانا اجبلك طريقتها

موضوع جميل يا قمر انا بقا عايزة اكلة صعبة عايزة اكلة بيتزا هت

نفسي اعرف الفراخ الكوكي في البيت بتتعمل ازاي بس تطلع زي كوووووووووكي اللي بجيبها من بره

حاضر يا هاميس هقولك علي الطريقة

جنة حمدي كتب:

حاضر يا هاميس هقولك علي الطريقة

ماشي يا جنة انا زعلانة منك عشان مقولتليش هتقوليلي الطريقة

المقادير: فرخة وزن كيلو مقطعة الى 8 قطع
2 كوب لبن رايب
4ملاعق مسترده
ملح
فلفل اسود
بصلة مبشورة
ملعقة شطة حمرا
2 فص توم
نص كيلو دقيق
ملعقة كبيرة بيكنج بودر
ملعقة بابريكا
ثوم بودر
بصل بودر
بهارات
نص كوب دقيق درة اصفر
ملعقة صغيرة حبهان مطحون
ماء مثلج التحضير: نشرط قطع الفراخ بالسكينة علشان التتبيلة تدخل فيها كويس وفى وعاء نضع اللبن الرايب وعليه المستردة والبصلة المبشورة والثوم المفروم والملح والفلفل والشطة الحمرا ونقلب ثم نضع الفراخ ونتركها لمدة ليلة فى التلاجة
ثم نضع الدقيق فى وعاء وعليه التوم البودر والبصل البودر والبيكنج بودر والبابريكا والحبهان والبهارات والملح والفلفل الاسود ودقيق الدرة الاصفر ونخلطهم مع بعض ثم نضع قطعة قطعة من الفراخ فيها ونضغط عليها كويس ثم نضعها فى الماء المثلج ثم فى الدقيق مرة احرى ونضغط عليها كويس جدا ثم نحمرها فى زيت غزير ساخن جدا ونتركها شوية على نار عالية ثم نوطى النار حتى تستوى ومنحطش كل الكمية مع بعض فى الزيت نضع شوية شوية علشان الزيت مايبردش وبالهنا والشفا

انا جبتلك طريقة فراخ كوكي او كنتاكي يا هاميس وبعدين يا ريم انا اسفة طريقة البيتزا هتلاقيها في مواضيعي

.
البيتزا هت

المقادير:

- 3 أكواب دقيق
- كوب ماء
- ملعقة وربع صغيرة ملح
- 2 ملعقة صغيرة سكر
- 2 ملعقة طعام زيت زيتون
- 2 ملعقة طعام دقيق ذرة
- 6 ملاعق طعام حليب بودرة
- ملعقة صغيرة بيكنج باودر
- 2 ملعقة صغيرة خميرة
- ربع ملعقة صغيرة ثوم بودرة
- ربع ملعقة صغيرة بصل بودرة .

الطريقة ومعلومات:

نخلط الماء والسكر والملح وزيت الزيتون والسكر والخميرة في وعاء متوسط إلى أن تتفاعل الخميرة وجميع المكونات الجافة مع بعض ونخلط الجميع ونعجن جيدا لمدة من 8 -10 دقائق إلى أن تتكون لدينا عجينه طرية و لكن لا تلصق باليد.
- نغطيها بقطعة قماش مبلولة قليلا ونضعها في مكان دافئ لمدة 45 دقيقة ثم نقسمها إلى ثلاث كور متساوية ونفردها على سطح مرشوش دقيق.
- نتركها على الأقل 5 دقائق قبل وضع المكونات عليها ،،، نضع عليها صلصة البندورة اللذيذة ،،، ثم نضع عليها المكونات المفضلة لدينا ( فلفل بكل الالوان - بصل - مشروم - بندورة مقطعة حلقات - زيتون – جبنة شيدر – جبنة موزاريلا) وأي شيء يخطر على بالك.
ملاحظه : إذا زاد الماء على الدقيق نرش قليل من الدقيق ونعجن حتى يتكون في اليد وإذا زاد الدقيق نرش قليل من الماء ونعجن جيداً.

موضوع حلو

جنة حمدي كتب:

انا جبتلك طريقة فراخ كوكي او كنتاكي يا هاميس وبعدين يا ريم انا اسفة طريقة البيتزا هتلاقيها في مواضيعي

شفتها يا قمر ربنا يخليكي انا كنت هتجنن واعرف بتتعمل ازاي
تسلم ايدك يا قمر

يلا جربيها وان شاء الله تعجبك