شويه نصائح لاحلي اصيلات يالا بينا نشوفهم سوا ؟؟؟

السلام عليكم

ازيكم ياقمرات يارب تكونوا بخير

انا جايبلكم النهارده شويه نصايح متنوعه

ع الماشي يارب الكل يستفيد نجربها سوا

وان شاء الله خير

يالا نبدا

اولا .. لما تعملي كميه من الكيك كتيره شيلي منها في علبه بلاستيك متغلفه
بالسوليفان وحطيها في الفريزر وخرجيه قبل ماتحتاجيه بشويه صغيرين يفك كانه طازه

ثانيا ... افضل خامه للايشارب القطن والحرير علي قطن والشيفونات المطفيه

ثالثا ... حطي لجوزك ورقه مكتوب فيها كلام رومانسي في جيب قميصه قبل مايخرج

رابعا ... علشان تكون ضوافرك صحيه وجميله حافظي عليها ناشفه معظم الوقت ده بيمنع البكتيريا والفطريات من النمو تحتها

خامسا ... لتنظيف الميكرويف حطي معلقه صغيره بيكربونات صودا علي كوب ماء وحطيه في الميكرويف علي عالي لمده
دقيقيتيتن وامسحي الجوانب بقوطه

سادسا ... خلي ابنك تحت الاربع سنين يشعر بالحريه في اختيار اكله ده بيعزز ثقته في نفسه ويخليه كل مرخه يختار حاجه مختلفه

سابعا ... لاتنسي تدليك فروه راسك يوميل لمده خمس دقائق فالتدليك ينشط الدوره الدمويه التي تغذي الشعر مع الحذر من العنف في التدليك

ثامنا ... علشان ريحه الفلفل الاسود المطحون متروحش حطي كام حبه صحيحه في البرطمان

تاسعا ... ابسط طريقه لتنظيف الوجه وشده والتخلص من الرؤس السوده بنسبه معقوله . نصف لمونه ضعي عليها نقطتتين عسل وافركي وجهك ثم اغسليه بماء بارد

عاشرا ... لا تجففي شعرك بالاستيشوار بعد الاستحمام مباشره سيبيه يجف لوحده او بمنشفه

الاحترام غالبا بيكون السبب في استمرا الحياه الزوجيه بعد فطور الحب 11

12 عايزه السمك المقلي يبقي دهبي ومقرمش ؟؟ قبل ماتقليه رشي عليه وهوه مبطن بالدقيق شويه ماء من الناحيتين

13 علشان تخففي من اثار السليوليت ادهني المنطقه بتفل القهوه ولفيها بكيس ربع ساعه وبعدين اغسليها

14 علشان ريحه السمك تروح من المواعين اغسليها بمايه بارده مش سخنه

15 لو بشرتك جافه اعملي مستحضر من الليمون والجلسرين بكميات متساويه وعليها 2 معلقه زيت زيتون هيخلي بشرتك ناعمه ولامعه

16 عودي ابنك علي استثمار فلوسه في هديه او عزومه لاخواته وشجعيه علي العطاء

17 علشان الايشادو يثبت علي جفنك بلي الفرشه بنقطه مايه قبل ماتحطيها في اللون

18 لو معندكيش ثقه بنفسك تظاهري بذلك حتي تدربي نفسك علي ان يكون عندك ثقه بالنفس ظهورك بثقه في النفس له تاثير كبير في كونك جميله

19 الماسكرا الشفافه هتدي شكل لرموشك رائع مش هتسود جفونك خصوصا في الحر ده

20 استخدمي مزيل عرق من غير كحول لان اللي فيه كحول بيسود المنطقه اللي بيتحط عليها جربي اللي من غير كحول وخلال شهريت هتشوفي الفرق

21 احرصي علي ان يكون لجوزك هوايه يلاقي فيها نفسه وشجعيه علي ممارستها وشاركيه

22 استخدمي احمر الخدود البودر مش الكريمي في الجو الحر

23 لو عندك حب شباب في جسمك ماتلبسيش غير قطن وبلاش الضيق علشان مسامك تتنفس

24 علشان العطر يدوم علي جسمك اكتر ادهني قبليه فازلين

25 الشاي الاحمر يساعدك علي تحسين الذاكره وتنشيط دماغك بس باعتدال

26 علشان تضيعي ريحه السمك من الشقه اغلي قشر لمون وبرتقال وقرفه خشب

27 الملح يؤدي الي احتباس السوائل في الجسم حاولي تقللي من الملح

28 نقي البطيخه اللي الجزء الفاتح في قشرتها يكون اغمق مايكونش ابيض او فاتح قوي ويكون وزنها كبير بالنسبه لحجمها ومتكونش بتلمع

29 علشان تقدري تغيري من جوزك لازم تتقبلي شخصيته الاول

30 استغلي موسم الكرز واحفظيه بانك تغسليه وتنشفيه وشيلي البذره وحطيه في صنيه في الفريزر ولما يجمد حطيه في اكياس محكمه

31 من فوايد مشروب قمر الدين بيقوي المناعه وبيخلص الجسم من السموم

32 لو هتحمري حاجه في الزبده حطي شويه زيت معاها علشان الزبده ماتتحرقش

33 الخيار هو منظف طبيعي يمكنك اضافه عصير الخيار الي اللبن واستعماله كمنظف لطيف عالبشره بدلا من المنظفات الكيميائيه

34 علمي ابنك العطاء وان هدومه ولعبه القديمه تخرج للفقراء والمحتاجين

35 لو بتحبي البطاطس المقليه قطعيها تخينه علشان ماتمتصش زيت كتير

36 كل فتره شغلي غسالتك دوره فاضيه وحطي بدل المسحوق خل علشان تنضفيها

37 زياده اكل السكر بيساعه علي نمو الشعر في الاماكن الغير مرغوب فيها

38 ساعدي جوزك وشجعيه علي تواصله مع اهله

39 لو عامله رجيم وخرجتي تاكلي بره اطلبي الاطباق المشويه والسلطات والعصاير الفريش قليله السكر

40 ماتحطيش اكتر من طبقتين من الماسكرا علشان رموشك ماتلزقش في بعض

41 وانتي بتسلقي اللحمه شيلي الريم علشان الشوربه لونها مايتغيرش وتبقي لذيذه

42 حطي فص ثوم وانتي بتعملي المخلل علشان يقتل البكتيريا اللي حتتكون في البرطمان بتاع المخلل وكمان شويه خل ابيض هيساعد في التخليل ويعطي طعم حلو

43 حسسي جوزك ان كل شئ بيجيبه ليكي او للبيت كبير اوي حتي ولو كان صغير ده بيفرق كتير

44 كوني رقيقه في تمشيط شعرك واياكي والامشاط الرديئه ذات السنون الضيقه جدا

يارب اكون فيدتكم بالنصائح دي

اشوفكم علي خير

[ندعوك للتسجيل في المنتدى أو التعريف بنفسك لمعاينة هذه الصورة]

نصائح قيمه يا قمر
مفيده فعلا وردة

تسلمي يا نونه موضوع مميز

[ندعوك للتسجيل في المنتدى أو التعريف بنفسك لمعاينة هذه الصورة]

تسلملى يا سكر نصايح فعلا تستاهل التقيم

شكرا يا قمر علي موضوعك المتميز

نونه البكري كتب:: [ندعوك للتسجيل في المنتدى أو التعريف بنفسك لمعاينة هذه الصورة]

ميرسي يا قمر

» مجموعه بيجامات روعه لاحلي اصيلات في الدنيا
» مسابقه اسئله عامه ؟؟؟ يالا تعالي واختبري معلوماتك
» شويه نكت وطرائف
» احلي عبايات لاحلي بنات
» طرحة وميك اب لاحلي عروسة