استشارات الطبخ يلا تعالى اسالى

السلام عليكم ورحمه الله وبركاته
ازيكو يا اصيلات
انا لاحظت ان القسم ده فارغ وزعلت جدا بصراحه
عشان كده قلت ادخل اساهم فيه وانتو تتفضلوا تردو عليا
وتزودوا مشاركته
وانا لا ادعى العلم لكن اذا كان هناك اى استشاره او
استفسار من اى عضوه فانا تحت امرها سوف اجيبها
باذن الله او على الاقل حبحث لها عن الاجابه واعطيها الرد
فى اسرع وقت باذن الله
يلا انا تحت امركو تعالوا اسالونى على اللى عايزينه
سواء فى الحلويات او الطبخ العادى
وكلنا لازم نفيد ونستفيد
يلا فى انتظار تفاعلكم
وشكرا

طب بصي يا قمرة عايزة اعرف ازاي البيتزا هت وشكرا

[ندعوك للتسجيل في المنتدى أو التعريف بنفسك لمعاينة هذه الصورة] بالتـــوفيـــق يا قمر وشكرا لمجهودك

اتفضلى يا ست اصيله طريقه البيتزا يارب تعجبك
المقادير
3كوب دقيق
1كوب لبن
1كوب زبادى طازج
ملعقه كبيره خميره جافه
ملعقه صغيره سكر
ملعقه صغيره ملح
1/2 كوب زيت
الطريقه
يضاف السكر للخميره وتذوب فى كميه من كوب اللبن الدافى حتى تسيل
تضاف المقادير الجافه ثم نضيف الخميره والزيت وتعجن باللبن والزبادى جيدا
ملحوظه لاتضيفى كل اللبن ضيفيه قليلا قليلا حسب حاجه الدقيق
بعد عجن العجينه اتركيها تختمر جيدا فى مكان دافىء حتى يتضاعف حجمها
بعد الاختمار قومى بفردها فى تارت البيتزا مع دهن الوجه بقليل من الزيت
ثم تقومى بوضع القليل من الصلصه المجهزه على الوجه واضافه بسطرمه او بيفى او تونه او لحم مفروم ومعصج
حسب رغبتك او اضافه جمبرى ناضج ومقشر ويمكن اضافه شرائح فلفل اخضر وزيتون مقطع وكل حسب ذوقك
ولا تنسى اضافه الزعتر الجاف فى النهايه حتى يعطى الرائحه المميزه للبيتزا
وبعد ذلك ضعى فوقها الجبنه الموتزاريلا ثم دخليها فى فرن سابق التجهيز
حتى تمام النضج ثم قطعيها وقدميها ساخنه
جربى عزيزتى وادعى لى بظهر الغيب بصلاح الاحوال

اةكي يا قمر انا كنت ناويه افتح اول موضوع بالقسم
ويكون بالصور ان شاء الله راح انز موضوع خفيف كده بالصور من مطبخي

طب لو سمحتى انا عايزه اعرف طريقة رفع الصور بشكل اسهل من الكتوب فى المنتدى وده للتيسير على العضوات الفاتنات

انا بقى حركتى بطيقة لانى مريضة محتاجة منك اكلات ماتخد ش مجهود وفى نفس الوقت لذيذة وجزاكى الله خيرا

من عيونى ياقمر
انتظرينى سوف احضرها لك قريبا
والف مليون سلامه عليكى

شمس عبد الحميد المصرى كتب:

طب لو سمحتى انا عايزه اعرف طريقة رفع الصور بشكل اسهل من الكتوب فى المنتدى وده للتيسير على العضوات الفاتنات

في مواقع كتير خاصه بس لتحميل الصور
ممكن تشوفيها بالبحث على الجوجل

مرفت ابو عميرة كتب:

انا بقى حركتى بطيقة لانى مريضة محتاجة منك اكلات ماتخد ش مجهود وفى نفس الوقت لذيذة وجزاكى الله خيرا

بصى ياقمر انا نزلت كام فكره كده للسندويتشات يتاريتك تشوفيها وتقوليلى رايك
وكمان سهله وسريعه
نزلتها مخصوص عشانك

انا عندي استفسار ايه الطريقة لتخليل الزيتون ؟؟

باللتووووووووووووووووووووووووفيق ان شاء الله

ayaa osman كتب:

انا عندي استفسار ايه الطريقة لتخليل الزيتون ؟؟

حبيبتى انا عامله موضوع لتخليل الزيتون ياريت تشوفيه

ayaa osman كتب:

انا عندي استفسار ايه الطريقة لتخليل الزيتون ؟؟

تيسيرا على كل الاصيلات دى طريقه تخليل الزيتون من شمس والموضوع الاصلى موجود فى سلطات ومقبلات

الزيتون الاخضر

المقادير

2 كيلو زيتون اخضر تفاحى
1\2 كيلو جزر مبشور
3\4 كيلو ليمون معصور و نشيل االقشر عشان حنحتاجه
1\4 كيلو فلفل اخضر حامى
حزمة كرفس مخرطة
راس ثوم مهروسة بالقشر بتاعها مفيش مشكلة
1 كوب زيت طعام و الافضل لو زيت زيتون
ملح و ميه للتخليل حسب الرغبة

الطريقة


اولا حنجيب الزيتون التفاحى و ده نوعه بيبقى شكل التفاح كده النوع ده حلو و مش بياخد وقت كتير فى التخليل و بيبقى لونه جميل جدا و صفاره حلو زى الكهرمان
لان فيه نوع اسمه العزيزى بتبقى الزيتونة مطاولة شويه و بتاخد وقت فى التخليل اكتر من التفاحى و بتبقى اغمق بعد التخليل



حنغسله و نشقه بالسكينة
و حننقعه فى ميه من الحنفية لمدة 3 ايام كل يوم نغير الميه مرتين مره الصبح و مره بالليل عشان ننزل منه المرارة
بعد ال3 ايام نغسله كويس و نحط عليه كل المقادير اللى فوق ونقلبهم فيه ما عدا الزيت و عصير الليمون و القشر بتاعه
بعد ما نحط المقادير فى البرطمان نحط عصير الليمون و عليه الميه و الملح و و نحط القشر على الوش و نكبس كويس البرطمان و و الاخر نحط الزيت

بعد كده حنحط كيس جوه البرطمان عشان نكبسه كويس


و نحط كيس حوالين الغطا عشان نضمن عدم دخول الهواء و نسيبه 25يوم على ما يتخلل



حنحط كيس من بره البرطمان
لان لما بيقعد يومين تفاعل المكونات بيخلى شوية زيت ينزل من البرطمان فبنحط الكيس عشان الزيت ينزل فيه و مش يبهدل الدنيا


و بنعرف ان الزيتون استوى لما نشوفه لونه اصفر كده التفاحى بياخد حوالى 25 يوم و العزيزى بيياخد من شهر لشهر و نص بس مش بيبقى اصفر قوى كده بيبقى اغمق شويه

يلا جربوا وقولولى رايكم ايه

موضوع ممتاز ومتكامل

حاتعبك معايا ... ل تعرفى طريقة الثومية .. بتاعة تكا .. يبقى كتر خيرك اوى اوى