1-عايزة الملوخية مزبوطة حطى ذرة سكر فيها وحطى فصين توم.مدقوقين نيين غير التقلية ومعاهم كزبرة ناشفة غير اللى فى التقلية
2-عايزة السمك والجمبرى المقلى متقرمش ومتماسك بعد الدقيق قبل التحمير هاتى طبق فيه مية غطسيه فى المية واحدة.واحدة بسرعة وحطى على النار...لالالالا مش هتطرطش خالص لاتقلقو لأن المية بتلزق فى الدقيق وتثبته
3-الكرنب عشان يبقى اطعم حطى فى الشوربة اللى هتتشربه توم مدقوق وكمون ومعلقتين صلصة
4-البامية عشان تبقى احلى حطى التوم على مرحلتين مرحلة مع تشويح البصل والمرحلة التانية مع الطماطم المعصورة وخليها كلها بالطماطم بلاش صلصة صناعية تبقى احلى
5-سلطة الكول سلو او الكرنب حطى مع المايونيز زبادى وسكر طعمها هيبقى زى المطاعم بس سبيها فى التلاجة الأول كام ساعة فى الخليط
6-البهارات الصحيحة قبل ماتطحنيها شوحيها ع النار طعمها هيبان اكتر
7-البيتزا حطى على اطرافها زبدة وتوم بودرة متسيحين فى المايكرويف كلهم هياكلو الأطراف مش هيسيبوها بس إحشيها بجبنة
8-حطى فى الباشميل رشة جوزة الطيب ومكعبين تلاته ماجى اكنه شوربة والسمنة تبقى اكتر من الدقيق عمره ما هيكتل معاكى
هفتكر حاجات تانية واقولكم عليها جربو التكات دى..
وسام النشاط والتميز
وسام الاشراف المتميز
المزاج
