ازيكم يا بنات
ربنا يصلح حال مصر اللهم امين
النهاردة جيبالكم الباذنجان المخلل
المقادير :
1/2 كليو باذنجان من الرفيع دة بتاع الحشو دة
وياسلام لو كان قصير وقوزعة كدة ياة هو دة المطلوب بالظبط
-مياة سخنة حوالى 1.5ليتر للى عندها غلاية كهربائية واللى معندهاش هتملى حلة الا شوية مياة وتسيبيها تسخن
حشوة الباذنجان
3معالق كبار كمون وزودى زى ماتحبى
2معلقة ملح
4ليمونه
فلفلاية كوبى واحدة خضراء
2معلقة
صغيرة ثوم مهروس
(لو الليمون خلص من عندك استبدلية بالخل بس على الاقل يكون فى الخلطة لمونتين حتى )
ياريت يا بنات الشغل يكون بسرعة علشان ميسودش منك ودة علشان الحديد اللى فية بيتفاعل مع الهوا والاكسجين اللى فية سبحان الله
ولازم المياة تكون مغطية الباذنجان علشان اية ؟صح علشان مش يسود
دول لتر ونص مياة على قد الباذنجان وطبعا كل واحدة وحجم الحلة اللى عندك وحجم الباذنجان اللى عندك بتعايرى المياة على اساسة واقولك على حاجة هتوفرلك كتير حطى الباذنجان الاول وبعدين حطى فوقية المياة السخنة علا طول وشوفى هياخد اد اية وطبعا هنصفية من المياة الاولانية اللى كانت فيـه
كدة خلاص قدامة دقيقتين ولا حاجة ويطلع هو اخد معايا بالظبط 7 دقايق طيب هتعرفى انة خلاص خلص ازاى ؟هتجيبى سكينة وبراحة هتحطيها فى واحدة لو لقيتيها طرية من جوة خلاص كدة تمام
هتطلعيها وتصفيها فى مصفاة كويس من المياة وتسيبيها ترتاح علشان تعرفى تشتغلى بيها من غير ما تلسعك
فردتهم كلهم على صينية وبالسكينة الصغيرة ويستحسن تكون مش مشرشرة علشان متهريش الباذنجاناية وبراحة خالص تفتحيها من النص
الحشوة
البهارات :
ملح فلفل كمون وفلفل اخضر متقطع صغير اوووووى علشان يدخل فى الحشوة والليمون وفية ثوم
انا هنا كان عندى 3 ليمون بس بس مستسلمتش اخدت 2 فى الحشوة وحطيت معاهم شوية خل
وديه الحشوة لما خلصت وقلبتها كويس مع بعض ماتتخضيش هى لونها غامق علشان الفلفل والكمون اللى فيها وعلى قد ما تحبى حطى ليمون ومتخافيش هتطلع لذيذة
دية لما حطتلها الحشوة
ومش نكتر فى كل واحدة اوى علشان ميطلعش طعمها قوى وعلشان تكفى الباقى وعلشان تعرفى تمسكيها وانتى بتاكلى
ملحوظه
لو مش بتحبى الكمون ممكن تشيليه خالص وكل واحده على حسب ذوقها
وزوجها بيحبه ازاى
المزاج
وسام النشاط والتميز
وسام الاشراف المتميز