وتفضل خضراء كانك عملاها حالا
والله ده اسهل طريقه واحسن نتيجه اول حاجه هنجيب كميه الملوخيه الى عاوزنها
نقطفها عادى ونغسلها كويس
ونحضر ماء بيغلى يكفى لغمر الملوخيه ونحط فييه معلقه ملح ومعلقه سكر
واول ما يغلى نضيف الملوخيه لمده 2 دقيقتين فقط
وبعدين نصفيها حالا وعلطول نضيف عليها ماء ساقع من التلاجه
ونسيبها شويه تتصفى وبعدين نعبيها فى اكياس حسب الكميه الى بنعملها كل مرة
ونشيلها بالفريزر
اما نيجى نعملها كل الى علينا نطلعها ونحطها فى كوب الخلاط
ونضيف عليها الشوربه الساخنه
ونشغل الخلاط لفتين بسسسسسسسسسسس
وشوفى بقى الجمال
ملوخيه خضراء
كأنك لسه شرياها حالا
وكأنها متخرطه بمخرطه الملوخيه بالضبط
والله العظيم تحفه ولازم تجربوها
لانها اختراع بصراحه
اللون والطعم والتخريط
كل حاجه تحفه
وهتنفعكم كتير جدا
والتجربه هى الى هتثبتلك ده
وكمان مش بتحتاجى انك تعمليها بالمخرطه
يعنى فايده من جميع النواحى